芝樂坊餐廳

营业中

休息中

每一次去Cheesecake Factory都有一種期待的喜悅, 因為食物種類繁多, 可輪流品嚐不同的美食, 份量大大碟, 價格經濟, 性價比超高 👍👍 另外, 環境夠大, 裝修美觀, 燈光昏暗, 服務良好, 每次食完都非常滿意😃今次一行四人叫了一個沙律🥗 意粉🍝薄餅🍕餐廳免費提供的麵包🍞都好味😋 分別有白法包&黑糖燕麥麵包這餐廳所提供的任何一種沙律都配非常新鮮沙律菜. 今次選擇這個沙律內有沙律菜, 牛油果🥑, 蕃茄🍅, 黑豆, 洋蔥🧅, 小紅蘿蔔, 墨西哥粟米脆脆, 芝士🧀&芫茜. 配料種類繁多, 口感&味道非常豐富👍👍我超愛這餐廳的意粉類別, 麵種繁多, 有粗有幼&不同形狀任君選擇. 廚師每次烹煮意粉時間非常好, 軟硬適中, 永無失手. 而我今次選擇蝴蝶粉, 鍾意每一粒蝴蝶粉都沾滿濃汁, 意粉汁味道有少少辣🌶️. 吉列雞塊都好好味, 粉薄, 炸得香脆鬆化番茄醬底薄餅, 配料有辣肉腸, 燈籠椒, 蘑菇, 洋蔥, 芝士. 🍕味道普通, 與其他薄餅店質素差不多😅溫馨提示: 當晚飯時間, 餐廳門外長期有大量人流等候. 若然不想等候太久, 可以選擇食頭輪, 約六點到達, 便可即時入座😉

最近Cheesecake Factory的熱潮好似已過，唔駛再十萬個人排隊，所以決定一嘗香港同美國既分別。午餐時份，同朋友一齊黎到。雖然熱潮已過，仍然要等位，證明呢間餐廳既威力。因為知道呢到太多野都係必點，3個人幾經討論就決定叫一個乜都有薄餅, 一碟意式肉腸及蝦粗管通粉及一個原創芝士蛋糕。乜都有薄餅真係乜都有，雖然係咩都有但係夾埋一齊都幾夾唔係亂黎~有辣肉腸、意式肉腸、燈籠椒、洋蔥、蘑菇、蒙紗里拉芝士及番茄醬，份量亦都係相當多~ 其實3個人食完呢個之後已經飽左…..之後到意粉，微辣的。因為無留意係辣，所以我呢位弱雞只係食左少少，不過我見我另外兩位朋友仔咁飽都食唒，應該都係唔錯。最後就到重頭戲芝士蛋糕，嘩本身超愛食芝士既我真心覺得好食! 同埋真係物超所值，俾出面既芝士蛋糕大好多，不愧為美國野XDD3個細胃女仔其實可能唔叫Pizza叫多個意粉或者小食會好d~ 決定下次要叫多啲人黎 食多幾樣XDDD

終於來吃超有名的美國大型連鎖店，主打食物大份！當然最重要的是它是一家專吃Cheesecakes的西餐廳，有20-30款那麼多！聽起來簡直是女士的天堂，如果週末的繁忙時間前來，估計要排上一個多小時，幾位好朋友他們先到，閒日6pm前來就不用排隊，不過留意限時用餐時間為90分鐘我6點多到的時候，已經排長龍了～友人等我們差不多到了才進去，所以等了10分鐘左右餐廳很大，但座無虛席！餐牌有太多選擇，真的不能把所有的都拍下。另外，店內也有一半是外籍店員，下單有可能需要用英語餐包是黑糖跟普通法包，味道一般炸芝士通心粉球 $128在網上看到好像每一桌都會點，每一個都是大大的一顆，一切開會流心，但其實吃不到通粉口感，芝士香味也不夠，只吃到咸味，非常一般芝士四重奏長通粉  $208(配雞肉)分別是Mozzarella, Ricotta, Romano and Parmesan Cheeses，配上Marinara Sauce(意式蕃茄醬)。$204來說我覺得是貴了點，對我比較大吃的人而言，其實份量沒有很大，兩個人也可以吃得完，而且如果不配雞肉只要通粉是$166，配雞肉貴了$40多，但雞肉份量很少。而味道，說

