拾味山西刀削麵館

营业中

休息中

環境3分：正常麵店格局，三分。不過門口兩級樓梯，見到有幾個人行出嚟時都叉錯腳，有Ｄ危。衛生4分：外賣袋同餐具都好乾淨，可以畀四分。服務4分：哥仔聽電話，落單快，十分鐘行到去外賣已經响張枱，效率絕對高，可以畀四分。味道2分：十隻雲吞响隻大碗裡面好似好大隻，但係皮多料少，要扣一分。個皮呢就好滑，不過啲料少，菜多肉少，搞到隻雲吞唔夠肥，再扣多分。味精湯好咸，扣多佢一分。抵食1分：四十二蚊食十隻雲吞响灣仔嚟講呢已經算幾貴，外賣自取唔比特價反加一蚊，又唔係特別好味，絕對唔抵！

早兩日收工路經集成中心，發現停車場入口隔離有間新麵店「拾味山西刀削麵館」玩緊試業，招牌上o既紅紙都未除，週四見颱風「艾雲尼」襲港，諗住中午會冇咁迫人就約同會計小姐試一試。店子門面細小，真係估唔到用餐大堂面積比想像中大，中央及拍牆均為合併式散座，同一般茶餐廳差唔多。收銀處個招財貓旁有一大疊外賣紙，遇上打風日子淨係見啲外賣出出入入，真係好堅！會計小姐真係好眼，留意到收銀哥哥頭頂上有個九個鏡頭o既閉路電視系統，之後再四周圍望清楚啲先知道後方原來仲有一列高櫈吧位。牆上除咗貼出推介菜式簡介之外，另一邊則輕鬆地掛出單車及盆栽擺設，都幾得意。餐桌每角都清楚標明枱號，並道出每位客人設有$30最低消費。麵店兩頁餐牌項目都幾多。兩口子就每人點咗樣黎分。拾味上湯刀削麵（$33）：多次偷望入廚房，終於俾小肥影到師傅即削麵條；全場人大多都係點刀削麵，每日削咁多碗，相信師傅個臂彎一定好強勁！粗幼不一o既刀削麵條煙韌有彈性，個人只係略嫌個湯底咸咗少少。上海淨雲吞（$42/十隻）：出名精明o既會計小姐真係續粒數到有十隻雲吞先肯食！雲吞粒粒都咁大咁飽滿，皮層巧薄半透光，食落軟潤滑溜，加上菜肉餡心足料脆嫩，勁啱細佬口味，