譚家魚翅

Open Now

Now Closed

今次全家又坐艇了！大病終癒，點都要全家去遠少少玩！2日1夜，澳門是不二之選！下午來到氹仔區，要影要買的都完成了！只是覺得很累，想找個地方可以坐得舒舒服服。從前曾在其他分店試過！質素OK！而內裡座位更寬敞，所以就馬上入座了！ 來到這家，當然要魚翅撈飯啦！上次嚐過大大鍋魚翅，一人獨享，夠豪吧！現在要回味一番！先點大魚翅，再加1份雞絲撈麵！大勾翅　　一鍋呈上時，鍋邊仍冒煙，真係熱辣辣。百元有找，邊度搵呀！一梳的魚翅真係成個勾，都算厚身。再看淡黃色的濃湯，杰撻撻。雖然不知以什麼熬出來，少少鹹少少香，單嚐一口都好好味，撈飯也一流。原來濃湯加了碎碎的中式火腿來吊味！其實單食這鍋魚翅，已經很飽了。咀唇已是粘粘呢！希望下次來澳門時，再來品嚐吧！　另外點了雞絲撈麵，整個麵最好味的，是流心蛋。醬汁少少甜少少鹹。這次餐廳没有提供飲用水囉！服務真係YAU MA TEI。

呢間野去親澳門都會例牌必會嚟食，因為佢真係好低食⋯而且味道亦唔差，真係會有大大塊魚翅比你食到。今次叫咗兩個魚翅湯，一碟菜同埋兩碟野⋯加埋都係二百幾蚊⋯又有魚翅又有鮑魚又有鵝掌同埋魚肚，都係咁嘅價錢⋯真係抵到爛。不過入得去食，要預左D侍應姐姐個個都黑口黑面。

第一次去譚家食魚翅，好失望，冇下次！服務態度又差，份量又少，感覺被騙了叫左個菜膽雞燉翅，一隻九頭鮑魚，仲有砂鍋中勾翅同白飯菜膽雞燉翅—68蚊，得個一條菜，一小塊雞，一小舊翅，全部都係湯咁，味道一般，同酒樓食冇乜分別九頭鮑魚—有點像罐頭鮑，冇特別砂鍋中勾翅—湯底比較「結」，有點甜，份量又係超少，得個兩舊仔完全唔抵食！又話好出名，冇下次呀！

上次係澳門食早餐,簡左呢間遊客必到既譚家魚翅.其實呢間野都真係無咩特別,服務態度又差,但客人源源不絕.為什麼呢...就係為左滿足比幾十蚊食下翅咁解姐.我呢個菜膽雞炖翅,湯頭都算甜,舊翅都幾彈牙,但個雞湯味道比較雜.呢個質素做早餐還是可以的.

同朋友以前一直都食開澳門有名的魚翅店舖, 見果間舖頭多人, 就去左人生第一次去既"譚家魚翅"到食魚翅下午十二點左右去到, 有個職員同我地講: 「冇位呀, 係門口等啦!!」, 咁我地就係門口等啦, 咁見有兩個坐近門口既客埋單出黎, 咁即係門口有兩個空位啦, 我地問佢可唔可以坐呢到, 點知D職員十問九唔應, 唔知係咪要等到吉時先可以講野....問左幾次之後, 就話: 「上樓上啦」一上到我地兩個就坐左一張大圓檯, 張檯已經有兩對係到食緊, 我真係唔明, 點解明明下面有張二人檯唔俾我地坐, 係要人地上二樓, 個二樓仲要有陣怪味...好唔舒服, 好想走, 但朋友話一場黎到就試下啦咁話晒都係第一次黎, 咁緊係要睇下有咩野食啦.....睇唔夠30秒, 就有個職員話: 「諗到食咩未? 未既話我地要食飯喇, 廿分鍾之後先幫你地落單啦」, 乜咁樣做生意都有架? 食飯真係大晒架啵....心諗要等廿分鐘, 唔好玩啦, 我地仲要去下一個景點架, 咁就好快手咁叫左兩碗翅....一碗菜膽雞炖翅, 一碗黃燜大排翅等左唔洗5分鐘就到喇, 呢樣真係要讚下...真係好快手但碗野到左之後, 都冇人拎筷子同匙羹俾我地, 由於D

