世記咖啡

Open Now

Now Closed

豬扒包 (MOP $28)傳聞中既世記豬扒包😂買完支樽裝奶茶等左15分鐘終於有得食🤤新鮮熱辣 而且望落 塊豬扒滿滿油光 好似好好食🤤但食落去發覺...唔太特別 普普通通啦😂豬扒肉質係夠嫩👍🏻但醃得未夠入味 亦唔算好juicy😢 麵包咬落雖然脆身 但仍存在豬仔包既缺點 就係偏乾🤦🏻‍♀️ 所以整體黎講 ok既 不過冇乜驚喜💁🏻-香滑奶茶·瓦煲咖啡-雖然依間叫世記咖啡 但最出名既竟然係奶茶😂💁🏻想知點解? 咁不如兩樣都試下啦😏😋首先講講包裝🙈樽裝奶茶同咖啡真係好方便🤤特別係夏天☀️隨時隨地都可以攞出黎飲🍼奶茶茶味濃 口感都幾滑☺重點係唔太甜!!!而且甜味好自然 岩哂👩🏻👨🏻飲呀😍-咖啡味濃之餘帶點點苦澀(可能有人唔中意咖啡既苦澀 但肥妹覺得都可接受 唔會喺個口逗留太耐😋) 苦澀得黎冇酸味 中意少甜既#coffeeholic 😏仲唔快d去買黎飲?🤤

世紀咖啡係巷仔嘅盡頭，見到都唔少人係店內等候。但呢間係外賣店，座位只供等候你order嘅外賣，唔係俾客人進食。大少一眼就看中厚切魚片五香肉丁撈公，由於不太餓嘅關係就叫一個試下先。拎到外賣喇，再補多張相先厚切魚片五香肉丁撈公 $32雖然剛剛落完大雨，但沿路上大三巴嘅斜路旁嘅石膊位已經乾晒，所以就係度坐低食。一打開，有兩大塊有厚度嘅魚片，肉丁份量都不少。魚片咬落超彈牙，而且經煎炸過後更加香口! 肉丁採用來貨較好嘅肉丁，粒粒都是紮實的肉，不似得有點全部都肥肉果種廉價肉丁。撈公還附了出前一丁嘅味粉，貼心嘅係另外有樽細細嘅湯，如果撈完覺得太乾可以淋上面撈埋一齊食。 $32蚊份量已經足夠填飽1個人正常食量嘅肚了!經濟飽肚之選!

呢間鋪頭係巷仔最入面，一不留神，就會錯過左架啦。鋪頭裡面有小板凳，可以係等餐既時候坐低慢慢等。但係不是for堂食，好彩附近有位可以坐低，大家記得留意啦。一如既往，一定要飲瓦煲咖啡或香滑奶茶，今次就飲凍奶茶，$17。唔係好大支，一人份量剛剛好。奶茶真係好滑，入口後濃濃既after taste會在口腔裡一陣子。另外 ，仲點了豬扒包，呢間的豬扒包有一種令人驚豔的感覺。首先，價錢不太貴，係$27，比起外面話自己係澳門第一豬扒包的餐廳，這個價錢，實在好抵。第二，豬扒包的豬扒一點兒都不會硬，又不會鞋口咬不開。豬扒有口感但係可以輕易咬開，而且豬扒有醃過，味道好香，再加上新鮮炸起，熱辣辣，配上冰凍奶茶，一流的享受。如果葡TART係必食澳門美食，世紀咖啡的豬扒包就會係必食既豬扒包店鋪。正呀，又想去澳門啦!

去得澳門就一定要去吃豬扒包，如果去澳門不吃豬扒包好似無去澳門一樣！澳門周圍都有得吃豬扒包，究竟邊間好吃？《世記咖啡》值得一吃再吃！逾50年歷史《世記咖啡》始於1965年，有祖傳秘方泡製香滑奶茶、瓦煲咖啡。原本想去《世記咖啡》飲杯咖啡吃個豬扒包當早餐，但是11點才開門。幸好附近就是大三巴，可以閒逛等開門，一開門已經開始有人等候。瓦煲咖啡原來是炭燒出來，喝完一樽冰凍的真想再喝一樽。喜歡喝咖啡的記得要去品嚐一下，有別於平常所喝得到的咖啡，從來沒想過豬扒包與咖啡是絕配。美中不足的是《世記咖啡》是外賣店，不像其他吃豬扒包的地方有位置提供慢慢坐。

