世記咖啡

Open Now

Now Closed

世記咖啡 厚蛋豬扒包夠足料世記咖啡係間位於議事亭前地附近嘅小店，仲係米芝蓮推介嘅餐廳！🥇 厚蛋豬扒包同奶茶非常出名，所以去到已經大排長龍。呢間外賣店，只有一張長凳可以坐。下晝3:30去到。排到我嘅時候，店員告知冇晒豬仔包，但可以用多士代替包面。喺等候期間，我都見到連豬扒同雞扒都冇晒，真係好受歡迎！😲終於等到豬扒包($50)，食一咬落去，好夠熱，豬扒多汁，炸到個外皮香口，炒蛋滑溜，味道同豬扒真係好夾。多士外脆內軟，整體口味配合得好好！最後飲咗探上一啖秘製奶茶($22)，茶味香濃，因為太好飲，竟然唔記得影相！🥤整體而言，世記咖啡真係值得一試，特別係佢哋嘅豬扒包同奶茶，期待下次再來！🌟環境🏅🏅🏅味道🏅🏅🏅🏅🏅性價比🏅🏅🏅🏅#世記咖啡 #議事亭前地 #米芝蓮 #豬扒包 #奶茶 #香港美食 #排隊美食 #小店推薦

🇲🇴 世紀咖啡花生奶油方塊 👍🏻👍🏻👍🏻一開始以為港式西多士誰知麵包一咬，內裡十分軟熟！😍😍😍外圍有大量花生煉奶椰絲包裹每一口方塊😍😍😍難怪是人氣之選🌟我愛！🩷沙丹雞扒澳門茶餐廳常見的飯，大概是茄汁飯好多人會點意粉，醬汁偏甜，個人認為配飯比較合適奶茶 ❌茶底太澀，奶味不足

上次嚟到試完秘製豬扒包之後，心思思想再嚟試多次，但係今次嚟到超多人排隊，排隊嘅地方亦都擋唔到太陽，所以呢個真係用汗水換來嘅豬扒包😂😂排咗15分鐘終於到我，order完行埋一邊又再等咗10分鐘先有得食，不過豬扒包冇令到我失望。如果鍾意食硬嘅包呢個絕對啱你，外脆內軟嘅麵包加埋厚滑蛋真係超正😋不過個厚蛋有少少蓋過咗豬扒嘅味。另外試咗佢嘅樽裝秘製香滑奶茶同埋炭燒瓦煲咖啡，好一般好普通，所以世紀咖啡應該改名做世紀豬扒包好了。

上一篇澳門食評打錯咗年份真係覺得自己好大意雖然喺大三巴附近，但喺巷仔嘅世記咖啡真係好難搵，天氣仲要熱，有啲辛苦，原來鋪位好細係無檯嘅，不過冷氣都幾夠，staff又好有禮貌，見我地4個人又幫我地將啲食物切件方便我地食。出名嘅豬排包當然係必食，除此之外我地仲點咗蛋多士，熱咖啡同凍奶茶，啱啱開門又即叫即整所以要等一陣。好期待，豬扒包好香呀～包有烘過，豬扒好大塊又唔乾，唔怪得係必食，蛋多士係厚厚嘅蛋好滿足，凍奶茶雖然細細支，不過真係好香濃又夠凍，正

來到澳門一定要試其當地豬扒包，人氣豬扒包店，除了大利來之外，還有我心水之列的「世記咖啡」！大三巴附近的小店，乃是外賣店，當然以外帶居多。店內比較狹窄，只有一張長櫈，以供食客等待外帶的食物！厚蛋豬扒包即叫即製的豬仔包烘到外脆內軟，豬扒醃得好入味，肉質細嫩多肉汁，香口但絕不油膩，那金黃色厚蛋，整塊也超嫩滑，而且有蛋香，咬一口，口感澎湃，絕對是無敵配搭！樽仔奶茶，茶香奶滑，甜度剛好，用樽仔裝住特別滋味！