朋友大力推介 , 話黎澳門一定要食佢  譚家魚翅  !!由於係人氣食店 , 唔想等位 , 唔想食飯時間同人迫 , 所以我地一落船就直接朝目的地進發 !黎到12點左右 , 啱啱開門 , 我地好幸運成為今日既第一檯客人 ^^揀野食時間 , 由於我唔好食翅 , 所以醉翁之意不在翅見到花膠雙目發光 , 搵到目標 , 就係佢喇8號仔 花膠海參中勾翅 ( 只係賣$68咋 )主角出場 五個一齊出 , 四個砂窩 , 噗噗噗噗 , 滾住上黎好有氣勢試左一啖朋友叫既菜膽雞炖翅雞湯好鮮甜 , 好重鮮雞味 ,而且非常濃郁 , 好好味 食返自己果個花膠海參翅先 , 噗噗噗噗成兩分鐘都一直滾緊 , 淨係依個感覺都已經夠正(冬天食一定覺得更正)嗯!飲落第一口既感覺係"超"濃郁如果我話頭先果個雞湯翅係好濃郁依個湯係超超超濃郁 !!而且味道唔似我地平時一般中式酒樓食開既味道比平時酒樓食開既清新(但佢又好濃味喎, 果種感覺唔識形容)更鮮甜 , 湯底真係好好味 海參 , 我本身平時都唔係好食海參對我黎講 , 一舊爽爽地既膠質 講到花膠 , 我就有d失望喇( $68蚊想食花膠 , 依個大想頭既我 , 真係要醒一醒)係魚肚黎既

最近看到不少澳門百老匯的廣告，小妹當然不要錯過周末的時間啦，就聯同大班朋友(共11個^^")，結隊來到澳門觀光及「食食食」。在附近公園離開後，返回官也街附近，大熱天時真的汗流浹背，有人提議食翅，故就進了這店了。由於人數多，我們到了2樓就座，空調尚算足夠。望望餐牌，翅計份量，價錢好參差，有平又有貴，最後決定一人點一小鍋。小妹選了黃燜大排翅，由於以石鍋裝，來到時非常熱騰騰，要等一會兒才能品嚐。翅也很足料，滑一滑，一大舊，但其精華所有又莫過於湯底啦! 湯底好濃郁，但嫌蛋黃味太重，吃到一半已覺得膩，未能完成整鍋，而且吃完有點口渴。作為旅客來到澳門當然要「吃喝玩樂」，雖然這裡的翅味道中距中規，但價錢尚可接受，一嚐又何介意呢!

每次去澳門都一定要食譚家仲每次都一定係叫花膠海蔘中勾翅好足料熱辣辣 仲要只係＄68睇住師父用鴻火燒熱個鍋 之後勺啲湯落去送到上枱 啲湯仲係滾 會起BUBBLE的見到都口水流一碗有就3-4梳翅 真係真材實料

去到澳門一心想試平價既魚翅撈飯睇過forum話譚家魚翅水準幾好一於去試下叫左2款翅1. 石窩中勾翅 $55數量幾多架！有4,5塊 湯既味道咸左少少 送飯一流！勾翅好稔 但入面有一排排既翅 水準相當好2. 黃燜大排翅 $48排翅都好大塊 一梳一梳咁價錢相當便宜 好值得推介兩款翅既名稱係用唔同方法烹調 但個湯入落似係一樣😅😅😅一碗飯要$8

