\r\n銀綠色的反光物質\r\n\r\n終極纖體評語:\r\n\r\n這餐是跟朋友食飯，也是有目的和算是幫人做o野的一餐。食物維持火間土，比和民貴小小，賣相又好小小。即場表現的有: 聲淚俱下「做人係為左食嘛」式的初次下海食刺身；又有開蝦頭示範，最正的始終係越食越瘦真人show (編按: 指Ray 和Honey)。此外，即場實驗證明，魚生暴露在空氣中過久係會有屍班的。(編按:為了拍攝，刺身上檯後隔了半小時才吃，放在面的刺身表面部分起了一層銀綠色的反光物質[見圖]，像碼頭污水的油光，終極匿稱這是魚的屍班)。\r\n\r\n總括來說，\r\n價錢： 每人$250 \r\n服務： 80分，淨係開頭加茶換茶都夠煩，後尾雖然提我地last order 但最後都無趕。最重要的係，明知我地攪咩都無出聲。\r\n氣氛： 100分，又食又玩又開心的一餐\r\n裝修： 100分。\r\nHoney 初次參加聚會，由於遲報名，以為冇得去，但由於聚會改期，多人不能出席，Honey 由Waiting list 底直上頭五位，成功上位出席。\r\n\r\nHoney 評語: \r\n\r\n
\r\n牡丹蝦刺身\r\n\r\n說要比較哪兒的牡丹蝦「好」，倒不如說哪兒比較懂得「處理」! 由於一般人吃蝦，重點都降落到蝦身身上，故要比高底，就只可以大小新鮮衡量。不過，如果喜歡吃蝦頭，看法就不同。有些料理館會把蝦頭成炸物另上；而有些則把蝦頭拆開了成為裝飾品，剛巧火間土的牡丹蝦刺身就是這樣－－把蝦頭浪費到至極！光看蝦身我覺得不錯，但蝦頭卻被開了就太可惜！正正代表了處理的人不懂珍惜裡頭的精華！開了蝦頭，精華會流光，那麼蝦頭跟上卻沒東西得吃，沒意思！個人認為即使其賣相精美仍是失敗之作！\r\n\r\n
\r\n文中所指的魚子壽司卷\r\n\r\n此外，有堆三文魚子蓋住果碟不知名sushi（係咪親子黎架？）。\r\n\r\n如小黑貓所言：三文魚子是真的。我們點這個的時候，曾經估計實物上桌時，魚子會比menu 圖片中的少好多，然而到最後，sushi 清理了，魚子還是多得由我honey 當飯吃。光吃魚子，其味道沒有被鹹味蓋住，而且吃到最後亦未覺苦味，不錯。(編按: Honey 可以把司X 脫魚肝油丸咬碎當糖吃，若你也有同好，定當同意魚子當飯吃是一流美食)\r\n\r\n
\r\n文中所指炸物和沙律\r\n\r\n第一碟上的不知名炸野：\r\n\r\n咬下去脆得很合格，吃到裡頭，味道和口感都沒問題，像在吃未加水兼沒有任何配料的忌廉湯而已！就是太像炸罐頭，所以覺得毫無心思可言！唯看上去內外顏色嘗算美。\r\n\r\n\r\n串燒：\r\n\r\n超普通，味道賣相皆旺角街頭貨色，絕不值得在此花時間。\r\n\r\n沙律：冇食，唔知。\r\n\r\n店內裝修吸引，通道是有點窄，但每轉角就有木牌寫上"第一街"，"第二街" …就頗有特色。\r\nShapeshifer 的食後感:\r\n\r\n今日係我第一次出席飯局,因為有贊助(我呢個平民食家實在好少來呢d日本料理店食野),所以破天荒出關。\r\n\r\no響崇光同Ray (Roadshow 電腦節目主持, 不過我好少坐巴士,所以唔認得), Mushroom(原來佢婆婆住我樓上，「真係唔係晾衫唔扭就咁晾果個?」；這體現到什麼叫世界真細小), 零(究竟有冇出過post? [編按: 沒有]) + 記者集合(初時以為有藝員，或有著名食家就更好, 可惜無, 之後得知原來係拍新聞透視, oh, my! 