海灣餐廳

Open Now

Now Closed

睇食評講到海灣餐廳成間尊貴食府咁，去到又唔覺得係咁o既一回事~ 始終個人認為，服務好都係高級餐廳不可或缺o既一個要素，而海灣餐廳o既服務都只係average：唔係冇禮貌，但唔冇俾人賓至如歸o既感覺囉~ anyway，我o地抱著不食飽冇歸o既心態，兩個人要左非洲雞($120)、血鴨($95)、海灣燒馬介休($100)同蛋白焗疏乎里($35)~ 非洲雞最先上，我個人最愛呢一道菜，味道濃而好豐富，雞肉又滑，very good，係唯一clear哂o既菜~ 血鴨係出名o既推介，但我o地唔太食得慣，只覺麻麻~ 海灣燒馬介休BF好鍾意，我就嫌咸同太多油... 講起上o黎，多油及味濃真係葡國菜o既特點~ 最後好多人都讚不可不試o既甜品蛋白焗疏乎里，個人覺得絕對唔試冇損失... 係特別o既，但唔係好食囉，滋味絕對同木糠布甸／葡撻冇得比~ 整體水準比預期中差，唔太抵食~