六味屋

营业中

休息中

人生嘅甜酸苦辣 大家就聽得多😂 真係冇諗過拉麵都可以有六種味道 呢間餐廳嘅拉麵有甜酸苦辣鹹鮮六款😮店員好細心咁同我哋介紹咗呢度嘅拉麵有京都同札幌兩款 最主要都係麵條粗幼同軟硬程度上有分別 想了解邊款拉麵最啱口味就可以問吓店員啦😚三年熟成醬油拉麵呢份屬於鹹味嘅拉麵 但係絕對唔係死鹹 呢個醬油湯底比較清 唔會太heavy😌 不過仲食到醬油嘅鮮味 鹹味同醬油味有個唔錯嘅平衡 跟拉麵嘅叉燒偏瘦身 適合健康人士😝豚肉叉燒蛋黃醬迷你丼估唔到呢個丼飯幾有驚喜 呢個丼飯用嘅叉燒比拉麵入面嘅肥 所以會落有油香 叉燒配上蛋黃醬嚟撈飯飯真係好夾呀🐷 如果呢個迷你當有個大版嘅就好啦🙈小食煎餃子同唐揚炸雞都係兩款日本餐廳經常出現嘅小食 兩款小食都幾有肉汁 可以一試🐥 而家係呢間拉麵店嘅新張推廣期 所以喺社交平台上讚好係會有飲品送㗎🥤呢日食完大約夜晚七點半 外面已經有客人等緊位 睇嚟餐廳真係有捧場客欣賞佢哋嘅拉麵 我都幾鍾意個拉都湯底 下次會再試吓其他味道🤣

行完太古搵緊食乜好，就發現依間新開既拉麵店，叫六味屋，原來姐係六味主題(甜 酸 苦 辣 鹹 鮮)，六款拉麵🍜，好搞笑，見個樣又好靚咁就試下🥰。-💕 三年熟成醬油拉麵 $108👅好味指數：7/10(鹹) 簡介介紹湯底仰用左九州大分縣產三年熟成醬油打造而成，味道有淡淡鹹鮮味之餘，仲好清香，完全冇油膩嘅感覺，麵質就偏幼身，同湯底都好夾，而配料就有超流心既溏心蛋😍同慢煮鹿兒島豚肉叉燒，叉燒有兩大塊，好薄身肉質勁軟腍，而且肥肉都唔多🥰，好適合減重/淡口味人士！-💕 三河八丁味噌拉麵 $98👅好味指數：7.5/10(苦)原本以為湯底會好苦，但原來係將味噌湯底注入苦瓜肉，濃醇既味噌味再加上小小甘味苦味既感覺，濃郁得黎幾特別☺️而麵質粗身彈牙，好掛湯👍🏻配料鹿兒島豚角煮叉燒肥瘦均勻，入哂味😍適合重口味人士！-💕 煎餃子 (3隻) $20👅好味指數：7/10外層微焦香脆，內裡多汁。-環境：8/10服務：8/10整體味道：7/10回頭率：7/10