莆田 (已結業)

Weekend去左搵細妹打麻將，同埋大姊一齊去搵佢等佢唔好淨係掛住行山！點知打咗10幾圈落來都系細妹一家贏三家半個月人工都俾佢嬴晒....細妹見我大姊輸得甘爽決定請我哋去食大餐...咁有人俾錢我梗去喇~~之後就去左細妹家樓下既這家米芝連級別餐廳食飯，我地就叫左幾款侍應介紹既招牌菜先上枱就係湄洲島紫菜燜飯，材料有紫菜、海蠣幹、洋蔥、香菇等；口感軟飯甘香，完全融入咗紫菜同海蠣幹嘅鮮味，味道很鮮再黎就係一品紫菜煎，紫菜煎得特別香，蛋都特別金黃，大姊話睇唔出會咁滑，紫菜原來咁煮都得，真係幾創新！喜歡飲湯既我地，之後也點左個紫菜蠔仔湯黎飲，紫菜滿滿一盆，味鮮湯甜，蠔仔乾淨又鮮甜，口感又滑，飲完喉嚨都好舒適~另外冰浸苦瓜既切工真係好得！個樣好靚，好似朵花甘，切得好薄，苦瓜冰爽中帶點甘甜，加埋蜂蜜一齊食確係好好味！蝦苗伴頭水紫菜酸酸中有好濃郁既鮮甜味！份量少少，但會令人愈食愈開胃！食完呢餐輸咗嘅麻雀數先覺得無甘傷，細妹媽都算唔話得

星期日最好就係同屋企人打麻雀食大餐！今日都唔例外，係不停咁打左8圈後，最終表姐一條友大獲全勝，贏左成千蚊！咁大件事就梗係要老屈佢請食飯先得！諗左好一陣後就去左呢間有米芝蓮級數既中菜餐廳開飯去～識食梗要食前菜開吓個胃！所以姨媽就叫左個爆健康既冰浸苦瓜，初初驚好苦，但一食就覺得好清新，點埋蜜糖食就倍感滋味醒神跟住當然要飲個湯暖暖個胃呢個紫菜海蠣湯都滾得幾好，無沙既同時亦鮮味，蠔仔好鮮甜乾淨，食得放心又好味表弟就叫左個一品紫菜煎，咁我地都未食過，咁就試吓囉～原來係紫菜煎蛋，幾有趣，味道充滿蛋香同紫菜鮮，幾特別，幾OK整鬼阿媽又要食呢個湄洲島紫菜燜飯⋯⋯好多紫菜⋯⋯好多紫菜，但呢個飯又確係幾好食，唔乾身又有紫菜鮮香，唔會太咸，係煮得真係好既成餐飯食左好多紫菜，全部無沙又鮮甜又有營養，屋企又真係唔識煮，加上又有表姐俾錢，心理同肚都覺得好爽！

公司最近生意好，賺咗唔少錢，分到落每個部門都有少少甜頭~~我地部門boss話既然有資金啦，一齊出嚟聚個餐，地點我地自己定於是最後就去左我同事屋企附近既有米芝連級別既福建菜餐廳食飯慶祝去嚕坐底後我地就叫左好幾樣野，第一樣送黎既就係蝦苗伴頭水紫菜，單睇個樣就覺得好精緻，味道就帶點酸，更食到紫菜的香，作為頭盤而言甚是開胃之後出場就係呢道紫菜煎餅，講真咁大個人都未食過淺嚐一啖就食出原來係紫菜同煎蛋嘅完美結合！！就好似食緊紫菜味嘅炒雞蛋咁，雞蛋好香口感好好~跟住仲有呢個有超多紫菜嘅紫菜海蠣湯，紫菜處理得好乾淨，一啲都食唔到有沙，而啲蠔仲洗得好乾淨好白雪雪，又好鮮甜，食得安心又好味道再黎就係飽肚野出場嚕呢碟興化炒米粉啲米粉係幼身個隻！口感極佳，絕唔你便宜貨而入面仲放咗花生、青菜、雞蛋、菇…好豐富吖！！！仲一啲都唔油膩，廚師功力真係有返咁上吓由於我地太大食既關係，所以仲叫埋餐廳既招牌莆田鹵麵，係湯麵黎，個湯底味道好濃，材料多多，味道鮮夾甜，麵質亦煮得剛好，彈牙又爽口呢餐雖然唔係咩名貴菜式，但營養價值高，仲無咩味精，味道又好，我同我都同事都大滿意呀

放假做咩好！梗係同屋企人出去食餐好喇！我地今日就去左食新派福建菜未入去就係門口見到超大嘅宣傳單張，原來最近係紫菜最好收成既季節，所以餐廳都因而推出一系列紫菜菜式！於是我哋入座後就叫咗幾款~先嚟就係家鄉燜紫菜，啱啱見到呢個菜嘅時候，覺得黑矇矇唔係好吸引，但係細味段就發覺好好味！鍋入面除咗有滿滿既新鮮紫菜外，仲有少少肉碎一齊燜，燜出嚟嘅汁特別好味，唔單止有肉汁味，仲食到紫菜嘅鮮味。緊接嘅有紫菜煎，係將紫菜同雞蛋一齊煎，搭配好新穎，唔油膩之餘，仲有好香嘅雞蛋同濃濃嘅紫菜味吖！！而呢個蝦苗伴頭水紫菜亦很好味道！涼涼地既口感又帶點微酸，極開胃，同時紫菜入邊仲有好多細蝦苗，口感爽口又鮮甜，確是食得出廚師既用心我就覺得呢款九轉小腸係最好食既！口感爽彈，而且廚師以一層包一層的方式包出層層相扣的豬大腸菜式，實屬是心機手工菜式！不是隨處可以食到，而且烹調的湯汁更是極之美味，食得我食完一粒再想食一粒！！另外我地仲叫咗百秒黃花魚，來到時熱辣辣，魚肉又極嫩滑，好食得我地都不停食呀食呀~呢餐好食之外，菜式又無咩味精，完全食出食材的鮮味，難得難得

坐車難得有半價，當然去平時少去的地方，今次我與朋友選擇去久違的馬鞍山！新港城變化不少，周末時份人流如鯽！與朋友苦惱著食什麼的時候，看見不遠處有莆田，便與朋友試一試。蝦苗拌頭水紫菜 - 賣相亮黑，彷如密質質的黑松露般！紫菜用兩片薄薄青瓜包裹著，拌入蝦苗及醋，質感滑溜豐富。紫菜的香配上爽甜的蝦苗，更能顯出層次感的鹹鮮味！九轉小腸 - 酷愛食豬腸的我，當然必點這道名菜！份量雖然不多，不過豬腸既潔淨又新鮮！滷水汁香濃入味，豬腸有多層摺疊，食落軟稔彈牙！一品紫菜煎 - 紫菜配上雞蛋，煎得薄薄又不油膩！放得密麻麻的頭水紫菜充滿鹹焦香，與滑溜的雞蛋互相輝映，更加可口味美～家鄉燜紫菜 - 以慢火熬煮，頭水紫菜質感軟綿鮮嫩！煲裡加入不少八爪魚粒及芋頭，既清甜粉稔又有嚼勁～份量多得很，與朋友每人分到三碗，熱辣辣又飽肚，划算之選！