Video
Read full review
2019-01-08
2357 views
30-12-2018 (Sun)中午,帶爸爸,佢朋友,我老公4人食葡國菜,行到o黎呢o度,見到呢間起碼有20年o既葡國餐廳,於是入o黎食,我o地叫o左個MOP520.00o既葡式二人套餐,MOP138.00o既紅酒煏牛脷同MOP198.00o既葡式焗乳豬(例).冇耐,侍應端上4個餐包o黎,我o地愕一愕然,因為只有二人餐係有兩個餐湯,問一問侍應係咪俾多o左?佢答唔係,係按人頭送o既.啊,咁我o地放心食喇.個包係暖o既,外脆內軟,OK.1. 葡國青菜湯(兩位)味道同稠杰度同樣唔太濃.2. 新鮮油菜大大碟,呢個正常冇問題.3. 椒鹽中蝦唔辣,鹹度亦適中,蝦都算新鮮.4. 馬介休餅與其叫餅不如叫球,切開睇,外表炸到似芋角,內裡有好多纖維,係薯仔,呢個同樣係外脆內軟,味道亦唔鹹.5. 紅酒煏牛脷牛脷幾厚,好腍又入味,墊底o既係薯仔,重咁o岩有4片葡國臘腸,咁就可以俾爸爸試.6. 肉醬意粉o係西洋炒飯同肉醬意粉中揀一款,我問問侍應, 肉醬係咩肉?佢答豬肉.咁揀呢個.意粉太腍,味道適中.7. 葡國雞堂食我冇食到,我o地食唔晒外賣返香港,到夜晚至食.o個時食已經好腍,甜咖哩加椰汁味,味道係o岩o岩好
於是入o黎食,
我o地叫o左個MOP520.00o既葡式二人套餐,MOP138.00o既紅酒煏牛脷同MOP198.00o既葡式焗乳豬(例).冇耐,侍應端上4個餐包o黎,
我o地愕一愕然,因為只有二人餐係有兩個餐湯,問一問侍應係咪俾多o左?佢答唔係,係按人頭送o既.啊,咁我o地放心食喇.個包係暖o既,外脆內軟,OK.
1. 葡國青菜湯(兩位)
味道同稠杰度同樣唔太濃.2. 新鮮油菜
大大碟,呢個正常冇問題.3. 椒鹽中蝦
唔辣,鹹度亦適中,蝦都算新鮮.4. 馬介休餅
與其叫餅不如叫球,切開睇,外表炸到似芋角,內裡有好多纖維,係薯仔,
呢個同樣係外脆內軟,味道亦唔鹹.
5. 紅酒煏牛脷
牛脷幾厚,好腍又入味,墊底o既係薯仔,重咁o岩有4片葡國臘腸,
咁就可以俾爸爸試.6. 肉醬意粉
o係西洋炒飯同肉醬意粉中揀一款,我問問侍應, 肉醬係咩肉?佢答豬肉.咁揀呢個.意粉太腍,味道適中.
7. 葡國雞
堂食我冇食到,我o地食唔晒外賣返香港,到夜晚至食.o個時食已經好腍,甜咖哩加椰汁味,味道係o岩o岩好,但薯仔就好鹹.
8. 葡式焗乳豬(例)
食一件先,唔鹹,似食豬o既原味;皮脆,感冇香港o既燒乳豬咁肥膩.9. 木糠布甸兩個
個杯好凍但布甸唔凍,呢個唔太甜,口感滑.
味道係3.66分環境:
好闊落舒適.
服務:
坐低會問客人飲茶定水,亦會密密斟水.
落o左單後,二人餐有甜品－木糠布甸兩個,侍應問我係咪後上?我答係.經過前一晚o係譚家魚翅漏俾o既經驗,呢次要記得.食晒o野,佢o地收晒餐具後,都冇上木糠布甸,於是我o地叫佢o地上,侍應應完又冇下文.於是再叫,佢至睇睇,啊,二人餐o個個甜品,咁佢就拎o黎.
感覺好似我o地呃佢咁.
衛生:
隔離枱走o左後,見到侍應會攞支疑似消毒藥水o既噴,然後抹.
價錢:
唔係我俾錢,聽講係MOP943.00,返到屋企爸爸又話MOP950.00,我計極都計唔到呢兩條數出o黎.照計總數係MOP856.00,如果加一(澳門冇加一),都係MOP941.60;唔通多o左o個兩個餐包又計錢?
抵食係2.5分
Post
