京都勝牛 (Tower 535) (已結業)

呢度套餐種類都好多, 招牌既係吉列牛排, 選用咗來自美國, 澳洲, 日本嘅牛肉🐮▫️京都勝牛雙味套餐 ($198)呢一個套餐係招牌吉列翼板牛+菲力牛, 每一塊炸到三分熟, 吉列外層酥脆 裏面既牛肉色澤呈鮮紅色🥩菲力牛味較翼板重 脂肪比例高D 鮮嫩多汁 而翼板牛口感有彈性, 肉質都好嫩如果認為太生既, 可以同職員講會比個煎板自己燒至自己鐘意嘅肉質🤭另外會配左9 種蘸料,包括日本芥末醬油, 咖喱醬, 招牌牛扒醬, 山椒鹽, 玫瑰鹽, 七味唐辛子, 鰹魚, 風露, 和風沾醬, 可以按自己喜好調出不同口味🛎溫馨提示: 椰菜沙律, 麵豉湯, 白飯可以無限添加🤑

好可惜！最近知道將軍澳分店無咗。。。原來我哋嗰日係將軍澳食已經要同佢講 Bye Bye 喇 所以經過銅鑼灣，有時間梗係要食返餐啦！京都勝牛雙味套餐 $198：專食牛真係專食牛，兩款牛都好嫰滑，鬆化。炸粉唔厚。吉列千層芝士豚肉卷套餐 $168：炸粉同豬肉分開。相比下豬肉無牛肉咁好食。豬肉肉質較乾。和牛壽喜燒套餐 $188：無咩特別，火鍋薄切牛肉無咁好食。食完主食，當然要食甜品喇～日本清酒豆腐雪糕 $58 : 極度推介！清酒同豆腐味道混合得啱啱好，唔會話邊隻味蓋過邊個。棉花糖雪糕 $58 : 用嚟打卡嘅食物。大大既棉花糖外面燒過吓，幾香。有啲失望，入面雪糕比較少。。。

今日Lunch去左銅鑼灣京都勝牛食，平日1點幾兩點都有唔少位。京都勝牛主打吉列牛，除左吉列牛，仲有吉列豬，吉列海鮮等等，亦有少量非吉列食品如丼飯。餐牌價錢唔算太貴，豐儉由人。仲有小食，同飲品。今日一行三人，分別叫左三個餐。京都勝牛雙味套餐 $198 另加一顧名思義，京都勝牛雙味套餐有兩款牛，包括菲力牛同翼板牛，有哂label紙仔說明，感覺高級。菲力牛有5件，吉列皮當然夠薄脆，入面牛肉仲生，食落算幾嫩，不過牛味唔濃。翼板牛有7件，就比較韌少少。如果嫌牛肉唔夠熟，可開爐俾你自己整熟啲，我地就覺得熟度可以。不過上枱影完相食用時其實就唔暖。跟餐配有咖哩醬，招牌牛排醬，山椒鹽，同芥末醬油。上餐時服務員都有介紹，枱面亦有單張説明。招牌牛排醬加入芝麻同蔬菜特製，個人覺得幾好味。芥末醬油就酸酸哋。咖哩醬味道相對濃少少。我主力沾招牌牛排醬同咖哩醬食牛。呢個5色鹽碟都幾吸引眼球。名物翼板伴鰻魚套餐 $188 另加一名物翼板伴鰻魚套餐有11件翼板牛同鰻魚兩件。我好少食炸鰻魚，個人覺得平時嘅燒鰻魚好食啲，呢種食法令鰻魚味唔出。同京都勝牛雙味套餐唔同，呢個餐都伴有蔥花蘿蔔蓉汁同檸檬一片。總括而言，都係食返吉列牛

