釜之魂釜飯專門店 (淘大商場) (已結業)

以前成日去德福搵親戚食野，都無食過依間日本餐廳，佢出面個裝修都好靚，用木築成，未入去已經好feel到係日本野。我同妹妹去食個tea，必叫既一定係佢個金魂鰻魚釜飯，勁出名，而且一啲都無令我地失望，我自己仲要超中意食鰻魚，日日食都唔厭，一擺入口就知係靚既鰻魚，甜得黎又唔會搶咗鰻魚本身既味道，口感軟林林，唔會有小骨，有啲似上次去大板食果個鰻魚飯咁，簡直係少見既鰻魚低調高手！最值得一讚係佢啲飯可以保持到溫度，因為用木係最外，熱力可以係食完烏冬之後都仲食到啲飯同鰻魚暖暖地。跟鰻魚飯餐配野飲，揀咗凍柚子蜜，一開始飲會覺得多冰，反而後尾飲飲下同埋桔多幾下，啲柚子味又出返黎，唔錯！而豬軟骨烏冬都好食，佢用既係稻庭烏冬，相比起普通烏冬扁身啲，我就好中意！不過再熱少少會更好。講到佢啲小食，其實我覺得好多都好鬼特別，例如係髒髒炸香蕉同埋溏心燒菠蘿，不過我地就叫咗另外兩樣。聽個名都覺特別既「梅干手羽先」，其實即係雞翼，不過係有梅味既雞翼，酸酸甜甜，又開胃，正。仲有又係我最愛，排第2既玉子，依個叫做串燒玉子，最得意係第一啖食落好似西多士，因為表面果層蛋燒到金黃色，又甜甜地，真係一種價錢兩種口味，好過隱🤣

約咗老友記中午食飯， 中間點搵咗九龍灣。 過咗去淘大果邊，開咗好多餐廳， 但沿途有點崎嶇，因為地鐵通往淘大嗰邊有地盤動工。我哋搵咗一間食釜飯專門店。  接近午飯時間尾聲， 人流唔算多， 係三期地下。門口已經見到一棟棟德島縣產日本米，非常期待。午餐餐牌有四十幾道 唔使一百蚊都有交易，又估唔到！金魂釜飯$98店員放低 釜飯專用嘅器皿， 因為是高溫即煑即焗， 有特製機關釋放蒸氣，鰻魚足有一大塊， 肉厚肥美， 鰻魚汁非常惹味唔會太鹹。 米飯非常煙韌， 黏實喺圓形盛載器， 非常“實心”。小食選擇唔算多，有幾款想叫也已經沒有貨。串燒玉子$28長方柱體嘅燒玉子， 有蛋香，甜甜地仲微微暖。炸雞全翼，外皮脆卜卜， 但梅干粉稍嫌過多， 太甜破壞了 整體味道。每款午餐都送 前菜（醃蘿蔔），汤和 飲品， 夠曬豐富!鹽麴雞肉野菜煑配 釜飯 $58熱鍋裏面有粗粉絲， 京蔥，蔬菜，冬菇。 雞肉好嫩滑， 湯底係 壽喜燒嘅味道， 帶甜， 味道唔錯！再配釜飯 都非常豐富。 午餐選了凍蘋果蜜，柚子蜜。 都是現成一瓶可以自己沖嘅果蜜。

聽朋友講淘大有間釜飯唔錯 而我本身又好鍾意食日本米 專登走去試下所有午市套餐 包前菜 湯 飲品 原來兩點半之後黎食下午茶 有一樣既套餐之餘 仲平啲添仲有唔少特色小食套餐包 麵豉湯前菜 有爽口芽菜 辣辣地幾開胃金魂釜飯🐋鰻魚份量唔細 都算幾肥美 帶點入口即融 但係有小小細骨🎃底下仲鋪左南瓜 煮得夠冧好好食最值得讚既係 鰻魚汁可免費添加 咁就唔怕冇汁撈飯五花叉燒盛釜🐷五花叉燒入味軟熟 一啲都唔鞋口 仲帶點肥膏🧂燒汁同樣可以免費添加🍚好鍾意佢既日本米 係門口偷睇到 係德島縣產米黎架🍚釜飯底有焦香 仲好保温 一路傾計一路食 食咁耐 飯都唔會變凍🎃呢個釜飯既叉燒底 同樣有煮得好冧既南瓜餐飲叫左柚子蜜 同比較少見既蘋果蜜 底下仲有蘋果粒串燒玉子 $28蛋味夠 但略為有啲乾 如果濕潤啲就更好啦吉列紫薯餅 $38即叫即製熱騰騰 有足料綿密紫薯 入口香脆唔油膩店員好nice 會提我地釜飯既汁係可以添加 環境幾好坐得幾舒服 如果下午茶黎食都幾抵

之前看過雜誌介紹此餐廳的鰻魚，今天終於有機會一試。來的時候還差一點才到下午茶時間，要是下午茶時間，鰻魚飯還能再便宜$20呢﹗不過幸好下午茶的優惠小食已可點，還有期間限定小食。餐廳空間很大，可以說是有兩層，哈哈，中間有條小階級。坐下來立刻把玩放到椅子上的"表情公仔"，這些最適合一班朋友來，各自拿一個拍照。我當然是點金魂，友人則點了人氣的五花叉燒盛釜，另外點了兩款小食。金魂鰻魚飯果然沒有令人失望，肉厚身，鰻魚汁濃郁。釜飯看起來雖小，但底部很深，男士吃也絕對夠飽。五花叉燒盛釜有多塊又大又圓的叉燒，配上特製醬汁，非常香口惹味。面上的蔥粒及半隻蛋更是錦上添花，令整個釜飯更令人滿足。釜飯的米粒是白米加薏米，令口感更豐富，亦更加健康。朋友因為某些關係暫不能食薏米，職員非常貼心立時幫釜飯更換成白米飯，非常好啊，服務加分﹗串燒玉子燒得剛好，蛋味充足，非常抵食。梅干手羽先外皮很脆，雞肉滑嫰，當中帶有淡淡的梅味，不會過酸很好吃。這裡坐得舒適，食物性價比高，服務又一流，正﹗