世記咖啡

Open Now

Now Closed

網上既食評都係一致好評世記豬扒包，所以來到澳門就一定要試下。這間分店位於一條毫不起眼小巷，需要跟著地圖去搵先搵到。奇怪既係隔離賣牛雜的生意比世記還好，所以唔洗點排隊就買到。這裏的豬扒包係新鮮即制的，當客人落order，店員便即時把豬扒放落炸爐去炸，保証客人會食到熱辣辣既豬扒包。唔好就咁睇就覺得豬扒包好細，其實成個包有大約一個手掌位咁大。豬扒包的面包是脆的並塗了牛油，豬扒雖然係炸既，但係唔乾身同埋好有咬口唔un，而且豬扒亦算係大塊，啖啖肉。不過個包食落好似爭咁啲野，就係醬！因為面包剩係塗左牛油，感覺比較單調，如果個包加返啲醬，我諗個包既味道會更上一層樓。奶茶亦係世記其中一樣招牌，奶茶有香濃的茶味，奶既份量亦係剛剛好，不會搶走原有的茶味，值得一試！一邊食包，一邊飲奶茶，人生一樂也。

去澳門點可以唔食豬扒包！見有人推介呢間世紀咖啡，一於就試一試佢啦！佢嘅地點好唔顯眼，位處於一條巷仔嘅盡頭，唔行到入去都見唔到佢個招牌，初時我哋都行過咗龍。鋪頭地方唔算大，淨係做外賣，有一張長凳可以比客人坐喺度等，大約可以坐四至五個人。嘢食都係即叫即做，所以都預咗要花啲時間等待。首先梗係試咗佢個「秘製豬扒包」先啦，豬扒係即叫即做，熱辣辣，不論係個包定係塊豬扒，都好好味！事後我哋仲encore 咗一個再黎就係佢好出名嘅「花生奶油方塊」，初頭諗住都係一般食開嗰啲奶油多，冇乜特別，不過見好多人讚，就一於都試下！叫咗，真係食唔停口，好多醬，好香，面頭仲有花生碎！好味！最後，黎得咖啡店梗係要飲咖啡。冬天本來應該要飲啲熱飲，不過人太多，佢實在煮唔切，所以只可以叫涷飲。「瓦煲咖啡」有嗰陣燶燶哋嘅味，都幾香，熱飲應該會更香！「香滑奶茶」嘅茶味好濃。嘢飲黎講，冇我想像中咁出色，但可以一試嘅。

差不多三點才來到可能已過午餐時間沒人排隊每人點了一個豬扒包又點了凍鴛鴦及凍奶茶！ 夠茶味 這是我在澳門最喜歡吃的豬扒包！豬扒都是即叫即炸的夠新鮮佢嘅豬扒醃了很好味豬扒包個包又夠脆！每次來就算很多人排隊，他都會即叫即炸的我覺得新馬路這間比氹仔嗰間好食啲！

難怪受歡迎喺澳門食過咁多次豬扒包, 世記咖啡嘅厚蛋豬扒包係最好食👍🏻👍🏻👍🏻 新馬路呢間店唔起眼, 佢係一條巷仔最入面嘅店, 巷仔入口又唔見有特別嘅指示, 所以都要花少少時間搵, 不過搵好嘢食都係值得嘅! 天氣咁熱, 喺店外面落完order, 可以喺店入邊坐低等下, 因為豬扒包係即點即製, 我哋等左大約8-10分鐘, 門外已經聚集左唔少客人啦~! 啱啱炸好嘅豬扒好熱, 要小心熱親個口🤣🤣 豬扒大大件, 個包都包唔晒, 仲有超滑嘅厚蛋, 令成個豬扒包加分!! 仲有呢度嘅咖啡都係一定要試吓, 味道香濃, 飲唔停口!!

去澳門點可以唔食豬扒包！！我哋去咗近大三巴間外賣店，個位置非常之唔起眼，但有本小姐帶路就完全無問題一去到諗都唔使諗就叫咗個豬扒包加厚蛋。呢到嘅野食全部就係即叫即整，新鮮滾熱辣，買完真係要放一放先食到（我就係貪食一拎即食，即刻熱到成啖吐返出黎）麵包烤過，食落好酥脆,，塊厚厚嘅豬扒不會好乾，又醃得好入味，加埋嗰舊軟綿綿又香又滑嘅厚蛋，真係好滿足呀～呢到嘅奶茶同咖啡都好出名，我哋都試咗，但就覺得比較甜，唔係差，但就好似未特別到賣咁貴......

