Marco's Oyster Bar & Grill (已搬遷) 新店位置

今晚黎到位於佐敦吳松街聖地牙哥酒店地下的Marco’s Oyster Bar & Grill 意大利餐廳晚餐。到達時間客人不算太多，我們被安排坐在落地玻璃旁，可以邊吃飯邊看街景。朋友不吃生蠔，所以我們各自點了一個法國鵝肝set dinner, 我選的是C. 鵝肝拼三文魚扒，仲加左$15 要甜品。等了一回，先上前菜，三文魚撻撻及法國龍蝦濃湯。三文魚撻撻有兩款.  一款是法式多士伴三文魚，三文魚的鮮味配上少少酸的沙律，口感特別，另一款是法式多士伴蛋沙律及魚籽醬，配有新鮮沙律菜，用料足夠，味道可口。法國龍蝦濃湯~~湯夠熱，有不少龍蝦肉，忌亷湯底配濃郁龍蝦味，味道甜美。主菜上場，三文魚扒好大塊，配上獨特的醬料，鮮而不漏。三文魚扒煎得剛好，夠juicy,而另一主菜鵝肝亦好大件，入口即溶。意粉份量適中，唔會太多食唔哂浪費。而甜品我揀左心太軟伴雪糕。雪糕好冰，配上微熱的心太軟，好有口感。連埋飲品加一，人均消費$330~

我哋喺附近買完嘢，N年前嚟過，印象OK，所以就嚟呢度食。入到嚟又好似唔同咗，Anyway 都試吓喇。呢度環境OK，一坐低Waitress就放下一個南瓜和筆，佢叫仔仔喺南瓜上面畫畫，仔仔當然很開心啦。我哋 order 咗兩個鵝肝牛柳餐($168) + 焗田螺，首先嚟龍蝦湯，有少量龍蝦，味道OK，但唔夠 creamy，我問waiter有冇麵包，佢就立刻焗幾片蒜蓉包比我哋，蒜蓉包十分香脆，值得一贊。跟住到三文魚撻撻，三文魚生生哋，味道偏咸，塊多士又唔夠脆。焗田螺就更差，質感淋pat pat，味道又太咸。主菜喺鵝肝牛柳，鵝肝煎得唔夠脆，味道OK啦，我要牛柳五成熟，結果六成熟，都OK嘅，塊牛柳都幾厚喎，雖然唔夠牛肉味，但都幾淋，味道都幾好。最後係朱古力心太軟，這個不錯，一切落去個蛋糕上，D朱古力就流出嚟，朱古力味都幾濃，暖暖啲朱古力加上凍凍的雪糕，味道很好，如果隻碟雪凍咗效果會更佳，我未開始食，雪糕已經溶梗。Coffee 都喺麻麻哋。好彩碟主菜和甜品攞番D分，差D要比喊面tim。

每年大概呢個時候，總有一個特別原因要來這間餐廳，一嘗它的招牌餐--鵝肝牛柳餐，吃了三年了，質素及份量都始終如一，好似三年前用天使麵，而家用咗扁意粉。龍蝦濃湯夠熱夠濃，有一舊小龍蝦，湯味道ok的，可以改善的反而係佢加入去個粒唔知油焗定油炸的麵包粒，比較油膩比較硬，大煞風景。三文魚撻撻上的三文魚碎加蟹子都好味，出錯嘅地方又係舊麵包，係硬而唔係脆，師傅，救下啲多士包啦！加個白酒煮蜆做頭盤，熱熱地份量少少地，三十幾蚊，又ok喎。鵝肝牛柳扁意粉，味道ok好份量足，牛柳夠味，不過好似係醃過個隻，不過都恰到好處，都有牛肉味。鵝肝夠肥夠熟算厚身，我平時係吉之島買一塊咁嘅size都起碼$40，所以呢個餐抵食架喇！朱古力心太軟比起有啲餐廳算比較大舊啲，熱朱古力漿加凍雲呢那雪糕，有雙重口感啊！重有係朱古力漿唔會太甜，搶咗雪糕啲味。不過如果加一小塊薄荷葉做裝飾，就靚好多啦！加杯凍飲清下味蕾，超爽呀！有上網印嘅coupon八折，兩個人加埋一，$344蚊，重有現塲演唱情歌民歌，仲想點！還有那個Samson哥哥，盡力校個無線台比我追個劇集，雖然淨係睇得十五分鐘，都好開心喇！其他待應哥哥都好落力殷勤。好想佢地改善下水