點解唔係飲食節目?). 初次見面有點「生保」(尤其是我幾怕對「生保人」，因為都唔知講乜), 之後就上去火間土了。\r\n\r\n一上到去以為去左戲院,門口比想像中黑好多.地下有個魚塘投射.可惜冇附設魚糧比我掟。\r\n\r\n之後入到一間(房?), 第一次坐呢種格式o既房, 見到另外三位食家: 終極纖體(未見之前我一直以為佢係十幾廿歲, 原來………?!), 小黑貓(真係黑色，[編按: 剛暴晒完，所以黑o左]), 同埋…係咪honey? 唔多清楚(第一眼好熟口面因為在以前openrice 首頁見過,而家刪左睇唔番).\r\n\r\n之後叫左一堆食物,有魚先生,收屍,寸標等(仲有我喜愛的枝豆♥).其實就唔係咁有特色o既食品,部份食品自助餐都有得食(其實我係期待食到d 比較稀有既食品例如活魚刺身)，不過就有我一直想試既海膽。\r\n\r\n
\r\n堆滿張檯的食物\r\n\r\nD 食物來得都幾快,一陣就堆滿張檯，之後幾位食家開始向佢地拍攝遺照，d 食物賣相都唔錯。(個罐頭湯卷一定係比少咁件,冇理由咁長隻碟得兩件) 跟住開始訪問,基本上都係問d 怕唔怕食生o野有事o既問題。其實呢d 叫做貴價d o既店舖對食物衛生應該注重d o既,佢地都唔想做壞招牌。\r\n\r\n因為要訪問既關係,d 生o野都唔可以即食。訪問主要都係問終極纖體, Ray, 小黑貓同Honey (可能佢地比較上鏡), 不過咁樣反而我最著數,全程好似只問過我一條問題, 那個close up 應該都唔會出街。\r\n\r\n影完一輪之後終於開餐,而我終於可以一嚐海膽既味道,可惜味道冇我想像中咁好, 我不嬲以為應該好鮮甜,而我則食到d 甘甘地既味.可能貴價海膽會好食好多，希望將來有機會食。\r\n\r\nMushroom 原來唔食生野,一直少o左好多人生既樂趣。當然來到呢道一定要食,佢好似開始冇咁抗拒。\r\n\r\n其間Honey 示範拆蝦頭神技(日本人直傳),我都試過可惜失敗。\r\n\r\n食完野,吹完一輪水之後就完了.最終每人二百五。\r\n\r\n之後其中五個(包括我)仲去食甜品。最後完滿結束。有時去下呢d 聚會都幾有趣o既。\r\n\r\n講番食物,可能我食慣平野,我對魚生o既要求其實唔係咁高.所以覺得間野d 食物都ok, 串燒都唔錯, 其他o野就一般。\r\n服務方面我就覺得冇乜問題。\r\n總括來講都ok o既。阿零是被筆者拉去湊人數的同事，看看他如何說。\r\n\r\n介紹一下自己先, 我叫阿0 (寧)，最喜歡用有限的錢食無限的美食。今天原本去美孚練習跆拳道，因為自己八卦加上美食當前，最後決定和阿Ray 一起出發。途上認識了多位食家，一行六個人一起向目的地進發，一路行一路有人拍攝，真是有d 唔自然。\r\n\r\n一上到火間土，就被地上的魚魚吸引住，設計十分特別，記者姐姐話要入左先想拍我們行入去的情況，等左大約十分鐘我們先進入，裏面第一個感覺有d 似迷宮，有很多獨立房裝修各有風格的個室，每個房都有獨立的竹簾，一條長廊兩傍都是個室最顯氣派。\r\n\r\n
\r\n海膽\r\n\r\n第一次參加開飯活動，認識了可愛的honey、成熟的小黑貓、幽默風趣的終極、當然唔少得星級型男ray ^0^ !! \r\n\r\n未寫完.......好累呀~.~ 。[編按: 未寫完都要完喇，係咁先啦。]\r\n\r\n花絮報道詳載在另一文章「TVB 食家聚會報道」。\r\n\r\n