嚟到澳門，一到步就食返個豬扒包先~鋪頭入面得好少位，好多食客都喺企喺出面等外賣，有啲就企埋喺到食哂先走~其實接近門口已經聞到好大陣好香嘅豬排味!落order嘅時候，我哋仲額外加咗個厚蛋!豬排喺即叫即炸嘅，厚蛋亦喺即煎。一口咬落去，你會知道呢個豬扒冇落梳打粉，肉質實在得嚟好入味。個厚蛋又林又足料，口感好豐富!個包都烘熱咗嘅，非常夠熱，整體不錯~食到咁上下緊喺要飲返枝凍奶茶降溫，呢枝樽仔奶茶口感好滑，茶味亦好香濃。正！

🇲🇴🇲🇴🇲🇴🇲🇴🇲🇴傳統澳門味道 - 咖啡美食☕️ .今次阿肥黎到澳門當然冇放過任過機會食呢間有點歷史，深受遊客名星等歡迎既咖啡店先前到來都比佢既長人龍嚇走今次行經新開既外賣店冇排隊既奇蹟即刻就叫左佢地既厚蛋牛多，花生奶多士粒同埋樽裝奶茶講真，比港式既蛋牛治爭好遠蛋太老，牛太小又唔香。多士粒就凍既。。。唯一係個奶茶叫做幾好有茶味之餘又滑，有回甘掛口。算不錯☕️總括而言可試可不試好食指數：4.0 / 10抵食指數：6.0 / 10回頭指數: 4.0 / 10 世記咖啡📍新馬路賣草地里7-15號長信大廈地下。。。。。#drunklatte_澳門#drunklatte_街頭小食#drunklatte_飲食

來澳門少吃多餐是常識吧！尋尋覓覓 終於在小巷中找到這間外賣店不假思索地點了最出名的鹹牛肉厚蛋多士$25和凍奶茶$18。店肉人頭湧湧 等了大約十分鐘 我們的多士和奶茶到手了！一拿上手熱騰騰的！首先捧著厚厚的充滿份量和溫度的鹹牛肉厚蛋多士大大啖咬下去，很——感——動！太好吃了吧！！！蛋味濃郁，滑得來又不會過生，唯一可挑的是牛肉過少。麵包烘得香脆又不會太乾！真的好好食!!!!! 喝了一口奶茶我們雙眼都瞪大了，好喝得太有驚喜！在今天這嚴夏猶如甘露一樣，冰凍又不會淡，香濃幻滑，不會太甜，喝一口就會停不下來接著喝！果然名不虛傳！大驚喜！正呀！回到香港我們一直念念不忘這兩種味道。下次去澳門一定要再吃！

👫每次嚟親澳門都必食呢間嘅豬扒包，今次都唔例外😆 位於後巷嘅店鋪，唔起眼但都有好多人排隊㗎😝一一一一一一一一一一一一一一#厚蛋豬扒多士 <$36>曾經係澳門中過伏，食到啲乾身又硬嘅豬扒包😑但呢到嘅豬扒包啱啱相反，上次嚟食連個麵包都夠曬鬆軟👍🏻今次就試下加埋厚蛋多士👅多士係烘底，脆脆地烘到啱啱好🖖🏻豬扒係生炸，拎上手熱辣辣🔥食落夠曬大塊，勁滿足，一啖咬唔曬☺️而且唔會嚡身又多肉汁，唯一缺點係醃得唔太夠味，改善埋就prefect🤔雞蛋無咩特別，唔太滑但夠曬厚身，增加咗成個多士嘅口感🥚.#秘製香滑奶茶 <$18/凍>用樽仔裝嘅奶茶好方便，唔會飲到周圍都係🤗奶茶嘅奶味比較重，茶味唔太出🤕但整體嚟講都幾香醇，唔會太甜，而且口感幾滑身，飲完個口都唔會澀😳一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️店內嘅座位只供等待外賣，唔可以係入面食🔖

