悅滿軒

油封鴨係我覺得成餐最好食嘅一道菜，亦係食過咁多間當中煮得最嫩滑軟熟嘅！😍🤩🦆$268 法國家鄉焗煲配油封鴨‼️首推，超軟熟油封鴨😍‼️朋友一食完同我講：「小心啲食呀，食落口就唔見咗」笑死「都唔知你講乜！」我完全不明就里😂結果一食，鴨肉入口化開，真係好神奇😳，係食過咁多間煮得得最滑嫩軟熟嘅，意外驚喜！不過相對地就 缺乏左酥脆嘅外衣，補嘗嘅係覆蓋住滿滿嘅脆蒜。記得盡快食，凍左真係會美味減半😨家鄉焗煲底係白豆加白肉腸，我本身麻麻地蕃茄醬同豆，但佢每樣材料配合得好好，白豆有啲似薯蓉小麵團，反而覺得幾好食🦆$88 法國泥蟹湯還好，高質、特別但少貴🦆$368 蘋果木煙燻乳豬打卡必點‼️我本人係超中意食乳豬嘅，呢間煮得好好食，外脆內軟，薯菜都好食；不過唔夠上次係荃灣廣場地窂食個間咁好食（搵番餐廳名我再後補打卡位‼️：上枱個陣係連爐同蘋果木，煙霧散出，好有仙氣；遺憾嘅係侍應冇比時間我影相📸️，想打卡嘅各位，記得拎定相機🥲🦆$368 肉眼扒牛扒係好好味，肥瘦均勻，每一口都可以有兩種口感；5成嘅成熟度剛好，外焦內嫩，juicy多汁，係對得住價錢嘅肉眼抵讚嘅係有兩種醬汁提供，但我覺得冇好夾，都係中意就咁食多啲，醬汁純

同朋友聚餐，黎左依間，地點響美孚地鐵站行5-10分鐘，但就要搵下附近環境算清幽，都幾舒服。叫左份乳豬，羊架，鮑魚墨汁飯，鵪鶉清湯。乳豬皮脆肉嫩，個汁同個酸菜好出色羊架就叫左7成熟，都偏嫩，配左個腸有驚喜，咬落會噴汁。個墨汁飯，個人覺得冇乜特別。鵪鶉湯就好清甜。甜品就叫左自製雪糕，梳乎厘，伯爵茶奶凍。梳乎厘好香雲呢嗱味，鬆軟。伯爵茶奶凍，好香既伯爵茶味，啱伯爵茶一定要叫！價錢就3個人平均每人500有找，算中上既價錢。但依個價錢，食到依個質素既野食就真係唔貴！