之前食過次覺得幾高質，近日再次去到係銅鑼灣Towers535地庫嘅京都勝牛食晚餐😋餐廳環境舒適，店員都好細心講解餐廳嘅菜式。落單方面就轉左用qr code，非常方便！餐廳主打吉列牛，亦都提供其他豚肉同海鮮嘅菜式 .◽️自家制豚肉餃子 5隻 $52餃子外層煎成金黃色，食落脆口，而內餡幾足料，仲食到啖啖肉汁🥟.◽️炸特選大海老 $52大大隻嘅炸大海老，外層炸得酥脆，蝦肉肉質結實🍤.◽️京都勝牛雙味套餐 $168兩種牛分別係菲力牛同翼板牛，菲力牛肉質較柔軟，油脂較少，但牛味會較突出；而翼板牛油脂同肉較均勻，幾香油脂味🥰店員上餐前好細心咁提醒我地兩種牛都係3成熟，可以拎個鐵板俾我地自己燒熟啲再食( ˶ˊᵕˋ)੭.◽️特選海產套餐(炸廣島蠔、炸大海老、炸鰻魚）$208坊間比較少見到炸鰻魚，所以就俾佢吸引咗～炸粉厚度啱啱好，緊扣住鰻魚，雖然鰻魚經高溫炸過，但都保持到鮮味，肉質軟腍😻兩隻廣島蠔都大大隻，食落好肥美！兩隻大海老外層炸得酥脆，蝦肉結實，仲要啖啖肉，好食！.◽️士多啤梨沖繩黑糖雲呢拿雪糕 $58微酸嘅士多啤梨肉配上甜甜地嘅雪尼拿雪糕，面層仲有來自沖繩嘅黑糖汁，呢個配掂幾好食🍓.◽️棉花糖雪糕 $58

說到日本第一連鎖吉列牛專門店，原來在香港也有分店。京都勝牛 - 獨到的炸牛扒技術配以獨特的個人吃法這麼吸引，當然要去吃吃看吧！能網上訂座，用餐時間只有1小時15分鐘，有點趕 ...銅鑼灣店座位不算很多，店內頗光亮也坐得舒服。雖然這裡是用QR Code下單，但是有實體Menu，喜歡這種模式！主要當然是吉列牛，亦有吉列豚和海鮮。另外也有丼飯、小食、甜品之類，選擇其實滿多，花了點時間才決定到。餐牌上有介紹7種不同調料配搭的吃法，有興趣可以加錢試試看。因為是第一次來吃就點普通些的 京都勝牛雙味套餐 ($198)有翼板牛和菲力牛，還有堆得高高的清甜椰菜沙律。外層酥脆的吉列牛是以190度的高溫快炸60秒，所以內裡會維持著3分的鮮嫩熟度！菲力牛比翼板牛更軟嫩些，但就肉味濃厚度來說會是翼板牛更勝一籌。單吃不沾任何調味已經很滋味，但還是可以試試配搭其他調料吃吃看有數款鹽、還有山葵、咖喱等，個人覺得配鹽類的就夠了 ...如果覺得椰菜沙律太清，可以配咖喱吃！套餐的飯不是普通的飯來喔，是香甜又很有口感的麥飯。另外還有漬物和麵豉湯，整體份量很飽肚。朋友點的是 - 京都勝牛三味套餐 ($228)除了翼板牛和菲力牛

太耐冇返鄉下喇～於是去咗呢間日本過江龍——日本關西第一炸牛排專門店，食下吉列牛排去思思鄉😆！餐廳嘅門面以至內部都裝潢得非常和式，感覺就好似去咗日本咁😚～.🔸 (HK$198) 呢個套餐嘅雙味就係翼板牛排、菲力牛排，仲有可以無限添加嘅麥飯、椰菜沙律、味噌湯。而餐廳採用日本正宗技術，用一分鐘炸出三成熟嘅牛排，表面香脆，內裡粉嫩😋。翼板牛排油花均勻，食落肉質較彈，而菲力牛排油花較少，食落肉質較腍滑👍🏻。值得一提～套餐附上多達9種嘅醬料😍，例如：七味唐辛子、山椒鹽、玫瑰鹽、黑松露鹽、牛排醬、綠芥末、咖喱醬等，可因應自己口味，沾點唔同嘅醬料，配搭出不一樣嘅吉列牛排風味🤤。如果覺得三成熟會太生嘅話，亦唔使擔心！店內備有燒爐、鐵板，只要店員講聲就會端上，咁就可以自己控制牛排嘅熟成程度🤗。.🔸 (HK$148) 呢一個套餐就揀咗炸里脊豬排，同樣有可以無限添加嘅麥飯、椰菜沙律、味噌湯。炸里脊豬排炸得香脆，肉質保持粉嫩，食落一啲都唔柴😉。隨餐附上一碗芝麻，俾客人自己即席磨碎，然後可加入特製醬汁，炸豬排沾點埋呢個醬汁，格外滋味😋！.🔸 (HK$52) 小食之一。炸廣島生蠔共有2隻，每隻都好大隻。炸衣並唔厚，

