扇火鍋

营业中

休息中

最近比呢間舖頭嘅夏日限定蕃茄壽喜燒湯底吸引咗 所以就搵咗個禮拜五去試吓！店舖內座位空間充足 佢哋嘅火鍋放題自助區選擇亦都非常之多 除咗火鍋配料之外 仲有關東煮同埋乳酪雪糕 同埋好多款飲品選擇 店員亦都非常友善 會簡單講解下餐牌嘅內容～食客亦都可以用QR code落單 上菜速度都算快～· 90分鐘澳洲和牛+四元豚放題 $299 p.p湯底：蕃茄壽喜燒湯底同和牛比想像中夾 湯底濃得嚟又唔會搶fo 而且好足料 有超級多蕃茄、車厘茄同埋其他蔬菜～肉類：我哋主要係嗌四元豚、封門柳、板腱肉、牛舌同埋牛小排～每次加單份量都好充足 啲肉亦都冇雪得好硬 特別推薦牛舌同埋牛小排！海鮮類：特別推薦佢哋呢度嘅墨魚滑 除咗表面鋪咗啲蟹籽增加口感之外 墨魚滑亦都好新鮮唔會話好大浸腥味！其他海鮮例如墨魚同埋魷魚仔都好有鮮味 細細隻份量啱啱好 可以樣樣都試啲！佢哋嚟緊仲會有個拉繩抽獎遊戲 詳情可以向店員查詢啊👍🏻📍 扇火鍋 (觀塘)觀塘觀塘道414號1亞太中心2樓205號舖

扇火鍋 Shabu Sen📍：觀塘觀塘道414號1亞太中心2樓205號舖🚗：觀塘地鐵A2出口 步行5分鐘📞：+852 2780-7028💲：~HKD100-150/head for lunchFood quality✔️：拉麵、咖喱飯、乳酪雪糕、羽衣甘藍👌🏼：整體配菜為中❌：湯底為下總結：👍🏼走日式路線嘅打邊爐店 最正係可以一人一鍋 每個人叫唔同口味都得 啱哂疫症期間大家嘅需要🥺👍🏼佢比你揀嘅款式較少都係菜類、丸類、面類較多，質量都唔差但真係冇咩太多選擇 而我自己就重質不重量 所以重量不重質嘅呢間就唔太適合你啦👍🏼最特別係有羽衣甘藍🥬 超正 而且拉麵都好煙韌 唔係冇咬口嘅普通料 啱食素或淡口嘅朋友👍🏼佢啲額外食物好似咖喱飯同乳酪雪糕都好食過主菜 而且雪糕仲有得任加材料 建議大家留肚食👍🏼性價比係中上 佢款少某啲嘢又普通 但冇一樣係伏呢點都贏哂（但應該好多人同我相反 要多但某啲伏ok😂）👎🏼冇咩環境可言 但坐得舒服嘅 枱同枱之間又唔會太逼 不過行出嚟拎嘢時長期覺得對腳痴地 衛生環境就麻麻🙈👎🏼唔好對湯底太有期望 明顯都係普通嘢 似屋企自己都整到而冇餐廳自己嘅配方 我強烈要求大家唔好叫豆乳湯

又聽到一單美容療程不良推銷手法的新聞，有時真係覺得攪咁多真係嘥氣！不如食返餐好的，直接食落肚裡，自己吸收返所有營養，最終得益都是自己身體。話說今天下午到這棟大廈見客，順道約好朋友在這裡晚餐。從樓下的扶手梯上來，先到朋友建議的餐廳這，了解一下餐牌，竟然有部份套餐售罄。  再細看，原來聖誕新年假期用了特別套餐。　　既然朋友選擇這家，就不想再煩惱！自己有選擇困難症，如果要左諗右諗，左計右計，真是十分頭痛。而這店火鍋放提是限時90分鐘，一定要等到朋友到齊，才通知職員入座。幸好職員讓我先看看自助區的食物，放題竟然有龍脷柳，洋蔥京蔥，蟲草花，還有少見的羽衣甘藍。　　人齊了，要決定～選擇哪個套餐。大家難得一見，想食得好ｄｄ，看中了這個＜美鍋＞。包括各款牛肉，豬肉，還包水信玄餅。真是頗吸引！　自己跟大圍，一起享用這個美鍋。　就座後，蔬菜盤，和牛，豬肉，美人雞鍋很快就呈上來。先把耐煮的食物都倒入鍋內，讓其慢慢煮熟。然後就衝到自助區，取食物，飲品和調配醬汁。這裡没有柚子醋，於是以酸汁代替，再配芫茜蔥蒜。　　油揚蔥卷　油豆腐皮包著大蔥卷　　手作雞滑　有二筒，自己先玩一筒。不過分件時太大件了，要久煮才放心食用