今日真係忍唔住要寫傳說中話勁好味既 「世記咖啡」☕️🍞其實都試咗幾次先寫食評😂睇下係咪真係好食到咁🤪「鹹牛肉蛋治」都幾得意，係咪咁好食⁉️見人見致啦，始終口味都好 #個人 ，但Vienn覺得 soso😆（係鹹牛肉忠粉）但香港有間整得仲好食！食過1次就夠啦✌🏽至於傳說中勁好味既 「奶茶」🥤就真係一般到唔到般😭😭 #華嫂 會好飲好多（樽裝咁計），茶味同奶味都唔達標☹️☹️有彈就有讚，相反 #凍檸茶🍹就相當出色，咁熱既天氣飲一啖，真係好fresh!夠多檸檬🍋🍋 夠酸，個茶底真係做得唔錯👍🏽👍🏽👍🏽所以Vienn次次返澳門會嚟大三巴呢間 #世記 歎翻杯 凍檸茶先❤️❤️❤️世記咖啡 (新馬路)地址：新馬路賣草地里7-15號長信大廈地下 #澳門親子遊 #吃喝玩樂在澳門 #假日親子遊

世紀咖啡的豬扒厚蛋包就真係不得了❗齋睇相就已經知道有幾抵食果塊豬扒呢，大過知包，仲要唔韌兼鬆軟，醃料醃過塊豬扒入晒味，邊位仲有少少油脂香同脆邊，真係豬扒的極品😍額外加錢要埋塊厚蛋，就真係更加無敵塊蛋內裡仲有蛋汁，唔係乾爭爭果種，入口軟棉棉，蛋香四溢，加埋塊豬扒同包食，完全無遺和感而最重要嘅就係，三十多蚊就食得飽一個大人，真係抵食到一個點，仲要係有質素同好食果種，而地點仲勁近大三巴，沿路上中途有石椅坐的巷仔直入便到，掂🤩

世記咖啡，一黎到澳門就想試。店前已經放置咗炭爐，見到店員沖飲品。我同朋友我地兩個人就首先試咗奶油花生方塊。呢個係我其他去過澳門嘅朋友推介。聽過名「奶油花生方塊」第一時間諗起西多士（唔係Youtuber，係真。西多士）。事實上，奶油花生方塊同西多士有大同小異嘅地方。烘多士粒造成外脆內軟，係上面淋上好多好多花生醬同煉奶，係好好好膩。 最面頭仲有花生碎同威花餅碎，增加口感。味道都係西多士好d⋯⋯由於好膩，建議大家多人黎先share食。 因爲有d膩同天氣太熱，所以決定再買咖啡。之所以話再買係因為係我是日第三杯咖啡，係世記嘅第二杯咖啡。咖啡係預先製入樽，所以冇得較甜度。一開始入口有d苦，但慢慢飲落就飲到淡淡炭燒味，比一般港式咖啡特別。

位於大三巴賣草地里嘅世記，位置雖然喺旅遊區，但因為喺一條巷仔入面嘅盡頭，所以都有少少難搵。哩間係不設堂食，入面嘅位只可以用嚟等外賣。因為落雨關係人流比較少，等咗5分鐘左右就有得食。今日叫咗厚蛋豬扒包同佢地嘅瓦煲炭燒咖啡。厚蛋豬扒包menu上面係搵唔到，menu上面只係得豬扒包，厚蛋係上網見到有人推介先識叫。蛋非常之嫩滑，仲會爆漿，而豬扒就炸到好香，夾埋包一齊食係非常之正。而佢嘅咖啡都非常之香，值得推介。

