影片
佢的環境幾好嫁，行出少少就睇到個海。日落時仲好靚添呀。咸蛋黃好靚呀。最緊要係佢既嘢食。雞中翼同叉燒都好好味。燒完唔會乾。而且仲原汁原味添，雞中翼好嘢咪呀。好過西貢要百幾蚊位個o的添。佢都只係70蚊左右。真係物超所直。去完會再去。
繼續閱讀
開飯介紹
08年起星期六日每人要$78, 送一支水及一張飲品券
繼續閱讀
營業時間
星期一至日
13:00 - 00:00
以上資料只供參考, 請與餐廳確認詳情
招牌菜
上個星期日我, 男朋友同一班朋友去任食BBQ, 每人$78免開爐費, 送一支水+一罐飲品, 有埋碟、叉、燒烤叉、炭、蜜糖、手套、廁紙, 價最都算合理, 都幾好食又多種類, 有多春魚、金沙骨、蜜汁雞扒(好入味, 值得推介)、粟米、番薯、雞全翼(好大隻)、黑椒雞中翼(都幾辣架不過好味)、豬扒、牛扒、腸仔、什丸、雞腎、青椒、冬菇、茄子、蒜茸包、麵包、獅子狗卷、司華力腸、腸仔、芝士腸、煙肉、叉燒粒等等.......雖然食物幾好, 但某d人既服務態度真係差囉! 我d朋友攞左一盆全部都係肉既野食返嚟, 一粒丸都冇, 所以想再攞d丸, 點知行到去, 個師奶話唔得, 叫我地比個盆佢, 佢先比我地, 我地都冇多個盆啦! 又點比佢呀! 我男朋友就話佢, 你比晒d肉我地一d丸都冇點得呀! 佢先死死氣比我地 我地有兩個爐但得一碗蜜糖, 我問阿婆攞多碗, 佢又話叫我攞個碗嚟自己加, 我話唔係要加, 係想要多一碗呀! 佢又話冇, 又話大把蜜糖係度, 自己攞個碗嚟自己加 我話唔係呀! 我地咁多個人得一碗唔夠, 想要多一碗蜜糖啫 真係激死我, 九唔搭八, 態度又勁差, 點知轉個頭我男朋友去問阿婆, 佢又比喎, 男朋友話行到去叫佢比碗蜜糖我, 佢就比啦! 分明玩我啦! 態度差食物幾好食都係假, 又要受佢氣喎! 下次我唔會再去呀!
繼續閱讀
早幾日, 我同男友&一大班人去左呢度BBQ. 每位$68任食, 價錢合理. 食物方便, 有人話種類唔夠多, 但佢都唔算少, 普通既丸, 扒佢都會有, 而且味道醃得幾好, 蜜汁雞扒似乎最受我地歡迎. 佢有D細電視, 坐得前既話, 可以一邊睇電視, 一邊燒野食. 我地去果日, 可能因為唔係星期六日, 只係D學生假期, 所以冇咩人, 成個場幾乎我地玩晒. 係就係唔通風, 但又未至於焗, 而且冬天咁凍, 暖暖地都幾好. 服務, 無咩特別啦, 但D人感覺令人幾舒服. 起碼我地行去拎野飲, 佢地本身睇電視, 但見到我地, 都會即刻行入去拎野飲畀我地, 唔使我地叫. 整體來說算是不過不失. 如果有機會同男友兩個人去BBQ, 我應該會提議再黎呢度.
繼續閱讀
$78包開爐加任食就幾方便, 冇靚景...唔緊要, 電視又細又有雪花...唔緊要, 人少但地方依然迫夾...好熱好辛苦,最唔掂係呢度服務超差!!!!!俾都唔會再去呢檔!首先, 一去到俾$後用"飛仔"攞o野食同o野飲, 飲品櫃前面個亞婆語氣及態度唔好都算...但負責開爐o個位高瘦四眼哥哥仔態度超級差, 個場放咁多枱同爐好迫, 成個場都好熱好焗, 個場頂又封住d煙散唔到, 咁冇乜客人時都應該考慮下客人o既感受, 佢將d爐開o係另一枱人o既背脊, 莫講話坐, 真係企都冇位企, 兩班人都覺得好迫, 冇可能坐到, 大家好聲好氣叫佢將個爐開過少少, 如果唔係真係燒住人地背脊, 佢態度超差話: 唔得wor! 係咁set架喇! 最後, 佢都係唔肯set開d個爐就走左去!如果想受氣記住去呢間!
繼續閱讀
天氣唔太凍又唔太熱,最好就係燒雞翼啦!每次嚟龍鼓灘都係嚟呢間,覺得啲食物味道OK,所以都無試過其他!至於SERVICE就真係麻麻哋,由門口收錢至到買野飲果度啲人,"笑容""多謝"皆欠奉,呢次仲好鬼激氣TIM,我用佢哋啲換飲品飛加錢換野飲,櫃面得個阿婆喺度,佢竟然話唔知加幾多錢,叫我睇下櫃外面張紙寫住加幾錢,我睇完之後發覺只係寫住每支幾錢,根本就無寫低換購價,我同佢講"無寫WOR",但係佢堅持話有,仲叫我"睇下啦你";我再睇完話"真係無WOR",點知佢一句唔該都無,仲加重語氣咁話"哼,叫你睇又唔睇",嘩...乜野事先?好似我做錯野咁;跟住個阿婆叫埋隔離負責夾野食俾人嘅師奶幫手,個師奶仲衰,一開口就大聲話"阿婆嚟架,你算啦你..."(我真係好詭異,點解可以咁嘅服務態度囉!)明明係自己唔清楚啲價錢,又攪錯以為外面有寫,做錯野之後一句唔好意思都無;其實附近真係仲有好多選擇,價錢又差唔多,無必要再幫襯佢囉!P.S.之前有好好味嘅豬頸肉,巳經無供應幾個月架喇,但係唔知點解個食物牌就仍然仲擺出嚟>.<
繼續閱讀