鳥山名

营业中

休息中

去開南豐紗廠 見附近愉景新城嘅呢間日式餐廳嘅多好評 就決定試下🤣 假日午市定食🍱有齊前菜🥗蒸蛋🥚主食🍣同埋甜品🍧 À la carte嘅menu選擇亦好多 串燒🍢鍋物🥘壽司🍣御飯 款式應有盡有🤗▪三文魚腩海赤蝦芥辣章魚飯赤蝦又長又大隻 肉質鮮甜 🦐章魚口感煙韌 配上芥末 啱晒送飯🐙三文魚腩亦非常新鮮🐟刺身份量足夠 鋪滿哂成碗飯🤤▫️炙燒三文魚腩左口魚背玉子飯配牛肉烏冬左口魚肉爽口甘香 🐟三文魚腩肥美新鮮 火炙後入口即溶 油脂味香 更顯鮮味😋配上甜甜地嘅玉子 更加開胃😆 烏冬入口彈牙 湯底清甜🍜

趁假日，同老婆、姨仔三人行，小弟請睇戲，姨仔請食晏晝飯，原因宦喺老婆生日，搵啲節目賀一賀佢。由於出咗荃灣睇戲，所以，食嘢都揀番荃灣，而餐廳由老婆發辦，幾年前食過「鳥山名」，佢好鍾意呢度嘅銀鱈魚，印象深刻，故此，就一於再訪。佢有心水就最好，唔使我諗得咁煩，「鳥山名」，我都覺得喺明智之選！假期關係，都幾多人幫襯，因為佢哋個場大，眼見啲人一般食完就走，尤其午市，唔會磨爛蓆，所以，翻枱都快，唔喺等好耐就有位。同上次一樣，又喺被安排坐晌「外邊」挨住商場用餐區嘅卡位，而啲卡位就寧舍闊落。餐廳內喺唔同位置，均放置唔少富和風嘅擺設、器皿、酒樽……等等，都增加整體日本風情嘅感覺。枱上調味料嘅器皿，以及茶杯，都好別緻，一派和風風格。晌假日，特設有假日定食，款式非常之多，但當中嘅款式其實晌主餐牌都有，但定價更相宜，而且，奉放刺身或餐飲。然而，定食中喺無銀雪魚，所以，老婆就喺番主餐牌中埋手。吉列黑豚豬扒手打烏冬 $92呢個定食都好豐富架，伴有沙律、前菜、茶碗蒸及甜品，刺身或餐飲嘅選項中，要咗刺身，反正有玄米茶。吉列黑豚豬扒賣相就好對辦，炸得非常金黃，色澤均勻，一口咬落去外層甘香鬆脆卻唔油賺，肉質亦軟腍富肉汁，

以前疫情前公司老細萬歲最鐘意帶我哋嚟依間食同朋友講開 就決定嚟食個dinner回味一下💭🌟三文魚腩海赤蝦芥辣章魚飯（$130）三文魚腩油花靚 入口啖啖油脂甘香蝦都有3隻 隻隻都夠新鮮 肉質鮮甜爽口仲有我最期待嘅芥辣章魚🐙因為唔係間間餐廳都有得食八爪魚微微嗆辣又有咬口🌟醬油漬牛舌稻庭烏冬（$95）牛舌份量多 帶淡淡醬油香湯底清甜 加埋煙煙韌韌嘅稻庭烏冬好夾🌟章魚小丸子（$45）朋友話好耐冇食過所以叫左😂外脆內軟 而且入面爆餡八爪魚超多好抵食沙律醬多少少就更好🌟日式抹茶麻糬（$28）麻糬夠Q彈 而且抹茶粉多 每啖都有抹茶味加左少少糖霜 甜甜地幾好食🌟日式焦糖布丁（$38）焦糖布丁意外地高質面頭有燒到脆嘅焦糖 入面布丁超creamy口感層次豐富又唔會太甜為晚餐畫上完美句號-我地估唔到冇食咁耐依間仲keep到水準依然係記憶中嘅味道希望疫情快啲過老細再萬歲

成日去到愉景新城都唔知食咩好，向來喜歡日本野的我，之前試過佢哋嘅晚市，感覺良好。得知原來鳥山名嘅下午茶時段有75折優惠，馬上衝了 🧡我當日點選了灸燒三文魚左口魚背玉子飯，才剛剛上菜，灸燒嘅氣味已經撲鼻而來。三文魚燒得剛剛好，左口魚一放入口已經溶化，旁邊嘅牛肉烏冬亦都唔輸蝕，手打烏冬彈牙，牛肉肉質細滑，根本冇嘢可以挑剔 💙三文魚腩海赤蝦芥辣章魚飯三文魚腩有四塊，每塊都紋理分明，蝦又有三大條，肉質新鮮，充滿蝦膏，加上芥辣章魚嘅鮮味，亦都令味蕾嘅享受再度昇華 💜而我朋友點壽司定食加腐皮烏冬，建議在菜單上可以寫當天會提供那些壽司，不過款式都很多，壽司表現正常 💛值得稱讚的是，套餐配上的茶壺蒸，有很多材料，蒸蛋也很滑，一個套餐，有幾樣前菜跟甜品還配飲料，豐富飽肚之餘，可謂物超所值 總結：6.5/10