二鍋頭 (好運中心)

营业中

休息中

呢晚喺沙田搵咗呢間火鍋放題 同朋友嗌咗呢個嚴選安格斯牛套餐 係打邊爐之前可以任食餐廳自家製嘅煲 我哋揀咗佢招牌嘅三款煲試吓😙火焰牛尾煲呢個係必叫之選 有得睇又有得食😋 店員先倒入玫瑰露 再點火後炒兩炒 火辣辣嘅牛尾煲就有得食喇🔥 呢個牛尾炆很好腍又好入味黑椒豬手煲一上碟已經聞到好香嘅黑椒味 呢個嘅調味相當刺激 係黑椒嘅辛辣味道🌶️ 豬手都幾厚肉 二鍋頭惹味雞煲呢個雞煲我哋嗌咗小辣 但係都唔會辣到食唔到 雞件部份唔會全部都係骨🐥 即叫即炒幾有鑊氣胡椒豬肚雞鍋食完啲鍋之後可以喺九款湯底之中揀一款嚟打邊爐🍲 入面都幾多豬肚 鍾意食內臟嘅朋友一定會鍾意呢一個鍋底肉類安格斯牛小排 呢一個餐每人都會送呢一個牛小排🐮 除咗呢一個額外送嘅牛小排之外 呢個套餐有嘅牛肉都非常高質素 安格斯封門柳同埋牛板腱都係肥瘦分明 牛肉味都唔錯㗎😉 西班牙豬梅肉 豬頸肉同埋紐西蘭羊卷肉都係任食🐑 海鮮脆鯇魚腩 係肥美嘅部位☺️ 白鱔片同埋活海蝦都好新鮮🦐 仲有沙白等等嘅海鮮 選擇都幾多㗎火鍋配料除咗外面自助吧嘅食物之外 有部份嘅火鍋配料仲可以用QR code落單✍️ 鮮蝦雲吞 鳳城水餃🥟 兩款都係蝦肉彈牙 仲有雞公子同埋爽脆

´༎ຶД༎ຶ`💥抵食到傻‼️沙田友今次發大達啦‼️雞煲/豬手煲/牛尾煲/酸菜魚煲再黎個火鍋放題淨係加$6️⃣0️⃣就可以升級無限時🔥!!指定時段每位仲減$3️⃣0️⃣!! 性價比無得彈!!(🤫90/120min午市放題係沙田分店獨有添架!!🧚🏻‍♀️~~~~~~~~~~~~~~~~~~~~~~~~🧚🏻‍♀️🟢 —— 秘制火焰牛尾煲現場加入白酒調製, 燃起藍色火焰超靚🔥重點🌟 重口味人士一定要試!!秘制醬汁加入大量辛香料爆炒, 香氣撲鼻!!牛尾炆至軟腍入味, 裹滿香濃醬汁超惹味～而且大大舊份量十足🌶️中辣都唔太辣🟢 —— 二鍋頭惹味雞煲必食🌟店員翻炒嗰種已經香到流口水…醬汁同樣香濃惹味, 但相較牛尾煲淡雞肉滑嫩爽彈, 啖啖肉唔係得骨!!雞脾雞翼連雞腳都有🐔好正～🟢 —— 安格斯牛小排Set B免費贈送安格斯牛小排一客注意⚠️店員話食煲/邊爐落都得!!今次落咗係牛尾煲, 港式壽喜燒黎啦‼️牛小排裹滿秘制醬汁香煎, 入口充滿油脂香肉質有彈性, 入口超惹味有驚喜!!………………🟢 —— 手機落單區
🆒 選擇非常豐富, 食材有質素!!🥩 每款牛肉都試咗, 完全唔柴牛味濃郁!!🍲 越式香濃牛肉鍋底好少見👍🏻味道較清淡香料洋蔥青檸牛

之前食過尖沙嘴分店，覺得雞煲同鴨煲都非常正，味夠香濃、料又足。朋友話沙田都有，仲有豬手煲食，佢勁鍾意食豬手，咁無得走，一定要陪佢食啦。可喜係水準同尖沙嘴店一樣，食材足料，唔同嘅煲有唔同嘅調味，唔會材料轉，底味唔轉，有誠意。除左惹味雞煲、黑椒豬手煲、火焰牛尾煲之外，仲有火鍋，無論邊一款都係放題任食。建議喜歡烚吓烚吓嘅，都係用火鍋湯底去打邊爐；坊間有唔少雞煲火鍋，但個人覺得呢度嘅雞煲都係就咁食雞最正，反正有多款唔同湯底，火鍋之餘當飲湯都勁正。黑椒豬手煲黑椒勁惹味，豬手炆得夠晒腍，入口爽彈，食多幾件，感覺口腔黏黏的，滿口骨膠原，勁正。惹味雞煲煲如其名，呢煲好濃味，雞件入晒味，侍應炒好後，記得快食，咁就食到嫩滑又惹味嘅雞肉。火鍋湯底揀左胡椒豬肚雞煱，湯料唔多，可以自己嗌多d火鍋料食；味道較清，當湯飲都唔會搶喉，不過如果胡椒味再重手d就更正。火鍋料都有好多選擇，牛、豬、雞、海鮮之外，仲有坊間少有嘅鴨(煙鴨胸、油鴨脾)、豬膶。太多嘢想食，而料又唔差，可惜兩個人得兩個胃。個人口味推介火鍋料：安格斯牛板踺：有咬口，肉味較濃。炸雞腳： 肉質勁彈牙，而且皮層炸得鬆鬆的，沾上湯底，勁入味。脆鯇魚腩：堅係脆腩

而家連沙田都有二鍋頭喇，咁就唔使再出咁遠先有得食😎今次我地叫左嚴選安格斯牛套餐($268/每位)，任飲任食120分鐘環境簡約明亮，因為開左唔算太耐，所以睇落都幾新一開始先揀食雞煲/鴨煲/豬手煲，食完之後再慢慢打邊爐，今次我地揀左食二鍋頭惹味雞煲(小辣)，呢個係一個好香辣嘅雞煲，將雞肉、洋蔥、辣椒等配料，搭配自家惹味辣汁煮成，雞肉好嫩滑，而且夠晒入味相當惹味😋除左掃QR CODE落單之外，喺出面自助區可以拎醬料、飲品、火鍋配料、甜品等😉飲品有汽水、涼茶類、仲有啤酒之後火鍋我地揀左胡椒豬肚雞鍋湯底，將豬肚、雞肉、胡椒同埋其他香料放喺一個大鍋入面，再熬煮至濃郁，賣相好清新😋豬肚做得好彈牙，而且唔會有怪味😁雞肉做得好香口，而且唔會太乾😁胡椒幾香氣，而且有啲暖胃嘅效果😎其他香料都幾提味，而且唔會覺得太濃或者太淡😁而安格斯牛板腱、安格斯封門柳、本地鮮滑牛肉、西班牙豬梅肉等等，都係好高質嘅肉類，切得好薄片，而且有啲花紋或者油花😍放喺火鍋裡面滾幾下就可以食，非常之快捷同方便😁本地鮮滑牛肉食落比想像中嫩滑，而安格斯牛板腱、安格斯封門柳肉香氣味濃😎至於海鮮選擇都有好多種，例如花枝片、白鱔片、活海蝦、活海蜆