Fûhn (The L. Square) (已結業)

閒日夜晚人流比較少，不過其實整體食物質素都平穩，個人覺得小食比起主食有驚喜🥸▪️ 三上小食拼盤（7.5/10）💲108拼盤內三款小食既炸粉都好薄身，入口非常香脆🤭手打蝦餅最有驚喜，蝦漿彈牙之餘會食到有粒粒蝦肉，配上泰式酸辣醬🦐春卷就跟酸醋😎蒜蓉牛油雞翼面頭佔滿炸蒜粒，肉質嫩滑，亦保留肉汁🐔▪️ 特級安格斯牛肉和牛丸湯粉（7/10）💲108牛肉口感軟腍，而牛丸會係軟身一點，並非好彈牙嗰種，不過感覺都Juicy🐮可以揀河粉或金邊粉，要左後者，麵條幼身但幾有韌性，而且份量足夠飽肚，湯底會係牛骨湯🤓▪️ 香茅豬扒湯粉（7/10）💲78豬扒都幾香口，有香茅氣味，肉質唔會嚡韌，配上蔥油會邪惡同油膩少少🤏🏻▪️ 蜜桃梳打（7.5/10）💲30本身想飲新鮮芒果沙冰，但係呢日無曬🥺呢杯比預期中好，蜜桃味重，而且有果肉，味道並非人工甜，而且梳打好夠氣😎▪️ 青檸七喜💲28🔎 整體評分（7/10）

星期日同老公黎食呢間我一直都想食既越南菜。餐廳出左新menu。三上小食拼盤有蒜蓉牛油雞翼、春卷、手打蝦餅，雞翼好濃牛油味，春卷香脆可口，蝦餅好厚身，啖啖肉，正。扎肉米紙卷叫左清清地既小食，無負擔之餘又飽肚。火車牛魔粉有安格斯牛、牛坑腩、手打牛丸、牛筋片、牛腩邊、牛栢葉，不愧為牛魔，各式各樣既牛都有，河粉夠滑溜，好有越南既感覺。扎肉撈檬撈檬撈左醬汁好開胃，扎肉份量都唔少，夏天最適合食越南撈檬，清爽。

香港炎熱濕悶的夏天總讓我覺得食慾不振，清爽開胃的越南菜是一個不錯的選擇。今次去到銅鑼灣The L. Square 1樓的Fûhn。餐廳內裡裝修簡約，地方座位闊落，玻璃窗飽覽銅鑼灣街景。餐廳除了主打湯粉同撈檬之外，還有提供飯類、多款小食、法包、沙律、米紙卷、甜品等等。香茅雞扒撈檬 $75伴菜有大量青瓜絲、醃酸蘿蔔絲及生菜，雞扒肉質飽滿多汁，滲入香茅獨有味道。澆滿魚露蘸汁的清涼爽滑檬粉，酸甜醒胃。美國安格斯生牛肉湯粉$78 追加扎肉$12用上美國高質安格斯牛肉，呈嫩粉紅色的生牛肉鮮甜嫩滑。扎肉肉質彈牙，金邊粉幼細爽滑，不黏口，令人食慾大振。三上小食拼盤 $108拼盤可試齊多款小食，包括蒜蓉牛油雞翼、手打蝦餅及春卷。蝦餅炸得金黃脆口，爽彈得宜又鮮味，配上越式酸甜醬汁，非常開胃。雞翼表皮沾滿粒粒炸蒜，充滿蒜香，勁多肉汁。春卷香脆可口。特式鵝肝醬法包 $58新鮮法包外皮烘焗得脆口，包心鬆軟中帶點煙韌。上層法包塗抹了鵝肝醬，下層沾滿蒜蓉牛油，佐以酸瓜、扎肉、生菜、酸中帶辣的越式醬料，非常惹味。蒜蓉法包$30蒜蓉法包面層抹上的牛油蒜蓉醬，經過烘焗，蒜香撲鼻，口感香脆。

❤️香茅豬扒撈檬· 香茅雞扒飯配太陽蛋兩樣都香茅味十足，豬扒雞扒炸完唔會好油膩，而且香脆可口。撈檬好清新，夏天食特別消暑。鍾意佢個自家撈檬汁，酸甜適中，配上清爽酸蘿蔔，口感十足。🧡三上小食拼盤: 有越南春卷，脆炸蝦餅，香茅雞翼，每樣都新鮮即炸，熱辣辣，勁脆口。推介炸蝦餅外脆內彈牙。☕️越南滴漏咖啡：唔知點解次次食都要點滴漏咖啡，好似唔飲唔夠越南風味。鍾意滴漏咖啡特別純厚，睇住咖啡慢慢漏下，特別療癒，心情都放慢，配上煉奶，令咖啡更香滑。🍧柚子益力多沙冰：解渴清新之選，兩樣mix都酸酸甜甜，十分醒胃，而且夠哂冰凍解暑。

