逐樣拆解下先。
蘑菇屋仔拆開嚟，屋頂係士多啤梨蛋糕，個底呢係好似隻杯咁嘅蛋糕，裝住液態嘅奶油㗎，鬆鬆軟軟咁，啲奶油味都幾香，同時令到個蛋糕唔會好乾口。
而好大杯仲有成嚿士多啤梨棉花糖喺頂嘅「天梯」」，係雜莓彩虹奶凍嚟，數都數到有5層，分別係雜莓醬、青瓜、荔枝、沙棘果味，好滑。酸酸地感覺唔太甜。
而「神奇便當」都唔能夠淨係睇個樣，表面睇落佢好似一件包住嘅日本年糕咁，但睇真啲，班戟嘅紮口位係用可樂幼糖同朱古力輕輕打咗個結，食嗰陣拆開佢就OK，小朋友應該會幾興奮，第一時間食咗條糖先。打開原來係班戟包住香蕉同核桃同煉奶cream，幾種味夾埋好match廚，可以話係咁多樣甜品之中，最吸引嘅一個。
如果一家大細一齊嚟嘅，可以直情叫晒一set拼盤，咁就可以開心些牙，咩都試勻晒喇。
供應時段
星期一至日 3:00pm-5:30pm
文：Kar
隨時接收最新資訊
讚好OpenRice專頁！