說好的暑假減肥應該會失敗😑今天去吃了吉列牛牛🤭銅鑼灣周圍都係食肆，午餐時間都唔算多人，競爭真係激烈，餐廳裝修得好日本風，環境都舒服。🔸京都勝牛雙味套餐(💰198)(7.5/10)有兩款吉列牛: 菲力牛、翼板牛。我覺得兩款都缺少咗牛香，但兩款牛都嫩滑。相比之下菲力牛更嫩。外皮都算薄同埋好香脆👍🏻套餐仲有沙律、飯無限添加。另外仲有麵豉湯及漬物。醬汁方面有咖喱汁、昆布汁、牛扒汁、wasabi，仲有唔同嘅鹽⋯俾你有唔同嘅嘗試。🔸元祖翼板牛排便當(💰138)(7/10)便當同套餐嘅分別係飯同沙律無得無限添加。其他嘢大致一樣。不過呢個餐有隻溫泉蛋。呢款便當只有翼板牛，無得食好味少少嘅菲力牛。如果覺得啲牛太生，佢會另上一個鐵板煎俾你。服務方面，店員上菜時都會將食法解釋得好詳細。Overall評分: 7.5/10

— 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 —【 靚牛靚湯靚配料·員工服務周到 】#beerpig銅鑼灣 #beerpig日本菜✨大家有興趣就記得｜𝐿𝑖𝑘𝑒•𝑆𝑎𝑣𝑒•𝑆ℎ𝑎𝑟𝑒｜呢個𝑝𝑜𝑠𝑡喇💖—#🍻🍖 質素：🍤炸廣島生蠔｜$52生蠔炸得夠鬆脆，食落口熱辣辣，生蠔一啲腥味都冇🥴配埋沙律醬，酸酸甜甜咁幾開胃🍤元祖牛排炸串｜$52咬左第一啖先知原來裡面係牛肉蓉黎🤔但食落口感又有啲彈牙咁🥩京都勝牛雙味套餐｜$198呢款套餐可以一次過食到兩款牛排😋一款係菲力牛，另一款係翼板牛菲力牛排炸到5成熟左右，口感非常軟嫩😍完全做到入口即溶既感覺，小編一試著迷而翼板牛就5-7成熟，口感相對彈牙，肉質都軟嫩，但菲力力更佳🤤⭐️如果覺得牛排太生，都可以要求要鐵板自己加熱再燒一燒先食架😋套餐仲包含非常多種配料，其中玫瑰鹽、松露鹽、招牌牛排醬同炸牛排最夾，玫瑰鹽同松露鹽都可以調起牛排既味道，而招牌牛排醬味道都相對清新，唔會過分蓋過牛味，而當中仲有日式咖喱醬，但個人覺得咖喱既味道太突出🤧⭐️食咁多油膩野，當然套餐都有麵豉湯同沙律中和下啦～沙律仲可以自己揀落柚子醋定胡麻醬，兩款都落曬又得🍲和牛壽喜燒套餐｜$188又係豬生既至愛呀

💫又一間日本人氣過江龍登陸香港啦😝曾經係日本都有食過呢間京都勝牛，係當地都幾出名❤️實在太耐冇得去旅行啦，難得黎左香港，當然要去回味下啦🥰當日假期12點左右入座，唔使排隊，好開心呀呢個係翼板牛，個粉炸到好薄好香脆，𥚃面嘅肉好嫩滑，牛味都足夠，好味😋呢個有翼板牛及菲力牛，翼板牛肉質嫩滑d，而菲力牛肉質有咬口d, 牛味更重d⭐️套餐跟一碗飯，麵豉湯，沙律及漬物。 飯係一般麥飯，食落腍身少少黏口。 麵豉湯飲落唔算咸，都ok，沙律幾新鮮，可以自己加柚子醋或者麻醬。 漬物食落酸酸甜甜，開胃菜。 呢度既麵豉湯，沙律，飯都係無限追加🤣醬料有山椒鹽，牛扒汁，鰹魚昆布汁，咖喱汁，Wasabi。山椒鹽可以突出牛肉既鮮味，牛扒汁令牛肉更加濃郁惹味👍🏻鰹魚昆布汁味道淡d, 咖喱醬略嫌蓋過牛肉嘅味道。個人覺覺得呢個牛加少少wasabi點少少山椒鹽加牛扒汁係最好味嘅😋⭐️上餐時職員都好詳細咁介紹個食法，同埋講埋邊d可以任食，服務幾好，座位都幾舒服，個人覺得呢個吉列牛食落完全唔油膩，個人比較推介元祖炸中牛排套餐，好味又抵食🤗🗒如果想一邊食一邊有鐵板煎黎食，可以落單時remarked 唔好炸咁熟😊當日我就冇玩