呢間餐廳我已經bookmark咗好耐，一直都好想試吓pho～今日就終於嚟試咗，餐廳唔算好大，但都企理乾淨～我咁鍾意食牛，當然就叫咗火車牛魔粉 ($128)🤣一嚟到真係比碗粉嚇親，大碗到呢～我覺得咁多樣配料最好食係牛腩邊同牛丸，兩樣都係濃濃的牛味，腩邊帶少少肥，好平衡，牛丸就好彈牙😋我叫咗金邊粉，配埋牛骨湯好好味～另外小食就叫咗三上小食拼盤 ($108)，有齊手打蝦餅、蒜蓉牛油雞翼同埋春卷～當中蝦餅最有驚喜🦐！首先真係會見到蝦粒喺入面，仲要好好好彈牙！真係好好味啊～飲品都有叫，不過就普普通通，唔算好特別～整體嚟講食物出品都算唔錯，碗粉個份量同蝦餅都有驚艷到我🤣

平日經過銅鑼灣都有注意到這間越南餐廳，它強調自己是北美風味越南菜，今日放假便和太太去品嚐一下。上到去餐廳一眼望曬，雖只有十張4-6人餐枱，不過座位很闊落，而且店員頗多。要試它的湯底，就點了個最簡單的牛坑腩湯河($75)。首先喝一啖湯，除了鮮甜外還比一般越南粉多了一層香料味，味道更添層次。另外我好欣賞它兩點，一是湯滾熱，二是湯夠多。枱面上有是拉差辣椒醬和魚露，想品嚐更多層次可自由添加。其中裝魚露的小瓶子是滴漏的，好可愛，可能是店家怕客人落太多過鹹吧。至於牛坑腩是本地牛坑腩冷藏成四方形再刨片，入口富有嚼勁和牛肉味。燒安格斯牛肉拌金邊粉+太陽蛋（$88）安格斯肉味濃、脂肪均勻，炒過後入口爽滑無渣，拌麵醬汁是牛肉汁和蒜蓉辣椒，惹味好食。金邊粉幼滑有少少煙韌，和平日食的有少許不同，原來是用較有米香的柬埔寨金邊粉。三上小食拼盤（$108）蒜蓉牛油雞翼、手打蝦餅和春卷各2件。手打蝦餅彈牙惹味，內裏還有未打爛的蝦肉，蝦味濃厚。春卷非常酥脆鬆化。蒜蓉牛油雞翼味道不算特出，相對較普通，也較油膩。冰磚鮮奶咖啡（$48）濃縮咖啡製成冰磚，再加入牛奶，真是越喝越香濃。新鮮芒果沙冰（$38）超級好飲和抵飲，芒果份

陰晴不定的春天特別想開胃解饞，今次就來到銅鑼灣樓上舖Fûhn，換換口味吃頓越南菜。內裡裝修簡約，玻璃窗飽覽銅鑼灣街景。餐牌除了主打北美口味越南牛河，還有提供多款小食、撈粉、法包、沙律、米紙卷、甜品等等。今次就點了小食拼盤、法包、炒菜和麵食。三上小食拼盤 $108點一客拼盤就可試齊多款小食，包括蒜蓉牛油雞翼、手打蝦餅及春卷。蝦餅炸得金黃脆口，爽彈得宜又鮮味，配上越式酸甜醬汁，喚醒沉睡中的味蕾。雞翼表皮沾滿粒粒炸蒜，散發撲鼻的蒜香，肉質飽滿多汁。特式鵝肝醬法包 $58法包新鮮烘焗外皮脆卜卜，內裡鬆軟中帶點煙韌，重量級餡料層層疊起後確實是一口無法掌握。上層法包塗抹豐腴的鵝肝醬，下層則是沾滿蒜蓉牛油，佐以酸瓜、扎肉、生菜、酸中帶辣的越式醬料，即使法包外表看來很「法式」，但吃起來其實很「越南」，盡現殖民文化下誕生的混血特色。XO醬蝦頭油炒通菜 $78XO醬辣度不高，蝦頭油則是用大頭蝦蝦頭的蝦膏及蝦油爆香再燜成醬汁。翠綠通菜味淡爽脆的特點正好與蝦頭油的鹹鮮風味互相匹配，用來炒菜生色不少。香茅豬扒撈檬 $75魚露汁絕對是撈檬粉的靈魂，拌上大量的青瓜絲、醃酸蘿蔔絲及生菜，最適合在炎熱天氣品嘗，清爽又無