次次去澳門都要食豬扒包？會唔會太悶呀？不如試下豬扒多士！呢個蜜糖芥末豬扒多士，多士足足三吋厚，烘過個面後，外脆內軟，食落唔會好厚。豬扒係帶骨豬扒，幾Juicy！而且加咗蜜糖同芥末醬調味，層次更豐富，無豬扒包咁乾爭爭同咸，整體味道無咁單調🐷-另外試咗樽裝奶茶(MOP 19)，雖然有點貴，但味道都是唔差嘅，茶味都幾濃，甜度適中，不過無乜驚喜，可能香港出色嘅茶記奶茶太多啦！我諗其他地區嘅遊客會中意多D~下次試吓瓦煲咖啡先！

Fatbrown 是日去左澳門搵食，去得澳門一定要食曬澳門的美食，所以到埗第一件事就衝左去世記咖啡整番個滋味豬扒飽先要注意，南灣分店只設外賣，如果想坐的朋友仔就唔好去南灣分店喇<豬扒包加蛋$38>Fatbrown 強列推介豬扒包，仲一定一定要加8蚊加蛋，呢個配搭真系無得輸豬扒有陣好香的蒜味，超鬆化，即叫即炸，保證新鮮滑蛋成吋厚，蛋味超重仲煎到好蛋蛋汁，夾埋超脆豬仔飽一齊食，真系天堂般的享受<朱古力奶油方塊$27>超多朱古力醬沾系面包粒上面，鐘意甜的朋友應該會覺得好正，fatbrown 個人覺得太甜喇不過朋友仔好鐘意，仲將面包粒滾兩滾，沾滿朱古力醬先食<秘製香滑奶茶$19>奶茶同香港茶記無咩分別，可以唔叫

🇲🇴澳門美食 鹹牛肉厚蛋多士🍳🍞好似個個去澳門都會食世記 等我又試吓~今次無食豬扒包🥪🤣叫咗佢地出名嘅鹹牛肉厚蛋多士😍($25)佢地鹹牛肉唔係罐頭個隻 係自家炒過嘅碎牛肉 加咗炒到軟身嘅洋蔥成件事係juicy唔會似平時鹹牛肉咁油重點係佢個厚蛋🍳🥚厚到友舊枕頭咁佢唔係平時炒滑蛋個隻半生熟口感係咬落去又厚又軟綿綿嘅口感 一啖係勁多蛋係口入面好滿足感🍵凍奶茶茶味都不錯 ($18)不過我覺得偏甜咗少少又未去到超滑超香奶味個種 香港有好多茶記正啲🤣

男朋友好中意食呢度既厚蛋五香肉丁治，因為蛋味濃且滑，配上微辣既肉丁更惹味。不過我見其他食客推薦呢度既花生奶油方塊，望落賣相唔錯，即管試下係咪真係咁正。一袋大概有8-9大粒，大粒到唔能夠一口食哂；麵包用上厚多士，只有表層烘到脆身，入面仍然有少少軟；食落其實係健康版既西多士，無咁油膩，但就無左西多士既蛋香，而且越食越甜，越食越乾。味道其實唔算好出眾，如果幾個人一齊食，每人兩粒會比較好，所謂少食多滋味，多食好乾身，個人都係中意呢度既厚蛋治多D。

奶油花生方塊！世記既咖啡我覺得其實就唔係幾啱我，但我就幾中意食佢地既包類。特別係奶油花生方塊！！中意食奶醬多既千期唔好miss左佢！超多醬！超好食！下次黎唔好淨係掛住食豬扒包，飲咖啡！

鬧市中的世紀咖啡，但位置好神秘在小條小巷，在大聲公涼茶，有一條小路轉入去最入既小店專登黎試這個，花生奶油小方塊。好多醬，花生醬好滑好稀，花生醬多到蓋左奶油味！小方塊係一粒正方型多士，外脆內軟。但本人唔太喜歡太濃花生醬味，所以覺得麻麻！服務麻麻，不太客氣！位於門口有人在門口拉茶！曾經幫襯過路氹間分店，完全唔知原來新口岸呢邊都有一間！出面豬扒包、咖啡、奶茶！但今次無再食食過既野！試左呢個新野！門口都比較迫！麻麻地！