\r\n揀個陽光充沛的開揚位，一坐下就先來個頭盤「炭燒豬頸肉」（$40），亦是最多人食的一味。雖然豬頸肉比豬臉肉粗，但會比豬臉肉爽口，再經過廚師將醃過的豬頸肉先蒸後燒，食入口就更爽滑。然後蘸蘸「香辣屋」調製的「青檸＋辣油＋魚露」獨門醬汁，胃口大增！
跟手就要試試這裏的主菜，這兒的主菜款式特多，首先要 推薦由經理林先生自創的「泰國珍珠椰菜炒香菰」（$45）。原來林先生擁有幾十年入廚經驗，這道珍珠椰菜是趁初出幼嫩時便摘起，以蒜蓉冬菇清炒，又嫩又香。\r\n

\r\n而「辣椒干蒜茸扒大頭蝦」（$70）的來頭亦不小，係用「越南河蝦」炸完走油，蝦肉有極微的辣味帶點點胡椒香，惹味得來又唔覺肥膩喎！
肚子已好飽，透透氣飲一口特濃的「青檸梳打」，胃口即時又回來。這味「原隻焗釀鮮魷筒」（$55）， 淨係望個賣相已經流哂口水，皆因釀了肉碎的鮮魷脹卜卜，肉碎是蒸熟了的碎豬肉混蝦膠，釀入魷筒後再燒。\r\n

\r\n據林經理透露，選鮮魷秘訣要揀較細隻的魷魚，咁燒出來的鮮魷就唔會韌到咬唔開……成隻一啖放落口咬呀咬，鮮魷配肉碎實在太香口唷！
用牙籤括括牙縫，舒一口氣，最後再來個「暹邏特飲」甜品（$35），粒粒鮮艷紅綠的石榴子裹著爽口馬蹄，撈埋西米、香芒及鮮椰汁，一啖啖冰凍石榴子食落口，認真夠爽！\r\n

\r\n喔……嘔嘔胃氣，肚子已十分飽滿，這個皇族之旅認真難忘！\r\n