和氣食堂 (黃大仙中心南館)

营业中

休息中

本來想去壽司郎🙈但實在太多人排隊所以放棄左見到呢間日本野幾多好評就試下啦⋯⋯都係要排隊😓一坐低急不及待就點野食好中二佢有好多菜色係一碟幾味😋😋😋咁就可以試到幾款食物下面果碟就係［三文魚5味］咁就可以一次過試幾款口味喇‼️佢個牛油果好大塊好match三文魚刺身好新鮮好好味😋而且好厚肉 呢個牛肉鍋好值得一食👍🏻牛肉入口即溶🐂🐂個湯仲好甜，所以菜都入哂味🥬食番d菜就會健康d la~~~成餐飯每個餸都有驚喜好鮮甜‼️完全滿足哂去唔到日本又想食刺身嘅願望呀😍

好耐冇食過日本野，就同朋友嚟到呢間位於黃大仙嘅日本餐廳。我哋大概六點幾到，客人已經幾乎坐滿餐廳。餐廳嘅裝飾都好日系，連餐牌都行漫畫風。由於我哋兩個有啲餓，叫下叫下都叫咗唔少嘢食。香芒燻鴨胸沙律（$68）啲鴨胸好大舊好厚身，廚師將肉十字𠝹開後再燒，口感好特別。再加埋黑醋同沙律菜，好fresh嘅感覺！白咖哩烏冬（$88）開頭望到以為白泡呢層純粹喺蛋白，但係食落有少少薯蓉嘅味道同感覺，撈埋少辣日式咖喱汁好有層次感，將附送嘅炸雞沾上白泡又係另一番感覺，好飽肚！三文魚5味（$78）以三文魚壽司為底，5味包括海膽、牛油果、三文魚、咖哩鹽同芝士，咖哩鹽同芝士下面喺炙燒過嘅三文魚壽司。個人覺得咖哩鹽三文魚壽司幾特別，咸咸地配炭燒味食落唔會太膩。照燒魷魚筒（$85）切得好整齊嘅魷魚筒，新鮮厚身嘅魷魚配埋甜甜地嘅照燒汁，雖然燒過但唔會好乾身，仲有紅蘿蔔花點綴！千迴火鳥（$38）開頭見到名字未必知道係咩嚟，但係其實火鳥即係雞全翼，記住要趁熱食，配埋檸檬汁一流！嶡餅白玉宇治抹茶雪糕（$48）抹茶雪糕味道非常濃郁，好重抹茶味，再配埋味道較淡嘅芋圓同較濃嘅綠茶嶡餅，係一份好balance嘅甜品，好適合鍾意食抹茶味

黃大仙商場近年經領展翻新裝修後，引入大量中高價食肆，但當中日本餐廳的選擇不多，較為有特色的更少之有少。和氣食堂則是少數食品質素非常優質的餐廳。還記得幾年前開鋪初期與家人試過和氣食堂，但無論是壽司、麵食都十分麻麻，時別兩年，不知是否廚房轉了師傅，味道完全不同，比其他大集團的日本餐廳味道更好1.三文魚5味因與友人一起關係，我地盡量想試哂店內每一款壽司，和氣提供多款combo 組合味道系列壽司，可讓客人試到更多味道三文魚5味中，尤以火炙芝士三文魚壽司🍣最好味，但不代表其他款式不好，基本上魚生的味道夠新鮮，同是亦厚身，不像集團餐廳薄紙一張，同時火炙後幾魚油迫出，入口飽滿2. 三文魚腩刺身$68蚊一份魚腩刺身價錢商宜，質素更是高質。圖片可見，魚腩夠厚身，入口煙韌有質感，主要是因爲魚腩本身筋位夠厚，不像普通三文魚片只留肉位，雖得4片，但賣相加味道完全加分3. 燒日本廣島蠔 兩食除了壽司刺身外，和氣亦有燒物，價格尚可接受。兩食形式包括芝士焗及蒜蓉焗，芝士味道夠香，蠔身夠飽滿不乾身，即使放到最後才吃，芝士乾身後仍然脆口而蒜蓉焗蠔則是傳統形式，普普通通。是晚落單全程自己人手填落單紙，以人頭費300蚊左右

