點解成日都心思思想去旅行？冇計啦，隔籬飯香嘛，成日都有咁多地區限定嘅好嘢食，好似最近就輪到人氣冬甩店Mister Donut推出第二波嘅抹茶系美食嘞！話說佢哋第一波嗰啲抹茶波堤已經好吸引，而家仲要再出新品……
其中最吸睛嘅一定係呢隻抹茶蛙！話說佢哋之前已經出過啲cute cute喵星人同粉紅豬仔，今次仲要出呢隻青蛙仔，大大隻眼原來係杏仁整嘅，杏仁夾抹茶，應該都唔差！不過，淨係個樣都已經呃到唔少囡囡嘅心嚕~ 呀，每人只係限買兩隻咋留意返。
另外抹茶歐蕾同蜜抹茶紅豆糰都係今日有得賣喇！熱辣辣飲返杯係爽嘅。
隔多兩日就會係第三波，到時就會賣埋抹茶朱古力多拿滋同抹茶歐菲香，甜甜香香咁。
BTW，唔講唔知，原來每年6月嘅第一個星期五（咦？即係今個星期五）係「甜甜圈日」，係為咗表揚一班喺第一次世界大戰入面，送甜甜圈畀士兵食嘅婦女，又長知識喇！
詳情：
Mister Donut
文：Kar
隨時接收最新資訊
讚好OpenRice專頁！