百味鮮辣蟹專門店 (已結業)

今天西環一日遊，先來個港式小食，之後老友帶遊西環海皮一帶，飽覽景色，看見很多帶狗的、跑步的、坐在咖啡店或酒吧門前看海，各具特色，港鐵站開啓後，真的令西環變了不少。正所謂大鄉里出城，很久沒有過來西環，如果不是老友帶路，太多食店選擇，現在有倚靠，唔使煩，太幸福。行完海皮一帶，老友問晚餐想吃什麼？最後決定吃中菜，原因她說，她媽媽從前最愛吃這間飯店。筆者一直相信，懂得煮飯的太太，鐘情的飯店，水準必有一定水準。由於假期，食店不設訂枱，晚上七時半，在門口等了一陣子便有位。海鮮豆腐羹~杰度適中，最喜歡是那點點的香菇、韮王粒。話梅醉凍豬手$38~醃得入味，豬手有肉哋，腍身得嚟有𡁻頭，恰到好處，帶點點話梅粉，味美。蟲草花浸菜芯$68~蟲草花粉量足，香氣撲鼻，但菜芯過老。乾煎豬仔骨$78~豬仔骨原來是像一塊豬扒切開了一小件，腍而且入味，醬汁味美。葱燒龍躉球$138~其實那醬汁味道和乾煎豬仔骨差不多，只是豬仔骨改成龍躉球，但兩者在價錢上有點差距，筆者較喜歡前者。富士茄子酥$68~蘋果和茄子酥炸後，酥香甜蜜，做得出色，老友說此乃素食者至愛。

一向鐘意食蟹既我，今次同朋友一齊黎到呢度食避風塘蟹~~ 見到呢間小菜價錢公道，又有唔同款既蟹食，就黎到呢度啦。因為夜收工，又避免太多人，所以都專登簡左星期三黎食，果然可以即時入座呢~ 太好了~門口寫住左營業時間，同埋一d介紹。入到去，座位好闊落，好好坐。打開menu，即刻比佢menu上面既蟹吸引左，最後我地叫左避風塘蟹，同埋幾款小菜。首先係呢個乾煎豬仔骨，一上到黎已經覺得好香，襯佢熱辣辣既時候食，真係超好食。佢既豬仔骨本身好夠淋身，加上佢調配既汁好夠入味，所以勁香口，真係會好忍唔住一食再食。之後上黎既係 蟹肉扒西蘭花，係一道比較清淡健康既菜，咁就唔會感覺成口都好濃~ 有d清清既味道調節番~上面除左蟹肉之外仲有蛋白絲，咬落去清甜多汁，一路食會有蟹肉既味道淡淡出現，幾特別。之後係呢個，都係超有驚喜既藥膳米酒雞，上黎既時候係望住佢滾緊，即係即滾即上。首先試左啖湯，係超、好、飲！一黎係好有藥膳感覺 + 雞湯味濃 + 米酒既味道係後面慢慢滲出黎，每一樣味道都唔馬虎，唔會覺得無左其中一樣、或者三樣唔平衡。之後再去食湯料，佢有好吸湯既'豆pok'，一咬落去，d湯汁流晒出黎，好滿足！雖然係主打蟹為主既

今日放工約左朋友係附近食晚餐，見到有間食辣蟹的專門店，當然要試試！縱然是閒日，但一到晚飯時間都見店外有人排隊等位！店內也是坐無虛席！裝修雅緻，地方雖小，但總算五臟俱全！枱與枱之間有距離，不會太過於焗促。新鮮推介中，被我的「湯怪」朋友看中了茶樹菇燉雞，佢嚷著要點，小的唯有從命！到辣蟹專門店不點蟹著實過不去，但得2個女生又點了一鍋湯，炒蟹著實吃不下，唯有轉戰蝦！店內侍應服務勤快，值得一讚👍🏻「湯怪」要求點的湯，一鍋上來！湯喝得出不是味精湯，雞肉嫩滑，茶樹菇味濃，值得一讚！不好湯的我，我都喝了2碗😂豬手夠凍👍🏻用於餐前小食一流👍🏻可以好好補充一下骨膠原！炒得香口，蔥炒得多汁且入味！雖說乾煎但煎得肉嫩多汁，令人一口接一口😋黃金蝦做得香口，有濃濃鹹蛋香👍🏻蝦肉彈牙爽口！總括而言，辣蟹專門店除了蟹之外，小炒也做得出色，價格也比較街坊！難怪於閒日都有客人在門外排隊，下次有時間要再黎試一試辣蟹！