愈簡單愈難整,蛋料理可以好多變化,同時要整到滑其實一d都吾易。佢地既厚蛋多士,蛋吾會過老,切開有流心效果係估吾到,厚方飽焗得香脆,對我黎講早餐食一份已經飽佢地仲有其他飽類三文治都好吸引,希望下次水準依舊喇!返到香港真係想日日食😍😋

去澳門掃街食小食是常識吧！去巷仔食「世紀」咖啡 ge 秘製豬扒包，即叫即製，生炸豬扒，好大塊、好熱、好新鮮， 個包外脆內軟如怕等得耐，可入小店內休息一下(有冷氣的)，等待豬扒包送到你面前

去Macau不下數十次，都未食晒澳門美食，見到好多blog都有介紹世紀咖啡，我都唔執輸。地點十分方便，市中心好易搵到。成50年，大過我！對比起大利來記，價錢非常相宜！店舖真係幾細小，但員工不少。真係有個瓦煲煲咖啡！由於店內只可等外賣，不可進食，所以外面放左D盆栽，感覺舒服D。終於等到，紙袋好懷舊。服務員放入面放得好工整。秘製豬扒包($27)厚身豬扒好軟熟，又入味，麵包脆脆的，性價比十分高，比大利來記好食多了。咖哩厚切魚片多士($20)也很不錯，咖哩洋蔥有D辣，夾魚片食都係第一次，非常味美！炎炎夏日飲返啖凍炭燒咖啡($20)，真係好正，炭燒味好香，咖啡又好滑。

之前去澳門食過間超硬豬扒包，之後都怕左食豬扒包，但男友堅持食，今次有驚喜。舖頭環境有d難搵，係條小徑入面。豬扒包好多汁，啲肉咬落去好林，唔會痴牙，值得推薦奶茶真係好滑，茶味都夠香厚蛋鹹牛肉多士完全係水準之外，牛肉份量好少，冇咸香，冇乜特別就唔好食啦，食返豬扒包最穩陣

知道「世記」既厚蛋豬扒包出名，所以都想黎試下。「世記」位於新馬路賣草地里，地點有點兒隱蔽，要問人先搵到。 雖然係咁，但係我地一到時真係排晒大隊，真係要等一段時間。厚蛋豬扒包顧名思義就係麵包夾住厚蛋同豬扒，有別於其他地方既豬扒包係，呢到既豬扒係煎唔係炸，感覺上無咁肥，加埋厚蛋咁夾住食，口感一流，可惜口細既人真係未必可以一口就咬得晒2層麵包，蛋同埋豬扒，食起黎真係有D攰。

澳門我諗香港人去到悶晒, 唔係食自助餐就係去食豬扒包, 再唔係就係去食下葡國餐豬仔都唔例外, 早排去左轉澳門行個大轉, 見到個個blog 話黎澳門都要食下世記豬扒包果然名不虛傳, 生炸豬扒包真係好好食而仲可以自由配上芝士/蛋/雞扒等等等等既材料, 自由度非常高而豬仔今日就加左個滑蛋入去, 份量非常十足, 而且蛋都是半熟的, 本來吃豬扒包很乾身的感覺完全無係到, 今包更juice ,更多汁, 一口咬完又一口, 無負擔感豬仔大愛!另名果到世記, 緊係叫杯世記咖啡啦！用瓦煲的咖啡真係唔同D, 豬仔覺得咖啡跟奶的比例做得好好喜歡多奶的朋友絕對要試呀

平時係香港果陣，屈小姐總會偶然向賴生撒嬌話要去澳門食好西，每次佢撒親嬌都講話要食《世記》既豬扒包同《安德魯》既葡撻⋯所以賴生襯屈小姐生日啦，就帶佢過去澳門探下佢地啦！仲記得第一次黎呢間大三巴間世記果陣，係屈小姐帶賴生黎既，果陣賴生仲覺得澳門出名既豬扒包都係不外如是，得個名唔好食，賴生仲情願食澳門既撈麵都唔食豬扒包點知⋯原來係呢條窄巷入面係有一間卧虎藏龍既豬扒包 ---《世記》！！！！雖然佢係外賣店，但佢舖面都有張長櫈比你一字排開坐係度食，次次賴生同屈小姐都忍唔住要坐低即食，因為實在太香啦(同埋襯熱食先可以享受到最好食果一刻！)向大家介紹番令屈小姐日思夜想既豬扒包先 ，雖然佢叩做外賣店，但出品一D都冇揸流攤！《世記》豬扒包 (爆5星) 賴生同屈小姐額外到追封佢爲《澳門第一豬扒包》豬扒： 用既係有骨豬扒，塊塊都大塊過個豬仔包，燒緊既時候已經聞香撲鼻，佢燒到外面少少脆口，肉質仲好juicy，味道醃得岩岩好，帶少許咖哩味，連埋豬仔包唔會太咸/太淡。豬扒帶點肥，所以燒完超香豬肉味，加上肥果D位燒過就更添咬口，連(成日聲稱要減肥既)屈小姐都忍唔住要食2啖肥位！一流！淨食豬扒都正！豬仔包：烘到勁脆！

