Video
Read full review
2016-09-29
314 views
放假專程由香港到澳門探朋友，所以朋友決定帶我黎試吓呢間韓國No.1既BBQ店食好野。呢間店果然夠地道同正宗，行入店内，全場侍應即刻用韓文同我哋打招呼，大概係歡迎光臨嘅意思吧！另外，有位中年型格店長師傅(真.韓國人)壓場，親身為我哋燒食物，全程唔使自己落手又有得食，啱晒我呢啲懶人！哈哈！講返野食，前菜已經有5款咁多，包括：生菜粟米沙律、韓式辣醬伴京蔥同芽菜、韓式辣泡菜、沙律醬土豆絲同埋醃製酸菜。聽侍應介紹，呢啲前菜全部都係廚師親自為客人整出嚟嘅，絕對唔咪街外買嘅製成品，新鮮好味！而我最鍾意係，前菜唔夠仲可以無限添加！正呀！因為我哋兩個人都係牛迷，所以我哋叫咗一份Beef Combo（唔同部份嘅牛肉、壽司、大蝦、蘑菇、菠蘿同牛胸肉大醬湯），起初我以為份量唔係好多，最後兩個人卻食到飽飽。以下係我（推薦）最鍾意嘅兩樣食物：牛護心肉😍👍🏻👍🏻外表好似一般牛柳咁，但其實係牛肉中非常矜貴嘅部份，係牛心臟兩旁嘅肌肉，一隻牛大約只有200g左右嘅份量，想食都唔一定有得食。至於呢度嘅牛護心肉，因為肉質本身已經夠靚，加上有師傅巧手燒，牛肉質感又腍又細滑，可以媲美和牛！牛胸肉大醬湯😋😋呢個湯嘅外表同味道同平時
呢間店果然夠地道同正宗，行入店内，全場侍應即刻用韓文同我哋打招呼，大概係歡迎光臨嘅意思吧！另外，有位中年型格店長師傅(真.韓國人)壓場，親身為我哋燒食物，全程唔使自己落手又有得食，啱晒我呢啲懶人！哈哈！
講返野食，前菜已經有5款咁多，包括：生菜粟米沙律、韓式辣醬伴京蔥同芽菜、韓式辣泡菜、沙律醬土豆絲同埋醃製酸菜。聽侍應介紹，呢啲前菜全部都係廚師親自為客人整出嚟嘅，絕對唔咪街外買嘅製成品，新鮮好味！而我最鍾意係，前菜唔夠仲可以無限添加！正呀！
因為我哋兩個人都係牛迷，所以我哋叫咗一份Beef Combo（唔同部份嘅牛肉、壽司、大蝦、蘑菇、菠蘿同牛胸肉大醬湯），起初我以為份量唔係好多，最後兩個人卻食到飽飽。
以下係我（推薦）最鍾意嘅兩樣食物：
牛護心肉😍👍🏻👍🏻
外表好似一般牛柳咁，但其實係牛肉中非常矜貴嘅部份，係牛心臟兩旁嘅肌肉，一隻牛大約只有200g左右嘅份量，想食都唔一定有得食。至於呢度嘅牛護心肉，因為肉質本身已經夠靚，加上有師傅巧手燒，牛肉質感又腍又細滑，可以媲美和牛！
牛胸肉大醬湯😋😋
呢個湯嘅外表同味道同平時食到嘅韓式辣湯有八成相似，但湯內卻多咗濃郁嘅牛肉味，而且材料十足，有薄牛肉、洋蔥、大蔥、豆腐等，味道唔太辣，一飲想再飲。如果有多一碗白飯就更好，不過今晚嘅食物份量已經好夠，所以最後都係無叫了。
整體黎講，幾百蚊就可以食到好野，餐廳環境又舒服，又有韓國師傅燒埋野食，真係抵！有機會會再黎的！
Post
