Video
Read full review
2011-06-19
81 views
o係Openrice呢度睇過呢間餐廳所有食評都係笑臉，就訂位一家四口食父親節晚餐。餐前小食係各位都提過o既米通盞牛肉粒，味道OK，可惜牛肉粒唔熱，米通盞亦唔夠脆，腍咗少少。必試o既鵝肝金錢雞同椒鹽龍脷仔總算冇失望，鵝肝配肥豬肉竟然一d都唔膩，而鵝肝亦好軟滑冇筋；龍脷仔每條好似我食指咁o既size，一碟十幾條，非常脆口，只係份量太少有d唔夠喉。之後叫咗個蝦（菜名唔記得咗），係大蝦泡油後加沙律醬，下面墊住茄子，再配南瓜汁（冇記錯係$138）。Fusion但好食！蝦爽口又大隻，個南瓜汁又好味。阿媽叫咗個帶子蔬菜粉絲煲，有帶子（普通過普通，又唔係特別大）、草菇、蝦乾、小棠菜、粉絲；阿爸叫咗爽爽雜菜，即係脆口o既蔬菜包括蓮耦片、西芹、蜜豆、百合、白果等炒埋一碟。兩碟都冇特別，只能話不過不失。脆皮柚子手撕雞半隻，即係雞絲加柚子肉，上面鋪番炸子雞咁樣o既脆皮。首先，雞絲唔係手撕，係切o既（咁你叫雞絲柚子沙律咪算囉）；第二，冇咩調味；第三，柚子多過雞絲好多，如果多番少少雞絲好d（我地全家o既意見）。睇完呢度咁多位o既食評，一心想叫乳豬焗飯，竟然冇得食！！！我事先有打電話問過，去到現場又問多次，答案都係
餐前小食係各位都提過o既米通盞牛肉粒，味道OK，可惜牛肉粒唔熱，米通盞亦唔夠脆，腍咗少少。
必試o既鵝肝金錢雞同椒鹽龍脷仔總算冇失望，鵝肝配肥豬肉竟然一d都唔膩，而鵝肝亦好軟滑冇筋；龍脷仔每條好似我食指咁o既size，一碟十幾條，非常脆口，只係份量太少有d唔夠喉。
之後叫咗個蝦（菜名唔記得咗），係大蝦泡油後加沙律醬，下面墊住茄子，再配南瓜汁（冇記錯係$138）。Fusion但好食！蝦爽口又大隻，個南瓜汁又好味。
阿媽叫咗個帶子蔬菜粉絲煲，有帶子（普通過普通，又唔係特別大）、草菇、蝦乾、小棠菜、粉絲；阿爸叫咗爽爽雜菜，即係脆口o既蔬菜包括蓮耦片、西芹、蜜豆、百合、白果等炒埋一碟。兩碟都冇特別，只能話不過不失。
脆皮柚子手撕雞半隻，即係雞絲加柚子肉，上面鋪番炸子雞咁樣o既脆皮。首先，雞絲唔係手撕，係切o既（咁你叫雞絲柚子沙律咪算囉）；第二，冇咩調味；第三，柚子多過雞絲好多，如果多番少少雞絲好d（我地全家o既意見）。
睇完呢度咁多位o既食評，一心想叫乳豬焗飯，竟然冇得食！！！我事先有打電話問過，去到現場又問多次，答案都係一樣，短期內都冇乳豬飯食...... 怒！冇飯食，阿爸就叫咗個四川擔擔麵（應該係一人份$48），另外叫咗個魚翅炒米粉。擔擔麵好普通，就一碗辣湯加麵，其他一粒配料都冇...... 阿媽話下次要食麵不如落番樓下粥麵莊。魚翅、米粉、芽菜同蛋花炒埋，另外泡過油o既瑤柱絲同紅醋分開上；賣相好好睇，炒得好乾身爽口，食落...... 冇味o既！！！我知魚翅本身冇味，但係普通炒米粉都應該有味啩！！！我地一家都唔係重口味o既人（你睇我地連菜都叫兩碟就知啦），但呢個魚翅炒米粉真係比較失望。
甜品估你唔到反而平靚正。我地叫咗腰果露、黑白芝麻布甸同埋桂花豌豆黃，每樣都係廿幾蚊；腰果露d腰果似炒過，好香；芝麻布甸滑溜；豌豆黃好香桂花味。最好o既係三樣甜品都甜度適中。反而係最後附送每人一小杯奶茶略嫌太甜太膩，朝早當早餐OK，餐後配甜品就無謂了，配咖啡或者清清地飲番中國茶好過。茶位$10一位，總消費$850+10%=$935，以食物加環境算係不過不失，但唔知係我期望太高定係我唔識點菜...... 總括d嘢食都係味道偏淡同埋冇驚喜，少少失望囉。試過一次叫做試咗囉。
Post
