九井壽司 (已結業)

今日同仔仔去MegaBox玩，貪佢有玩具反斗城同Aeon，玩到11點幾開始搵嘢食，由於仔仔好鍾意車，於是就上咗9樓嘅九井壽司試吓，又可以睇吓佢嘅火車送餐。🤪可能我哋早，唔使等位，有卡位坐，感覺環境舒適。☺️坐低之後枱上有部平板電腦供點餐使用，我哋一大一細叫咗一個午市牛肉丼套餐，蟹柳壽司，三文魚腩壽司，火炙左口魚邊壽司，特色香蔥吞拿魚碎壽司。牛肉丼套餐估唔到份量幾多，$50有麵豉湯沙律同一大碗飯，牛肉質素一般，厚身而且有少少韌，但有個牛肉醬汁搭救，所以還可以。蟹柳壽司和三文魚腩壽司質素同元氣差唔多，但三文魚腩食落去嘅油脂較香，而蟹柳亦好大嚿。👍🏻火炙左口魚邊壽司食落去同油甘魚差唔多，但更爽口，而且條邊燒過，陣陣嘅燒烤味令與嘅鮮味更突出！🥰特色香蔥吞拿魚碎壽司吞拿魚碎本身嘅魚味好重，再配合埋上面嘅香蔥，除咗增加口感外，亦帶出吞拿魚嘅的香味，食落去rich。😋😋其實應該配埋塊紫菜食，但因為個仔想食，所以就俾咗佢。可能因為咁令整件壽司更好味，紫菜會遮蓋左吞拿魚嘅鮮香。總括來說，整體同元氣差唔多，但感覺環境更好同舒適，食物個樣更精緻。❤️

Mega box都算係九龍灣美食荒漠，選擇唔多嘢食普通，見到有新迴轉壽司店，又想食壽司即刻入去試😋三文魚腩壽司$20甘香肥美值得一試！😋😋😋燒鯖魚$33甘香皮脆！燒得岩岩好！要試！😋😋😋吉列炸生蠔香脆而且有沙律伴碟！好大姐及多汁😋😋最值得推薦嘅地方係入門有小朋友圖書角同埋小朋友禮品送，岩晒一家大細嘅你！另外由於MegaBox人不太多，服務都非常殷勤而且埋單時還會送優惠券！會下次再幫襯

環境餐廳是在MegaBox，距離地鐵站10分鐘路程，就算唔想行都有旅遊巴直接由九龍灣去MegaBox，所以其實都算方便。我和朋友是在平日晚上光顧，人唔算多，所以都幾靜，同朋友傾計啱晒！餐廳都幾光猛，賣點好似係用列車去送食物，小朋友應該會幾鍾意。 食物1）海膽魷魚壽司（評分：10/10）真係不得不讚呢個壽司，最鍾意依碟，所以叫左兩次。如果唔係最尾太飽，我仲想再叫多次😂 海膽魷魚比想像中多，而且海膽味比出邊壽司店鮮甜好多，再加埋魷魚爽口嘅口感，真係味道一流。一啖食落去，唔單止有滿滿嘅海膽味，仲有鮮甜嘅魷魚味！2）灸燒左口魚壽司（評分：9/10）燒左口魚不嬲都係我其中一個最愛，依間嘅左口魚壽司都冇令我失望，魚油好足夠。一咬落去，左口魚肉質幾爽，魚香好香，燒得幾好食。3）灸燒帶子壽司（評分：7.5/10）呢個壽司嘅帶子比想像中冇咁鮮甜，但帶子好大粒，燒得都幾香。4）三文魚腩壽司（評分：8.5/10）呢個壽司都好好食，因為啖啖肉，三文魚腩都幾厚身，而且肉質食落幾新鮮，味道都唔錯。5）迷你海膽三文魚籽飯（評分：10/10）想講依家啲海膽真係幾好食，一啲都唔苦或腥，好鮮甜。雖然係迷你版，但係海膽嘅

同朋友行MegaBox，喺9樓見到呢間好得意嘅壽司店，以快速列車為主題，見環境乾淨整齊，有得食又有得玩，就同朋友入嚟食咗一餐豐富嘅日本菜！呢度提供煎茶，唔係一般嘅抹茶🍵，但反而煎茶比沒茶清澈，加上有烘焙香氣，個人覺得更加適合襯托味道簡單自然嘅壽司食材。喺螢幕上瀏覽餐牌，見到呢一款壽司丼做緊大特價，幾乎係半價， $68就有咁多三文魚籽同海膽，真係好抵！海膽口感好creamy，入口已經食到嗰種獨特嘅甘香，再帶一點微鹹，將鮮味再提升，非常鮮甜。三文魚籽調味十分好，醬料份量適中，不會奪去三文魚籽本身的甘香和鮮味，壽司飯亦加入適量嘅醋，味道不會太酸，壽司飯一粒粒有口感，令成碗飯味道均勻，嗰種多種口味既和諧係一種享受💕🤤高速列車真係好高速咁將壽司送來😎👍🏽落單後大約等1分鐘就有得食。三文魚腩壽司真係好肥美🤤💕肉質好嫩滑，creamy!呢款壽司好食到我同朋友叫咗兩碟😂係海膽醬加魷魚條～冇想到兩者係咁夾omg，魷魚🦑咬碎左之後喺口中同海膽融合🤤叫咗四種嘢食之後就有一個抽獎機會，抽中左蟹柳手卷！好彩朋友肚餓，如果唔係我都係食落，食咗咁多壽司之後真係有啲飽😆為咗再次品嚐勁鮮甜嘅海膽，我哋幾飽都再叫多一件海

九井壽司位於九龍灣Megabox 9樓, 餐廳的對象目標是一家大細。餐廳門口也有供應免費玩具、汽球及各類書籍繪本以供借閱, 即使周末周日餐廳人多要等位也不怕悶壞了孩子。我用膳的時候是在平日晚上約八時, 當天晚上也有家長和小孩到餐廳用膳, 但下班一族就比較少見。餐廳裝潢簡單, 帶點無印風, 但最注目的還是牆上的高速火車線。我們獲安排坐在卡位, 豉油/ wasabi / 筷子及子薑放在一邊, 而靠輸送帶的一邊則是熱水, ipad 和tissue, 井然有序, 設想周到。而且熱水的水流速度不會太快, 不用擔心會被熱水淥親呢~餐廳的賣點是有別於傳統的迴轉壽司, 而是以「高速火車」運送著所點的壽司透過輸送帶傳到客人檯前。而且「高速火車」色彩配置有點像湯姆士火車, 小朋友一看肯定也幻想著自己在坐, 火車到站時, ipad 也會提醒客人「即將到站」。我們最先叫的, 是每日的限量款, 1. 迷你三色丼每款三色丼也有2片三文魚, 二片吞拿魚和一小片海膽。三文魚雖然不是厚切, 但也算豐腴。另外, 我們也叫了幾款前菜壽司, 包括了三文魚腩壽司, 甜蝦壽司和帆立貝壽司。帆立貝壽司肉厚甜美三文魚腩壽司肉脂相間,