千両 (名店坊)

营业中

休息中

好耐冇黎千両，今日又黎大刷一餐先返工，反正晚市冇堂食。午市餐目有十款，價錢由$95至$138不等，另加一。收費算好經濟喎。一人叫左一個餐，另外再加散叫。万両定食 $118 另加一万両定食有十件壽司。下面左起分別有：京蔥沙律炙燒甜蝦：鮮甜爽口炙燒蝦刺身加埋好多脆口京蔥再配埋少少沙律醬，夠特別，味道好又有多重口感炙燒三文魚魚籽蟹柳水菜卷兩件：炙燒三文魚魚生片上面加左少少三文魚籽，下面係包住一少件蟹柳同新鮮水菜，食落爽脆中帶點魚籽鹹香甜蝦蟹膏青瓜片軍艦：蟹膏好鮮又滑溜京蔥吞拿魚腩軍艦上面左起係赤身，油甘魚，三文魚，薑蓉墨魚，同鰻魚。鰻魚凍左冇咁好食，其他就正常啦，飯量適中，唔多唔少，魚生size都正常，呢個價錢唔算貴。跟餐沙律係新鮮沙律菜加車厘茄同粟米粒，再加少少胡麻醬。跟餐麵豉湯除左豆腐粒同海帶，仲有少見嘅菇仔。味道濃淡適中，唔會太鹹。熱辣辣上枱，冬天飲最啱。鰻重定食 $138 另加一鰻重用個日式有蓋飯盒放好。鰻魚超大條，抵食喎。鰻魚肉質肥美，有好多肉食，熱辣辣，鰻魚汁夠多，只係略嫌唔夠彈牙。原來飯量唔係好多，唔怕太飽。除左跟餐沙律同麵豉湯，伴飯仲有蘿蔔同櫻花漬物，同埋凍豆，後者有d奇怪。

千両……高檔元氣壽司，價錢方面當然會貴少少，千両依家的分店亦多，今日剛經過銅鑼灣就入去試試，1:30左右都要等位，但就不太耐。安排座窗口卡位，卡位寬闊，望到街景很舒服。午市定食都有十一款選擇上便當內容豐富，燒鯖魚很香，天婦羅虾好大隻，不過外面d皮炸得硬咗d，最正係碗牛肉烏冬，，食多碗都得。吉列牛肉薯餅就……，只食咗一半，話就話牛肉薯餅，但就唔覺有牛肉。万両定食即是壽司拼盤，d壽司大件及新鮮，鐘意食壽司就啱晒百両定食最抵食$78，有壽司及烏冬，不過份量較少，大食的朋友就不夠啦……原本諗住叫貝五點剌身盛$255，但職員話無翡翠螺和北寄貝，所以無得order，真係O晒咀，那麼大的鏈鎖店及咁普通的刺身境然無貨，真失望，所以就另外叫咗個刺身丼定食。刺身新鮮，兩隻虾是好大隻的，唯一扣少少分是帶子比較細粒跟餐的咖啡比想像中好，無酸味，很香滑。如不飲咖啡的可揀荔枝果茶，不過是凍的。3人叫咗四個定食，所以大家睇個平均價錢好似貴咗咁。