Video
Read full review
2017-03-19
2324 views
今日同朋友過嚟澳門本來就想去摘星的，本想摘的是四季酒店入邊嘅其中一粒星，但係最近嘅車就要去到巴黎人自己再行過去。點知上巴黎人嘅巴士之中，有人會派有一張抽奬咭，其中一個抽中左巴黎人入邊兩間餐廳嘅八折優惠，朋友即刻話有八折冇可能唔去。所以摘星之旅改做八折之旅。入面兩間餐廳，一間係上次食過的御蓮宮，另一間就係呢間法國餐廳，御蓮宮上次試過感覺幾好，今次就試吓呢一間法國餐廳。差唔多一點鐘嘅時間，人唔多，只有兩三台人喺度食緊，位置闊落，四四方方，餐廳裝修有些微嘅古典風味，感覺舒服。午市有＄168同埋＄198嘅午餐，有主菜，有小食，但係我都冇揀到，揀咗散點，選擇可能會比較多啲。咁首先第一個就嚟咗一個冷式拼盤，拼盤入邊有兩種唔同嘅巴拿馬火腿，三種唔同味道嘅沙樂美火腿，仲有一個乾邑鵝肝，有兩塊無花果麵包同鴨肉醬。亮點係呢一個鴨肉醬，佢入邊完全係用鴨脂肪同埋鴨肉來製造，食落去味道好甜，鴨味濃，質感似牛油，揸上個無花果多士上面食，簡直一流。另外仲想提一提個就係嗰個乾邑鵝肝，朋友仔就話呢個冇得頂，因為出面好小會加乾邑，加上去超正。可能我個人就唔係咁鍾意飲酒，所以覺得個味道太啃，但係鵝味都仲有嘅。另外就仲叫咗個
點知上巴黎人嘅巴士之中，有人會派有一張抽奬咭，其中一個抽中左巴黎人入邊兩間餐廳嘅八折優惠，朋友即刻話有八折冇可能唔去。所以摘星之旅改做八折之旅。
入面兩間餐廳，一間係上次食過的御蓮宮，另一間就係呢間法國餐廳，御蓮宮上次試過感覺幾好，今次就試吓呢一間法國餐廳。
差唔多一點鐘嘅時間，人唔多，只有兩三台人喺度食緊，位置闊落，四四方方，餐廳裝修有些微嘅古典風味，感覺舒服。
午市有＄168同埋＄198嘅午餐，有主菜，有小食，但係我都冇揀到，揀咗散點，選擇可能會比較多啲。
咁首先第一個就嚟咗一個冷式拼盤，拼盤入邊有兩種唔同嘅巴拿馬火腿，三種唔同味道嘅沙樂美火腿，仲有一個乾邑鵝肝，有兩塊無花果麵包同鴨肉醬。
亮點係呢一個鴨肉醬，佢入邊完全係用鴨脂肪同埋鴨肉來製造，食落去味道好甜，鴨味濃，質感似牛油，揸上個無花果多士上面食，簡直一流。
另外仲想提一提個就係嗰個乾邑鵝肝，朋友仔就話呢個冇得頂，因為出面好小會加乾邑，加上去超正。可能我個人就唔係咁鍾意飲酒，所以覺得個味道太啃，但係鵝味都仲有嘅。
另外就仲叫咗個炸芝士，除咗有三條都幾大嘅芝士之外仲會有沙律。沙津菜新鮮，配醋汁，味道可以。但係個炸芝士，本人就真係唔識欣賞，佢唔係普通嘅奶白色芝士，係透明味道比較重嘅臭芝士，如果愛食芝士嘅可能會中意。
其實食到呢度兩個女仔已經非常之飽架啦，但係就真係好為食，叫多一個兩人份量嘅酸菜五花腩，德國腸同埋豬手。比較幼身嘅就係普通嘅腸仔，另外就係嗰條超大嘅德國腸，佢入面嘅肉汁仲保留得幾好，切開嘅時候汁流出來，外面嘅衣好脆。
仲有係五花腩同埋豬手，整到非常之淋，食落去冇煎嘅味道，係一種家庭炆嘅味道，又唔係話唔好食，但又唔係話超級好食，中中等等啦。
另外總會有一大堆嘅酸菜喺底，酸酸地好開胃，而佢就多咗啲肉汁香，幾好。食咗咁多野，仲要打包埋，兩個人嘅價錢都係四百幾，喺五星級酒店度食嘢嘅價錢來講，絕對係性價比高，仲要服務到位，有禮貌，不錯。
Post
