霸王山莊 (已結業)

请食饭就请得多，霸王饭就未食过。今次老细请食覇王套餐，帮森哥洗下尘，又岂敢怠慢即时九秒九订枱。估唔到呢个覇王套餐咁正，足足有八道菜加甜品，而且样样交足功课。我最欣赏呢道翡翠黄金虾，虾球爽口弹牙又大只，咸蛋王咸香没有盖过虾的鲜味，反而相得益彰。京沪三色并盘有熏鲳鱼、醉鸡、糖醋排骨，各有特式。再黎沙锅云吞鸡，细细盅沙锅一人一盅，鸡炖汤鲜甜滚热辣，仲有大大粒菜肉云吞，食落暖笠笠。除左有得食，仲有得玩，呢味肉末叉子烧饼，要用叉子将肉碎酿入烧饼袋入面，涨卜卜咁得意好食又好玩。上海粗炒同覇王小笼包都系饱肚之选，味道却一点也不马虎！甜品系「浪奔浪流」的上海滩荳莎锅饼，食落甜而不腻。