葡富軒

Open Now

Now Closed

今日食既餐廳「葡富軒」位於澳門氹仔舊城區（官也街附近），周圍都有買手信既商店同多元化美食。嚟旅行🧳心思思想食葡菜，所以選擇依間。餐廳有兩層，環境微暗，油畫及座位擺盤精緻，播住柔和懷舊音樂令人投入浪漫💕氣氛。［前菜］炸馬介休球：即叫即炸咬落香脆，內餡入口即溶。味道調的剛好；而且食到魚肉，讚👍！葡式八爪魚黑毛豬串燒第一次食依款菜式。黑毛豬平時有食開，但配上八爪魚腿🐙一併食就真係好新奇。八爪魚腿質感好軟身，而黑毛豬肉質彈牙，加埋一起食好正，送酒一流。［主菜］葡式海鮮湯飯：海鮮份量好多，有蝦、青口、帶子，而且款款彈牙。葡式湯飯個湯頭色澤鮮橙色帶點鹹香好開胃，令d飯濕潤更好食🤤。葡式辣醬烤雞：配上自家製辣醬食，即刻將味道再昇華左，少少辣好惹味！烤雞雖然細細隻，但質感勁嫩滑，特別係隻雞脾，超juicy!［甜點］葡富軒焦糖布丁🍮店員於上菜時用火槍點火，之後會撥下個火令火花飛溢💥好浪漫，打卡一流。火燒後整個表面鋪了一層焦糖脆片，將佢破開好治癒。布丁甜甜又好滑身，滿足我甜品胃。［特色飲品］葡式水果酒🍹有紅&白酒溝水果既酒，賣相好吸引🤩。而水果有蘋果小薄片、檸檬粒令杯酒有d果汁甜味。邊飲邊食水果粒口感好正