就算在不起眼的後巷，只要是美食，還是會大排長龍今次黎澳門朝聖世記咖啡☕️11點已到了，店舖剛剛開門，已有兩三個人在排隊，已聞到很香的咖啡味，門面貼滿名人光顧的照片和傳媒的訪問，非常有名氣。瓦煲咖啡香濃的咖啡香，不太甜，岩曬我口味熱辣辣的厚旦鹹牛肉三文治🥪香滑的炒滑蛋，厚厚的，中間還是半生熟流心，蛋漿混和麵包的鬆軟感，口感一流再有洋蔥鹹牛肉配在一起，洋蔥口感好正，成件事都好配合，口感好豐富秘製豬扒包豬扒是整塊生炸，香茅味醃製，非常入味，豬扒鬆軟多汁配合表面鬆脆的包，口感一流食完之後意猶未盡，下次來澳門一定會光顧

喺港澳碼頭等落船嗰陣！就好期待快D去到試吓咁多人話好食嘅世記，睇個地址以為好易揾、但其實都有D難度，原來佢喺一條好唔起眼嘅巷仔入面，Anyway ！終於都食到！一件非常juice 加埋只有7乘熟濃厚蛋香味嘅厚多士、唔洗講嘢再泥一個肉質鮮嫩有成塊面咁大塊嘅豬扒包、個包外脆內軟、正點都要試吓呢樽瓦煲咖啡嘅！連我個女平時唔鐘飲咖啡嘅都話好香好味

小妹本身很少吃豬扒 嫌其肉鞋口乾爭爭的，不過同朋友仔去澳門🇲🇴點都離不開豬扒包🐷 朋友仔想吃 便一起去巷仔覓食一下我倆要了個厚蛋豬扒包，鹹牛肉厚蛋多士，和凍奶茶。鹹牛肉厚蛋多士的鹹牛肉和厚蛋是分開的，比較特別，不像香港的牛肉混在蛋漿中。蛋很厚帶有蛋味而鹹牛肉沒有一味死鹹，多士用炭火烤過很脆及乾身，一起吃很夾。厚蛋豬扒包的豬扒非常大塊，蛋也厚，女孩子一口也肯定吃不下，迫著要分開上下兩層吃。豬扒大塊而有肉汁，帶少許有骨，肉較滑也不鞋口，用豬仔包夾著蛋和豬扒一併吃下很滿足，好味而凍奶茶則茶味較重，也不錯總括而言食物好吃，如果有桌椅供應就更好💕

自從第一次食過之後，就每次黎親澳門都好想食。之前都食過厚蛋豬扒包，好食過以「正宗」馳名既店鋪。世記既蛋真係厚，而且豬扒大塊多汁，好好食。今次就試下鹹牛肉多士，蛋依然好厚，鹹牛肉既顏色仲係偏紅，不過吾算生，同埋好出肉味。因為今次偏晏先黎到，就廢事飲奶茶夜晚訓吾著，不過我之前都似過，真係好滑好有奶茶味都十分推薦

世記咖啡! 冇睇錯, 我地又黎食世記咖啡喇👀 之前講過世記咖啡有四樣出名嘅食物, 但係我地淨係食咗其中三樣, 因為氹仔間分店果日個豬扒包賣哂😞, 所以黎咗大三巴附近嘅呢間分店喇 (話晒去澳門食豬扒bell🐷🍞好似係去指定動作咁🙊) 呢間分店喺個巷仔入面, 唔係知道呢間嘢係唔識特登入黎食架😐 呢間分店比氹仔個間多人好多, 所以都要等咗一陣, 個豬扒包先到手! 由於呢度太多人, 所以要企係出面食, 而入面啲座位係比人等外賣坐架! 個豬扒🐷新鮮炸起, 醃得好入味, 而且好彈牙同唔鞋! 不過如果可以冇咁濃味就好lu👀因為食食吓都有少少咸, 不過我同友人平時食嘢唔係重口味, 可能唔太食得咸啫!

本身唔太好豬扒包，嫌佢大多都係乾爭爭。但自從食完世記個豬扒包(MOP$28)就返唔到轉頭，每次過澳門都要食!個包外層烘到脆卜卜，豬扒唔會太乾太「鞋」口亦醃得算入味，即叫即整熱辣辣。叫埋支樽裝奶茶(MOP$17) 茶味好濃又夠滑，正！