職人食事 (已搬遷) 新店位置

對於住荃灣既我，觀塘簡直係遙不可及既遠😑但見到有個朋友成日係ig打卡食呢間黃店，想試佢勁耐😳😍三文魚甜蝦飯 $70佢既配料有大塊三文魚x4，甜蝦x3，蟹柳x1 同三角形甜蛋x 1。三文魚既脂肪唔多，無入口即溶，但切得算厚，質素有中上級。甜蝦非常肥美，咬落去既口感好治癒！我唔太鍾意個蟹柳既質感，太實🌝。最驚喜係個甜蛋，個蛋味好香好出亦唔會死甜😳壽司飯既珍珠米粒粒分明，唔會太熱太酸，overall好評～壽司拼盤-竹 $90三文魚x2，油甘魚x2，八爪魚x2，蟹棒x2，蟹籽x2，腐皮x2三文魚係平時個種薄切，正常水準；油甘魚好香，紋路都靚；八爪魚麻麻地，質感少少膠有點難咬；蟹棒既口感太實，無乜層次感；蟹籽相對平時食既大粒，口感豐富，粒粒彈牙，紫菜唔會太淋；腐皮唔會太厚/太濕，幾出色Overall都唔錯，但我會揀魚生飯😳個沙律係大廚額外請我地試食～話說佢地依家除左賣壽司同刺身等日式野，最近仲同時經營埋西餐～沙律個黑醋汁係廚師自己調，唔會太酸，個黑醋汁既餘香好惹味，d汁亦唔會好慳皮，夠每一塊菜都點到汁！如果唔係叫左日式野先，都會想試吓西餐，個廚師有突登出黎同我地傾計，感覺好有誠意～可能佢地理位置

聞名已久，知道呢度出名多高達模型，果然真係成間佈滿高達！可惜，小妹唔識欣賞。7點幾去到，唔算多人，又唔駛等，覺得算係咁，但當然希望我要等一陣，畢竟多人等，先證實到黃色經濟圈既力量。餐牌好簡單，得兩頁。我地叫左兩個丼飯加一個燒物。先付款後用餐，餐具要自己行去收銀處攞。真係好足料啊厚切三文魚🍣鮮甜蝦 我嫌啲飯可以再加多少少哈哈吞拿魚蓉既感覺真係冇得頂，好想再試吓！！比較驚喜係燒多春魚，燒得剛剛好，絕對值得一試整體而言，價錢實惠又足料，環境乾淨

行開觀塘想揾野食，但好多鋪頭都唔開/性價比唔太高🤑都有一排冇食過魚生飯啦，所以喺同行朋友推介之下就去咗呢度食👍🏻佢呢度係最近先搬過嚟嘅，不過我地去錯咗舊地址搞到晒咗時間，如果識路嘅話都唔算太難揾姐🤢講返佢啲野食先，食物方面都好多選擇，除咗最出名嘅魚生飯之外仲可以叫小食同燒物等等嘅😍我地每人叫咗個唔同嘅飯，分別係三文魚玉子蟹籽飯，三文魚甜蝦飯同三文魚油甘魚飯😛我地覺得呢三個飯嘅飯量都好夠，但我個人認為魚生就少咗啲，如果多少少當然會更好啦☹️不過整體嚟講性價比都高嘅，而且都食得飽我🤫另外嚟之前見到openrice好多人話呢度衛生差但反而我又唔覺🧐可能因為佢啲餐具同杯要自己攞嘅關系啦🤔鋪頭唔算好大，所以我地都喺出面等咗陣位先入到去入面嘅放咗好多模型同文宣，而且佢賣茶包嘅錢係會捐去612基金嘅💕總括嚟講我覺得呢間餐廳都好掋食，大家下次經過觀塘可以試吓呀！地址：觀塘開源道60號駱駝漆大廈3座6樓T室