桻之燒 (已結業)

2018年11月6日 疲累的一天今日的工作實在是太勞累，所以很早便離開工作地方，相約女朋友早一點在附近吃飯，然後回到家中繼續工作。走到美食林立的東大街，突然看到這間店鋪剛剛開門做晚市，心想平時午餐吃這間便吃得多，晚餐反而未嘗試過，所以一於首次嘗試！！因為剛開門我們是第一個顧客，所以理所當然裡面沒有其他人。雖然只是小店，但仍看到有用心裝修，打造成日式居酒屋一樣，有大約七至八張枱，坐下去不會覺得太逼夾。看到牆上有一道道菜色名字，細問之下原來不同顏色寫有不同意思，就好像黃色的菜式是最近推出的新菜式，而上一行白色字的就是店內的人氣菜色，令人覺得很特別。而菜色下面一張張的就是用日本酒招紙拼湊而成的，真的彷如置身到日本一樣。經過一番選擇和店員的推薦後，我們大致決定好菜式。等了一陣子後第一道菜式送到，就是酒漬雞肝配牛蒡漬。作為前菜真的是恰到好處，雞肝吃下去有豐富的酒味，每一啖都和吃鵝肝似的，入口會自動融化，配合底下已入味的新鮮洋蔥一起吃，味道層次會再提升。至於旁邊的牛蒡漬，店員解釋是用了日本直送的牛蒡，難怪吃的時候會如此脆和吃到日本醬油的味道，十分開胃。接下來是一口生蠔，原本以為生蠔會原隻連殼上，怎

今日等朋友收工個時係佢公司附近行咗好耐, 咁岩見到依間日本餐廳門面裝修簡單, 但係望入去又幾別緻, 好奇心之下就捉咗個朋友仔陪我試吓啦.餐廳職員非常有善, 一入座就放上熱茶同餐牌, 有好多種類嘅野食可以揀, 樣樣都想試嘅情況下就叫職員介紹一啲特色小菜俾我地試吓啦, 等食物嘅同時, 欣賞吓餐廳嘅裝修, 同日本嘅居酒屋好似, 而且牆身仲有清酒嘅貼紙做裝飾, 好有格調。食物方面我地叫左原隻有殼元貝$68, 清酒煮日本沙白$98, 一口生蠔x2 $42, 秘制手打鮮墨魚棒$58, 鹽燒鮮雞皮$32, 香燒黑豚六花腩$42, 香燒脆皮豆腐$32, 法式鮮蟹肉虎蝦烤多士$78, 燒汁鮮蠔燒飯團$68, 明太子茶漬飯$48, 燒蔥油卷$28.原隻有殼元貝 - 好大隻同好juicy 用咗少少牛油去燒, 味道清淡唔會搶咗元貝嘅鮮味。清酒煮日本沙白- 依個我俾滿分就咁睇個湯頭已經知道同其他餐廳嘅味精湯好大分別。好香嘅蕃茜味, 同埋飲落真係完全冇味精, 只有好鮮甜嘅海鮮味, 會令人停唔到口咁飲同埋最值得一讚嘅係沙白真係好肥美, 每一粒放入口都感受到佢脹卜卜同埋好多汁。一口生蠔 - 生蠔好新鮮, 而醬汁係蕃茄

每次行入東大街都會聞到誘人既香味，今晚落住微雨凍凍地，忽然好掛住日本既居酒屋，行左一圈之後就決定食呢間日式串燒。 一口生蠔 ($38) 一杯先黎幾個冷盤海鮮refresh下~ 一口生蠔原來唔係指蠔既尺寸，而係將生蠔放入迷你玻璃杯內，加入鮮蕃茄汁同紅椒粒等，令人想一飲而盡。豪氣地one shot，調味如想像中清新，生蠔亦新鮮嫩滑，啖啖肉好滿足。冰鎮深海游水八爪魚 ($88)醋八爪魚好幼嫩，配合底下清脆既青瓜片有多重口感，最特別係連少少吸盤位，咬落幾爽口新奇。 白醋味道溫和，中間仲有醋海藻，好開胃。松葉蟹多士 ($98) 4件超鐘意一入口松葉蟹滿瀉爆漿既creamy感覺，蟹肉好嫩滑鮮味，調味以蛋黃醬為主調，軟滑既松葉蟹同酥脆既多士配合得岩岩好，面頭仲有咬落卜卜聲既蟹籽，冇可能唔好食。成件都熱辣辣，尤其欣賞多士烘得恰到好處，鬆化到係口內散開。清酒煮日本沙白 ($98)開頭見到個心都沉左一沉，好怕係放題個種細細粒又冇味既蜆，點知撈出黎發現蜆肉成個五蚊銀咁大，漲卜卜好鮮味。識食一定飲埋個湯，除左清酒、紅蘿蔔同洋蔥外，個湯仲好重芹菜味，我就覺得好香喇，但未必人人岩。西京麵豉茄子 ($36)大愛茄子

東大街近年成為左東區美食集中地, 我地係附近返工, Lunch係度留下左唔少腳毛。今日同事收到通知今期會升職, 為左同佢慶祝, 我立刻訂左桻之燒收工去賀賀佢。😆桻之燒我地Lunch食過無數次, 應該所有口味嘅桻之Roll同任何配紫薯蓉嘅主菜我地都應該全部食過。😂 不過晚市我地今次係第一次黎食。我地收工直接過去, 未到7點已經到, 雖然係平日, 不過好快已經坐滿客人。客人大多數都係熟客, 老闆同店員都好熱情, 我地兩個點左10款食物, 另外點左老闆推介嘅純米吟釀。😚純米吟釀「寫樂」係特別適合佐餐嘅清酒系列，配搭各種美食都好好。酒味濃而不苦澀, 入口清甜, 同燒物味道好配。👍松葉蟹多士充滿松葉蟹肉同蟹膏, 配上香脆嘅多士, 每啖都蟹味濃郁, 真係齒頰留蟹香。😋泰式香焗海扇貝唔算大隻, 不過扇貝肉鮮甜, 香茅味濃, 略帶微酸微辣, 既惹味又醒胃。😚牛舌愈近喉嚨位愈腍, 呢個厚燒牛舌心爽口彈牙, 加上少少檸檬汁, 非常美味。😁香燒黑豚六花腩比平時食嘅五花腩脂肪分佈更分明, 外層燒得好香脆, 油脂味濃但入口唔油膩, 好好食。👍香燒脆皮豆腐係同事指定要食嘅, 佢平時Lunch食飯好多時都會叫豆腐食