Video
Read full review
2016-10-06
200 views
難得國慶日有個長假期, 於是便同親愛的一齊過大海探d澳門朋友仔, 去到澳門當然要食一頓好的。呢個星期天氣開始轉涼，於是朋友就帶我地去左一家新開的韓式燒烤店名叫「新麻蒲」。我地係十六蒲撘的士過去只不過5分鐘左右，店面好sharp好易認，店內座位都算寬敞而且仲有上下兩層，抵讚既係店家控油煙做得非常好,衣服唔會沾哂d燒烤味。有好幾位店員都係韓國人，聽負責人講原來澳門既新麻蒲同其他地方包括香港一大分別就係店鋪會完全跟足韓國總店既standard包括口味,餐單及食材。食韓國燒烤點可以唔叫d酒精飲品，於是我地就試左支梅花秀果酒，酒精濃度大概10%，入口唔算太甜而且帶點果香，送燒肉一流。親愛的唔飲酒的，佢就叫左一罐韓國梨汁，清清甜甜令人幾開胃。開胃前菜絕對少不了，其中有兩款我地特別推介，椰菜絲沙律既醬汁調校得適當好處，酸酸甜甜易入口。另一款就係用左玉米汁既生菜沙律，食入口感覺非常清新，食完會令你感覺更開胃。另外,店家亦㑹提供各類醬料比燒肉用，喜愛濃味既朋友可以用海鹽來吊出肉既鮮味。愛辣既朋友亦可選擇韓國豆瓣醬，蒜頭可以用來清一清你既味蕾。食物方面我地就叫左個Beef Combo,聽店員既推介下一大特
呢個星期天氣開始轉涼，於是朋友就帶我地去左一家新開的韓式燒烤店名叫「新麻蒲」。
我地係十六蒲撘的士過去只不過5分鐘左右，店面好sharp好易認，店內座位都算寬敞而且仲有上下兩層，抵讚既係店家控油煙做得非常好,衣服唔會沾哂d燒烤味。有好幾位店員都係韓國人，聽負責人講原來澳門既新麻蒲同其他地方包括香港一大分別就係店鋪會完全跟足韓國總店既standard包括口味,餐單及食材。
食韓國燒烤點可以唔叫d酒精飲品，於是我地就試左支梅花秀果酒，酒精濃度大概10%，入口唔算太甜而且帶點果香，送燒肉一流。親愛的唔飲酒的，佢就叫左一罐韓國梨汁，清清甜甜令人幾開胃。
開胃前菜絕對少不了，其中有兩款我地特別推介，椰菜絲沙律既醬汁調校得適當好處，酸酸甜甜易入口。另一款就係用左玉米汁既生菜沙律，食入口感覺非常清新，食完會令你感覺更開胃。另外,店家亦㑹提供各類醬料比燒肉用，喜愛濃味既朋友可以用海鹽來吊出肉既鮮味。愛辣既朋友亦可選擇韓國豆瓣醬，蒜頭可以用來清一清你既味蕾。
食物方面我地就叫左個Beef Combo,聽店員既推介下一大特色絕對係牛護心肉，因為近心臟部分既肉特別爽口而且非常珍貴(餐牌上亦有豬護心肉),澳門基本上只有新麻蒲有提供。
無骨牛小排壽司 - 師傅會即場用火槍將牛肉燒熟，我地都不爭氣地嘩一聲出來。之後師傅亦會將一個特制燒汁淋上壽司面，牛小排入口即溶，完全一d渣都唔會有，如果唔係仲有其他燒肉應該都會再encore一份。
牛胸肉大醬湯 - 牛胸肉食落口感都似肥牛，但相對上就冇甘肥膩，個湯本身屬於微辣，另外都有幾多份量既雜菜同豆腐。
Beef Combo - 重頭戲來了，各式既燒肉以三層既鐵盤送上，頂層既有香滑薄牛腩，中層既係牛護心肉和特上無骨牛小排，最底層有鮮蝦、菠蘿和蘑菇。
燒肉既次序其實都會有學問，由較淡味既薄牛腩䦕始燒起，到較濃味既肉類，到最後就係鮮蝦同菠蘿令到味蕾係食到不同既層次。薄牛腩入口即溶，脂肪比例均勻，完全唔會有過度肥膩既感覺。店家亦十分貼心，成個過程都會幫我地燒，而且仲特登係爐邊加左個鐵網放d燒好左既肉，等d肉唔會燒焦同時間又可以保住肉既溫度同鮮味。
牛護心肉食落有d似半肥瘦既叉燒，但相比之下更加爽口，個人感覺沾上特制醬汁最夾。特上無骨牛小排燒得非常香口惹味，表面燒得微脆，內裹就非常鮮嫩，加上少少豆瓣醬同海鹽令肉味更出。最後，店員亦幫我地燒埋海蝦、菠蘿及蘑菇。海蝦啖啖肉非常大隻，食落新鮮爽口。菠蘿非常清甜，可以清新一下味蕾。順帶一提，麻蒲既燒烤亦會有埋爐邊泡菜蛋，燒熟左後店員亦會幫我地切好上碟。
Post
