星滙餐廳

Open Now

Now Closed

放假黎澳門玩，住了星豪，順便黎食自助餐，酒店住客可享八折優惠，二百幾蚊食午市仲有折，抵！店內環境相當寬敞，擺設新淨。一系列嘅食物花多眼亂，新鮮海鮮，中西熱盤，沙律甜品樣樣有，一時間真係唔知食咩先好，估唔到午市都有咁多選擇。先來點熱食暖暖肚，燒味什為出色，叉燒鬆化，燒肉咸香，餃子點心都好正。食完小小熟食就食下各式火腿，刺身等，冷盤新鮮。再整個排骨湯，清甜非味精。烤羊肉，外皮油膩燒得甘香，肉嫩有羊味，但唔酥。燒賣叉燒包等攞比bb食，佢大啖大啖食，好正喎。仲有食沙律啦，新鮮菜葉，勁多醬汁揀，正。仲食左好多咸食，但唔一一介紹啦，講下甜品先。有軟雪糕，雪芭，自家打嘅雪糕等，奶香味濃，仲有唔少topping添加。另外有即制crepe，煙韌蛋香。凍櫃有蛋糕，布甸等，甜而不膩，至愛綠茶燉蛋。除左果汁，可叫中國茶，house coffee，latte等，茶味較淡，咖啡則不錯，又香又濃。即叫即煮嘅麵食，粥品都好好味，食左唔記得影相，哈哈。最受港人歡迎嘅龍蝦仔，長腳蟹不停添加，完全唔須要搶。刺身要求師傅切幾多都得，唔姑寒。整體感覺非常良好，環境靚，服務好，價錢公度，好滿意。