通常喺屋邨商場嘅日本餐廳都唔係幾敢嗌魚生，驚去貨慢唔新鮮。不過和氣食堂就似乎冇呢個問題了，七點左右已經爆場要攞飛等位了。三文魚5味 $72一有位坐低就整返碟壽司先試試先！左起有炙燒芝士、炙燒咖喱鹽、牛油果、海膽同埋原味。當中以炙燒咖喱鹽最為出色，香口得黎仲帶少少咸味同埋咖喱香，非常惹味！芒果三文魚蟹籽沙律 $65好大兜，勁多青瓜同埋蟹籽！三文魚、蟹柳同埋芒果都算多，好清新同醒胃。鰻魚牛油果班戟 $55驚喜之作！就咁睇似係壽司卷物，實際上係薄薄嘅班戟皮卷住牛油果、鰻魚、甜蛋同埋蟹柳，上面再灑滿蟹籽和沙律醬，口感豐富，各種材料嘅味道都非常之夾，推介！燒日本廣島蠔 $48有蒜蓉同芝士兩種口味，估唔到叫兩隻都有得選兩溝！蒜蓉同香葱非常惹味，而芝士就非常濃郁，兩者都沒有掩蓋蠔本身的鮮味，唔錯唔錯！大阪豬扒丼 $82Menu幅圖真係誇張，丼飯嘅配料埋到成座山咁，一於試試佢！真係埋到好高呀！椰菜絲山上面灑咗啲木魚絲，仲唧咗啲甜甜酸酸嘅醬汁添！移去高山之後，下面係滑蛋豬扒飯。豬扒又大又厚，洋蔥同飯嘅份量一啲都唔少，飽肚之選。宇治抹茶芭菲 配電擊雞翼+北海道芝士Bang  Bang薯條 $68呢個推廣S

完sem就係要無限慶功🗽✨✨✨✨今日特別約咗朋友出來食日本野，來了和氣食堂，聽講呢度性價比高，仲有出名的抹茶雪糕，特意來黃大仙拜訪一趟。入到去估唔到空間幾闊落，我同朋友二人坐四人卡位，舒舒服服將沉重的背包放下，盡情享受美食，加上空調充足，大熱天時入嚟食嘢心情都好啲。急不及待立即叫了一盤壽司，作為一個三文魚粉絲，我絕對不會放過任何一個大快朵頤的機會，這個壽司拼盤特色在於每種口味都有一件，可以嘗試不同口味，又不會被壽司飯填飽肚，咁多件中最喜歡右邊第二件，三文魚上鋪滿了燒灼過的咖喱鹽，在其他餐廳比較少食到，咖喱鹽有輕微鹹味，成功帶出三文魚的鮮味。鯛魚湯泡飯石鍋飯食得多，但珍珠飯上舖滿鯛魚刺身和菠菜芝麻卷就第一次見，店員不慌不忙地幫我們林想龍龍的魚湯，魚湯在熱燙的石鍋上立即沸騰，傳來陣陣誘人香氣。湯底十分鮮甜，珍珠米的軟硬適中，入口煙韌，再灑上卜卜脆的玄米粒，味道口感層次豐富。跟住要豪食壽司啦，雖然一跌得三件，但份量相當多，大大片帶子刺身上有黑松露醬和意大利黑醋作點綴，這個配搭很新鮮，黑松露本身濃郁的菇菌香氣和新鮮帶子的鮮甜產生意想不到的效果，真的值得一試。咬開壽司卷原來仲有驚喜，裏便係一大件

正所謂吊頸都要抖下氣，嘢食再忙都要食，就算死亡四月幾忙都好，飯總要食嘅☺️呢日就同朋友嚟到黃大仙搵嘢食。雖然我哋都住得同黃大仙幾近，但平時好少會過去食嘢～呢次嚟到先知原來都有幾多好嘢食！嚟到呢間和氣食堂嘅門口，見到入面幾新淨咁，地方又闊落，咁啱又有侍應叫我哋入去試下喎，就入咗去喇～入面的確係好大。原來佢仲有兩個門口，兩面都可以吸引到客人入去食嘢lol首先我哋嗌咗嘅係沖繩風沙律（和風） ～好大兜！！！上面綠色一條條嘅我同我朋友都唔敢食，但食落先知同平時啲魚子差唔多質感～雖然都係唔知咩嚟嘅啲菜好新鮮，非常fresh，仲有好多我最鍾意食嘅粟米，岩晒胃口入面仲有好多青瓜同牛油果，食完好似好健康咁呢個係三文魚5味，顧名思義就係三文魚嘅五種整法喇😛最左邊係普通三文魚壽司，食到最raw嘅味～第二個就加上牛油果，牛油果熟得啱啱好，好易咬，配上三文魚個口感好夾～第三個就加上海膽，雖然兩個都係生嘢，但食落竟然冇腥味，反而係帶出咗兩者各自嘅鮮味～好特別～第四個係芝士炙燒三文魚，燒得啱啱好，令芝士同片三文魚都入口即溶～最後就係咖喱鹽炙燒三文魚，咖喱鹽嘅味道唔係好強，但係淡淡嘅咖喱味配上燒過嘅三文魚又格外香喎～總