Video
Read full review
2016-10-01
363 views
有澳門朋友住喺筷子基，今次過澳門一落船就過左去搵佢～～佢帶左我去附近既海擎天食呢間新開既「新麻蒲韓國燒肉店」～～店員好好客，有問必答，仲介紹佢地餐廳係韓國no.1 燒肉店，全球喺第501分店～喺韓國有400間分店，香港有3間，但香港分店會比較係港人口味，而澳門分店分店就完全由韓國直接管理，食物係跟足100%韓國口味！要食當然食正宗架啦！餐廳有兩層，感覺好新淨舒適，座位寬大而且完全唔大油煙～我地今次坐下層。我地2個人好多心～樣樣都想食～店員就介紹左個2人份量既 《Beef Combo $698》比我地！如果有3-4人的話其實叫$888個set都好抵！食韓燒，醬油同前菜都必有架啦～醬油有3款：豆瓣醬、鹽、韓國豉油（加左洋蔥&辣椒），點肉食一流～而前菜分量唔細（而且仲可以refill!)：有菜沙律 （配特別既醬汁，用左玉米同秘方汁！）、青蔥絲配kimchi醬、菜絲配沙律醬、泡菜、醃菜！爐邊蛋拌入泡菜令蛋味更有層次及口感～燒又香滑且外層帶微脆，不能看少既拌菜之一！ 《Beef Combo $698》有晒我地大部分想食既野：首先嚟「牛胸肉大醬湯」! 以微辣既泡菜湯底加牛胸肉煮成，湯既材料仲有蔬菜
有澳門朋友住喺筷子基，今次過澳門一落船就過左去搵佢～～佢帶左我去附近既海擎天食呢間新開既「新麻蒲韓國燒肉店」～～店員好好客，有問必答，仲介紹佢地餐廳係韓國no.1 燒肉店，全球喺第501分店～喺韓國有400間分店，香港有3間，但香港分店會比較係港人口味，而澳門分店分店就完全由韓國直接管理，食物係跟足100%韓國口味！要食當然食正宗架啦！
餐廳有兩層，感覺好新淨舒適，座位寬大而且完全唔大油煙～我地今次坐下層。我地2個人好多心～樣樣都想食～店員就介紹左個2人份量既 《Beef Combo $698》比我地！如果有3-4人的話其實叫$888個set都好抵！
食韓燒，醬油同前菜都必有架啦～
醬油有3款：豆瓣醬、鹽、韓國豉油（加左洋蔥&辣椒），點肉食一流～
而前菜分量唔細（而且仲可以refill!)：有菜沙律 （配特別既醬汁，用左玉米同秘方汁！）、青蔥絲配kimchi醬、菜絲配沙律醬、泡菜、醃菜！爐邊蛋拌入泡菜令蛋味更有層次及口感～燒又香滑且外層帶微脆，不能看少既拌菜之一！
《Beef Combo $698》有晒我地大部分想食既野：
首先嚟「牛胸肉大醬湯」! 以微辣既泡菜湯底加牛胸肉煮成，湯既材料仲有蔬菜同豆腐～湯帶肉味令整體味道更佳，惹味！即刻想叫碗飯做湯飯,哈哈！
食3層肉架之前先上「無骨牛小腓壽司」-- 韓藉店員會喺我地面前用火槍燒熟無骨牛小腓～燒既時候會見到牛既肉汁sum出，燒完完全唔會變得乾身。店員再加上醬汁後，整舊壽司都滿有味道，一口一舊入口香滑牛味，只有4舊實在唔夠喉，哈哈！
頂層：2款原味既牛肉 - 第一款「香滑薄牛腩」～呢個set其實幾貼心，可以比客人試晒有調味同原味牛肉既分別～通常食開一舊舊既牛腩，薄切既係第一次食～雖然呢款薄牛腩無調味，但牛味濃！完全唔需要點醬汁食，同個名一樣好香滑～第二款「特上無骨牛小腓」 -- 餐廳用上接近美國最頂級 Prime 級別既牛小腓！ 脂肪紋好靚好平均，肉質鮮嫩入口即溶，肉汁多且牛味濃，回味無窮！
中層：「牛護心肉」--呢款肉好特別，好少地方可以食到，今次實在滿足到我既小好奇～護心肉 有牛/豬，我今次食既係牛～呢款肉位於心臟附近，每隻牛都只有大約200g左右既份量，十分珍貴。燒過後入口彈牙易咀嚼，外層燒得香濃味道有小小似叉燒，每下咀嚼都有肉汁實在好味！
**另加《秘製特上牛肋骨 $198》放埋喺中層-- 店員會剪走骨位然後剪開肋肉幫我地燒～所以唔使怕要咬骨。牛肋骨用秘製醬汁醃過，味道甜甜地；呢度既牛肉毫無疑問品質幾好，肉質一定鮮嫩可口，脂肪唔多但唔會韌，不消一會又已經被我地清碟！
底層：什錦燒烤-- 有菠蘿、雞肶菇粒、大蝦～ 食完肉類食菠蘿清清味蕾～大蝦肉厚燒完仍然彈牙，新鮮唔梅夠蝦味～隔油燒架：一般韓燒都無呢個設計，最怕燒完油膩既感覺！但呢度就用返韓國正宗燒肉架步，燒爐附有呢個網用於隔油，十分細心！而且店員會幫你燒，亦會主動換新網，好享受呀～～
食燒肉我喜歡配酒，所以叫左支《韓國梅花酒 $88》-- 雖然10%酒精，但甜甜梅花味令人易入口～朋友就叫韓國《梨汁 $20》～飲到有梨肉好清甜～
今晚一邊燒肉一邊同朋友談天說地，好滿足～而且餐廳開到零晨3點，實在岩晒d夜鬼～哈哈！
Post
