千両 (名店坊)

营业中

休息中

好耐冇黎千両，今日又黎大刷一餐先返工，反正晚市冇堂食。午市餐目有十款，价钱由$95至$138不等，另加一。收费算好经济㖞。一人叫左一个餐，另外再加散叫。万両定食 $118 另加一万両定食有十件寿司。下面左起分别有：京葱沙律炙烧甜虾：鲜甜爽口炙烧虾刺身加埋好多脆口京葱再配埋少少沙律酱，够特别，味道好又有多重口感炙烧三文鱼鱼籽蟹柳水菜卷两件：炙烧三文鱼鱼生片上面加左少少三文鱼籽，下面系包住一少件蟹柳同新鲜水菜，食落爽脆中带点鱼籽咸香甜虾蟹膏青瓜片军舰：蟹膏好鲜又滑溜京葱吞拿鱼腩军舰上面左起系赤身，油甘鱼，三文鱼，姜蓉墨鱼，同鳗鱼。鳗鱼冻左冇咁好食，其他就正常啦，饭量适中，唔多唔少，鱼生size都正常，呢个价钱唔算贵。跟餐沙律系新鲜沙律菜加车厘茄同粟米粒，再加少少胡麻酱。跟餐面豉汤除左豆腐粒同海带，仲有少见嘅菇仔。味道浓淡适中，唔会太咸。热辣辣上枱，冬天饮最啱。鳗重定食 $138 另加一鳗重用个日式有盖饭盒放好。鳗鱼超大条，抵食㖞。鳗鱼肉质肥美，有好多肉食，热辣辣，鳗鱼汁够多，只系略嫌唔够弹牙。原来饭量唔系好多，唔怕太饱。除左跟餐沙律同面豉汤，伴饭仲有萝卜同樱花渍物，同埋冻豆，后者有d奇怪。