聖誕放假同柑太去食火鍋，觀塘一帶好食既火鍋中，我選了扇火鍋，一來環境一流，二來地點又近地鐵站，當然食物質素好先係最重要原因。佢地冬天出左個美肌火鍋，有和牛食之餘仲連包埋好多特色食物，於是就同柑太一齊去試下。呢個冬戀美鍋放題，只係冬天限定柑太好鍾意食咖哩飯，於是就試左佢地既咖哩牛肉，個汁底入面有極多牛肉，而且又唔辣但又好香咖哩味，個炒飯底又極多配料，非常入味。自助bar除左大路野之外，比較特別係有羽衣甘藍呢種近期大熱既健康蔬菜，飲品方面，有道地既黑糖薑茶，飲落真係好夠薑味。先介紹下呢個冬戀美鍋既濃厚白雞湯，入面真係有雞肉，仲要係好多雞肉，煮出黎既湯充滿骨膠原乳白濃湯，飲左真係好補身美人和牛，選用鹿兒島黑毛和牛後部肉，紅白分明，油脂極多，一入湯內5秒就熟透，入口油感充足，濃得分不開既和牛味實在令人係冬天覺得非常幸福。美肌蔬菜分量極多，包埋兩份雞滑，雞滑煮熟後入口鮮甜，肉質不因為生滾而變韌變老，反而食落非常多汁。油揚蔥卷，滾熟後入口有極鮮香的蔥味，蔥身有咬口非常爽脆之後再加了豬肩肉及豬腩肉，煮熟後都係非常嫩滑及鮮味的食物中途叫多一份日本產特選黑毛和牛，睇得出牛肉本身油脂分佈比美人和牛差少少，

OT完已經九點半有多，同同事行到呢間任食日式火鍋已經十點有多，岩岩好可以一人一鍋！第一次食就試左個壽喜燒湯底，其實仲有好多湯底揀～好似豆乳、美人、豬骨.....不過同事們一致推薦就揀左壽喜燒～先講個湯同普通壽喜燒一樣小小甜，但呢個食完吾會口渴，配埋雪花牛肉就一流！跟住先講個肉～雪花肥牛雖然係任食，但絕對吾求奇，無雪味！仲有好濃嘅牛肉味！另外豬肉分兩種普通肉片同五花腩，一樣肉靚之餘，五花腩絕對吾係得油，油份同肉比例岩岩贊，可惜嘅係一叫要兩種一齊叫～無得淨五花到個配菜吧，一般邊爐要有嘅菇菜麵粉絲丸都有，值得贊嘅係蔬菜新鮮金菇乾淨～有個芝士丸都值得一試！醬料方面，基本蔥蒜辣椒都有齊，豉油辣油一定有，驚喜嘅係有酸汁同麻醬（中式）～岩晒所有人～最後甜品同飲品，不得不提個乳酪雪糕，酸甜適中但質感吾夠企身，不過已經好過好多專賣店～加埋朱古力碎同士多啤梨醬，就岩岩好解到食完一大堆肉呢油膩感同罪惡感飲品都離不開汽水啤酒，不過有小見嘅韓國檸七同忌廉溝鮮奶，總括黎講都算多種類。呢間餐廳我推薦大家好餓嘅時候黎食過夠，因為佢地上肉速度好快，你話幾碟就幾碟，短短一個鐘已經可以食飽，加上用電磁爐吾會興烚烚，如果抽風