一向都知到要排好耐隊，加上上次黎到等太耐食唔到，今次我地12個人諗住食7點，所以先搵2個人去排，5點左右到左竟然唔洗排隊，所以白等左2個鐘😂，但7點左右到都要等大半個鐘先入得，一去到店員介紹左餐牌上沒有的新產品就上左餐包餐前麵包好軟配牛油好好食芝樂坊既粉同麵都整得好好 ，唔會太淋，岩岩好個扒好有牛味 薯蓉好好餅 令外追加左2份其實我一向對水牛城雞翼麻麻，但同行友人話好好食，所以鐘意食水牛城雞翼既你可以試下呢到d蛋糕好出名，其實我地叫左4件 但只係分享左最好食果件紅絲絨芝士蛋糕 呢個真係無得唔試。整體係好好食 d野都大份夠12個人分享。適合多人聚會

返shift嘅小妹今次好難得咁約到一班好傾嘅同事一齊放假，約埋食個飯順道比驚喜預祝生日呢到果然出名，但好彩朋友都早到，大概6點鐘就到咗，等咗15分鐘左右就可以入去坐同叫野食啦我地一枱5個人坐圓枱，入面環境好靜好舒服，燈光好浪漫🌹菜式選擇極多！見到樣樣都木想食好吸引好難簡其實佢啲酒類好吸引，但係因為佢入座後計2小時，而且要比surprise朋友，未有時間試一試，所以今次慶祝生日就無叫酒，下次再試！最後叫咗4道菜一開始會有啲麵包食，有2款味道，好軟熟好好食！1. 水牛城香辣雞翼 $168 係邊到都好，水牛城雞翼基本上係小妹必點嘅小食，而呢到既水牛城有西芹做配菜好吸引！食雞翼又有啲菜類食物食吓，呢個設計好好！而雞翼皮脆脆地，醬汁整得辣好吊人口癮同好開胃！數量都好多5個完全夠食2. 牧羊人批 $218 雖然佢話係批，但其實佢係一道小食入面有牛肉、甘荀、青豆、洋蔥，配上磨菇肉汁同薯蓉～薯蓉好飽肚，牛肉唔會好痴牙，加上醬汁唔係好咸，食薯蓉嘅時候淋小小汁上面，成個姐合好match! 讚！3. 雞肉蒜香檸檬忌廉意大利幼麵 $186 極足料！有好多雞肉，醬汁岩岩好唔會好多亦唔會好小，而且意粉好吸檸檬醬汁

今日一班女人出黎慶祝聖誕節，又係有大有細講左大半年要試呢間出名嘅餐廳，芝士控嘅我舉腳贊成由我2點幾去到餐廳攞位先，條人龍都已經好長！點解下午茶時段都可以咁長龍餐廳貼心地俾左個pager我，有位時會有signal。仲留左我電話等餐廳隨時打俾我！等我可以周圍行，因為餐廳同我講要等40-60分鐘，但pager接收範圍只限20米，其實20米又行得啲乜呢終於我都行到LCX嗰邊，到3點幾餐廳打電話黎話執緊枱，即call到左附近嘅朋友們仆過去，不過原來要過半數人到左先入得，同餐廳解釋左各人都就到，餐廳話入座計2小時交枱，我地就可以入座仲有房仔坐添班女人揀左一陣，終於揀好哂要食嘅野先黎2大籃麵包，啡色嗰個甜甜哋，好軟熟，好味喎！炸魷魚，脆粉唔太厚，夠鬆脆！黎到餐廳嘅主角 - 芝士蛋糕！我地班女人真係非常期待！7大2小，話叫5件，個waitress見我地都食左咁多野，雖然女人另外有甜品胃啫，建議我地叫4件好啦要讚一下，呢間餐廳嘅芝士蛋糕嘅質感軟軟哋、夠creamy，唔太硬身，所以唔會話食一、兩啖就滯到上心口嗰種，同埋我覺得太硬身嘅cheese cake反而帶唔出個cake應有嘅芝士味食左2個鐘，傾得好開