🐮港島食到篤— 京都勝牛✨ 難怪咁多人去食😍#90cp銅鑼灣篇 #90cp日本篇➖➖➖➖➖呢間近期非常之火紅嘅吉列牛🐮🔥 一早已經見好多人介紹過bookmark埋 但係都未有時間試 近排真係太忙🥲 早幾日夜晚咁啱經過銅鑼灣居然冇人排😎 終於試咗!!美味指數 😋: ⭐️⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨ 京都勝牛雙味套餐 $198呢個set包左兩個部位 包括菲力 (Tenderloin) 同埋翼板 (Chunk Flop)🤩 翼板嘅牛味比較重 口感幾好 咬落去好實在但係又唔會好韌🥰 相反菲力牛味冇咁重 除此之外佢嘅口感比較軟身 相對冇翼板咁好咬口🙈 個人比較鍾意翼板呢種有咬口又有牛味嘅牛多啲😍 (雖然兩隻都唔差!!) 另外佢都提供左四隻汁 分別係牛肉汁 椒鹽 柚子昆布汁 同咖喱汁🙌🏻 最正唔使講一定係牛肉汁!! 佢同個牛本身好夾 係最出色嘅😎另外跟餐都有一碗飯 麵豉湯 同埋沙律菜 全部都可以任添㗎😌 包保你一定食得飽😏 佢個沙律菜配加咗沙律醬同埋醋之後真係食上癮!! 忍唔住添左兩次😂

//< 京都勝牛 >🐤小編之前想去食點知排唔到，今次竟然係🐷小編食到！平日2點到唔洗排隊🤪 平日lunch有set不過今次小編全部都係散叫～雖然係散叫但係都係包曬任添既湯、椰菜沙律同麥飯😝—————————————————- 京都勝牛雙味套餐 $198 -呢個牛雙味包括左翼板牛同菲力牛～ 上到黎生熟程度岩岩好！不過影陣相已經唔熱🤣 有需要可以向店員比爐自己再燒🔥小編同朋友都覺得菲力牛滑d嫩d好食d~而翼板牛則肉味濃郁一d🐂 呢個包左幾款調味醬汁，包括咖喱醬、醬油、招牌牛扒醬同山椒鹽～ 大家可以隨意搭配揀自己鍾意既😀—————————————————- 名物味噌里脊豬排套餐 $138 -豚肉有驚喜！外皮非常鬆化，裡面既豚肉非常嫩，特別鍾意淋左係豚肉度既味噌汁😝不過佢個皮同肉會分開🤣 呢個仲配上一個醬汁，都夾既😆—————————————————整體覺得都好食，但係又不至於驚艷～ 過江龍又未去過日本🇯🇵食呢間就試下啦🤣—————————————————評分：7.4/10地址：銅鑼灣謝斐道535號Tower535地庫 B01號舖營業時間：星期一至日12:00-22:00#京都

唉！好掛住日本呀！之前去日本都會食吉列牛，唔好問點解，因為我鍾意食，而且日本食又平又好味！呢間京都勝牛唔係開左好耐，之前我驚新開要排隊所以就無即刻去，今次平日去，過左lunch time唔洗排隊，幾好😂🔸京都勝牛雙味套餐有菲力牛同板翼牛，另外仲加左錢要個小食同飲品，我覺得菲力牛比較淋身，翼板牛有少少根，嫌太生可以用鐵板加熱，整體未去到好差但唔覺得話好驚艷，無令我好有回頭嘅感覺，同埋d飯我覺得濕左d。(麵豉湯、椰菜絲同飯都可以免費添加。)🔸炸特選大海老夠大隻但唔夠彈牙，有輕微梅梅地嘅感覺。🔸白桃蒟蒻冰茶0特別，無乜白桃味，冰茶一杯咁，話係蒟蒻但我覺得講話係椰果更好。總括而言所有野我都覺得只係緊緊合格咁，同係日本比較真係好大出入🥲