同家姐慶生，所以同屋企人過黎澳門輕鬆一天遊，之前已睇過雜誌介紹依度既奶茶同豬扒包好正，所以特意前來試下店鋪雖然細，但都有一邊椅子靠牆坐低食食物種類都幾多，我地叫左兩個包加支奶茶<<豬扒包加厚蛋>>麵包口感超鬆脆，豬扒軟熟入味，滑蛋整至半熟，滑蛋整得勁厚，成個包厚到差點咬唔到，好好味，賣相夠哂邪惡，食左第一啖停唔到口，依度比起我之前食過其他既更好味<<咸牛肉厚蛋多士>>又係勁厚半熟蛋，多士烘得香脆可口，咸牛肉唔會太咸，味道唔錯，如果多少少牛肉餡就更好<<秘製香滑奶茶>>以樽裝售賣，奶茶飲落好香滑又唔會好甜，好好飲，真係值得一試

肉嫩多汁世記豬排包 \\ 世記咖啡外賣店（賣草地里）【10餐之9】  係步行上大三巴既路程中 就會經過另一間世紀咖啡 呢間就係世記咖啡外賣店 賣既野有少少別於總店 -- 多賣店主力做外賣 所以坐位有限 -- 黎澳門當然要食豬排包喇 以前就必食果一間出名豬排包不過身邊友人們都說質素大不如前今次就轉戰 \\ 世紀豬扒包 $27 世記豬扒包 / 厚多士只限外賣店供應-- 豬排包係收到order之後 新鮮即炸 都要等左成10 mins -- P.S 世記咖啡既另一Signature碳爐咖啡--拎起外賣行出外面食 -- 豬扒包拎起上黎 一隻手都揸唔少 令我塊面黎對比下 都有我半塊面咁大家 (P.S. 我塊面都算大 XD） -- 豬仔包外面脆身 包身吸滿豬扒既香味 & 汁 -- 豬仔包夾住連骨炸既豬扒 豬排即炸熱辣辣之 唔會炸到乾巴巴 依然仲有勁多肉汁 --咬落肉質鬆化 但唔會有一陣鬆肉粉、梳打粉味 -- 話說本來話同同行友人一人一半 不過最終比友人話 ⌞ms.C⌟ 自一己個人獨食 食左2/3個-- 另外加配 \\ 檸檬茶(茶冰) MOP 17 -- 好鬆手 咁用上三份一個檸檬（免切）--

小小的店舖位於小巷的最盡處，加上小巷的較出位置有另一家食店，使到這家世記咖啡外賣店更難找到。店內沒有設置餐桌，只有一行長木椅供客堂食，十分特別。店舖雖小卻有很多顧客前來購買外賣，所以食物製作也須等上較長的時間。（豬扒包加蛋）豬扒包十分巨型，作二人份量剛剛好。麵包偏硬、蛋雖厚卻沒有蛋香而且偏乾、豬扒方面亦算好味但沒有驚喜。若是沒有特別安排到其他食肆亦不妨一試，但若果是還有其他食肆要去的話，則建議先不要吃這個，因為實在是太飽肚了，吃完後會吃不下其他食物呢！

快閃澳門一日遊，冇乜點做功課下都搵到呢間世紀咖啡！超厚蛋豬扒包同瓦煲咖啡係必試名物，豬扒夠juicy一啲都唔老，入口夠滑，配埋果塊厚到成塊麵包咁既厚蛋，滿足感爆哂燈！個包即叫即整，絕對係一定要試。 瓦煲咖啡用樽裝上，入口香濃多一入炭燒味，唔錯！但呢個茶冰檸茶更係驚喜之作，用茶冰唔會溝淡杯茶，檸檬唔用片上而係塊上，拎來時已經幫客人篤埋，糖水份量落得好唔會過甜，35度炎夏飲返啖簡直係甘露咁！ 老店開業於1965年，氹仔有分店，但宜家開埋係大三巴附近既外賣店，店內有少量椅子可以坐住食，地方細細但都值得去！一放張豬扒包相上facebook就引來朋友們爭相詢問地址啦！bookmark 下次去澳門試啦！世記咖啡地址：新馬路賣草地里7-15號長信大廈地下 電話: 6377 9664營業時間: 星期一至日:11:00-19:00