魚翅其實我已戒了多年, 但自已真是一個十分為食的人, 價錢那麼便宜所以都打破了再食戒的界限~~~其實翅真是沒有什麼味道, 內裏有兩梳我吃了一梳, 不知是否戒了翅幾年, 吃後覺得其實真是不太好吃, 反而湯又幾好飲, 熱辣辣....熱上加熱...GOOD~~~非常細少的鮑魚.....但撈麵真的不錯, 蠔油味重和有點點鮑魚的味道但未必會再吃了, 如果再來我都不會再吃翅, 一來不環保二來真是沒有什麼味道啊~

去到官也街搵食，決定試下譚家魚翅。魚翅大塊，翅湯味道可以，68元一窩好抵。好耐無食的咸魚，夠咸香，正津白味道較淡，整體味道可以，會再試。服務方面就麻麻，員工無禮貌，可能老闆唔憂做，因為都幾多人幫襯。

之前來澳門新馬路個邊都有去過譚家魚翅食，覺得幾抵食又好味，今次到氹仔見到又再食，復活節下午3點都只係排隊5mins就有得食，叫左石鍋中鮑翅，個湯底好濃好好味，夠滾熱辣，魚翅是一扇扇好大塊，55元，算是抵食，抵讚，兩年前食都係呢個價，沒有加價好難得，下次去澳門都一定再食~

Came here for the second time with family again as we all loved the shark fin soup hereNot environmental friendly to consume shark fins though...but I really couldn't resist good food!Anywayy the food were nice and the service is still bad... Don't really care though ha.6 of us ordered this shark fin soup for each.($55)There's a pretty large amount in the soup I'd say*v* The soup wasn't salty either. Very yummmWe also enjoyed the noodles as it's not dry at all and with a great amount of abalone

19-4-2013 (Fri)傍晚,同男友由威斯汀渡假酒店返出o黎官也街買手信兼提早掃街食晚飯,因為要睇8:00pm場水舞間呢.而因男友同佢舊同事提過我o地要特登去澳門市區o既十月初五街食翅,佢o既女同事W就介紹同樣又平又好食o既呢間,我o地搵到喇,係一間老舖,驟眼睇係唔似有得食翅o既,我o地戰戰兢兢咁入去,個男仔就即刻話上樓上啦.上到去,有一枱人,睇睇menu,我o地揀o左MOP98.00三兩o既牙揀大鮑翅,好快到o黎,翅係用石鍋上,熱騰騰.睇睇三兩o既翅係幾多?就係一湯匙咁多.食得,我食到有少少鯹味,唔係好彈牙,一般吧.環境:係一幢舊樓,咁重好,我鍾意睇舊樓,o衣o家重可以行上去,重正.服務:唔知係咪時間尚早,佢o地個個都好似唔願做,甚至係趴o係枱o度瞓,呢樣都唔緊要,但畀人感覺係唔想做你生意咁.其實男友想叫一份瑤柱撈飯,但一份瑤柱要MOP100.00,而且應該唔多,所以冇叫.男友亦想叫個海蔘食,點知話冇貨,所以又冇得食.真係唔知呢間o野係咪冇心整o野畀人食.呢個食評我o既畀分係:味道 2 環境: 3 服務: 2 衛生:

佢有$199套餐, 鮑參翅肚咁.... 今次只嗌了 9號同10號... 兩腕都好濃味得黎唔咸, , 但食完唔會覺口乾! 稀杰好適中, 唔會豆粉水咁一舊野!9號的石鍋中鮑翅, 係用勾翅, 邊個話魚翅無味 食呢碗你就知魚翅味可以有幾出! 佢係專攻一隻味! 可能佢響石鍋中度再煲, 令魚翅更出味, 從來未試過響澳門食翅會響湯底度食得出呢隻魚翅味! 你想知咩味, 就搵包魚唇浸下薑水就聞到了! 10號的黃燜大排翅, 係用排翅, 口感我覺得冇咁好, 唔得厚, 聲稱湯底同9號一樣, 但係就食唔出果陣魚翅味, 味道比較俗, 食出比較雜既味道, 黃燜都只係個名黎, 冇特別獨有的煮法... 比我再揀, 我一定揀9號...服務態度其實都不太好的... 地方又極細, 樓下一張細檯, 樓上四張...