霸王山莊 (已結業)

請食飯就請得多，霸王飯就未食過。今次老細請食覇王套餐，幫森哥洗下塵，又豈敢怠慢即時九秒九訂枱。估唔到呢個覇王套餐咁正，足足有八道菜加甜品，而且樣樣交足功課。我最欣賞呢道翡翠黃金蝦，蝦球爽口彈牙又大隻，咸蛋王鹹香沒有蓋過蝦的鮮味，反而相得益彰。京滬三色併盤有燻鯧魚、醉雞、糖醋排骨，各有特式。再黎沙鍋雲吞雞，細細盅沙鍋一人一盅，雞燉湯鮮甜滾熱辣，仲有大大粒菜肉雲吞，食落暖笠笠。除左有得食，仲有得玩，呢味肉末叉子燒餅，要用叉子將肉碎釀入燒餅袋入面，漲卜卜咁得意好食又好玩。上海粗炒同覇王小籠包都係飽肚之選，味道卻一點也不馬虎！甜品係「浪奔浪流」的上海灘荳莎鍋餅，食落甜而不膩。

話說今日老闆要為Ben Sir餞行，當然要搵間有霸氣的餐廳啦，Ben Sir親自欽點要去霸王山莊，莫非想吃霸王餐？呢間集齊京、川、滬、杭四大名菜於一身的餐廳，都咪話唔霸氣。吃川菜又點少得試宮保雞丁？呢味餸火辣辣的指天椒同埋乾蔥爆香雞柳，味道相當刺激，賺人熱淚。仲有上海小籠包、水晶肴肉、賽螃蟹、上海粗炒等經典滬菜。當然唔少得呢度出名嘅招牌霸王炒飯，飯炒到粒粒分明，配上火腿粒同埋蝦米乾，難怪霸王都愛吃！如果略嫌個飯炒得太乾身，仲可以加一羹賽螃蟹就岩岩好，變成「賽螃蟹霸王炒飯」。仲有沙鍋雲吞雞，雲吞大大粒，雞湯鮮甜好喝，真係滾一滾，霸王都企唔穩！午餐做到如此水準，值得再來試試晚巿功力。

今晚朋友介紹食奧海城霸王山莊，第1次去,感覺地方好舒服! 因為地方乾淨, 睇落間舖刀好四正, 唔似d 酒樓feel. good職員介紹熊貓包, 睇到張 menu 隻panda 個樣好得意，吸引左tim, 叫左2 隻食，好正! 個包夠熱度, d奶王好正!小籠包, 食上海野必食la. 刀算唔錯, 因為覺得皮夠薄, 食時，有好多汁, 超like仲有叫左隻北京鴨, 原來要預訂, 好彩朋友先訂定, 好準時送到上枱, 熱辣辣, d皮脆又唔肥, 我最憎食到烤鴨皮連埋d 肥膏, 但係lee 度又幾好喎! 太好味食到收唔到手!紅油抄手, 雖然個汁有d辣, 但佢好在分開上, 唔食咁辣米點少d, 但又覺得個汁有d 蒜味, 我又like乾煸四季豆, d肉碎味道好正, 夠乾身, 唔會濕立立, 好味上海粗炒, 炒得夠火喉, 唔油膩. 食過其他上海店食lee個炒麵, 好鬼油,食完之後一口油. 但lee 度又炒得OK唔油.最後見到仲有甜品食, 食完飯嘆埋甜品, 叫左個高力豆沙, 大大粒煙煙韌, 裡面豆沙有d甜, 但加左pro係面ge 粉好似有d中和番食完今次之後, 知道有lee個選擇, 唔洗食泥食去都係打邊燈啦!