羅東肉焿番

营业中

休息中

呢間台式料理喺元朗都略有名氣，今日就同朋友嚟咗試吓～餐牌都幾多選擇，我哋叫咗幾樣嘢一齊share～👅肉鬆芋泥吐司超級大份超爆餡😵 賣相好得！💯外層吐司香脆，芋泥綿密，加埋台灣口感好鬆化既肉鬆，鹹鹹甜甜幾好食😋👅仙草芋圓二號超大碗勁抵食😮三色芋圓口感尚算煙韌，仙草好滑，大熱天時真係好需要食下🥵👅鹽酥花枝丸魯肉飯花枝丸炸得香脆一啲都唔油膩，裏面食到一粒粒花枝口感，非常唔錯😋魯肉係偏淡色偏淡味果種，個人嚟講鍾意醬油味重啲😅 滷蛋蛋黃仲呈現少少流心狀態👍幾抵食，性價比不俗😀

以前未搬入元朗嗰陣都嚟過呢間台灣菜食嘢，反而搬入元朗之後就成日去其他地區食😅今日朋友專登係九龍入嚟探我，佢話想試吓呢間，我當然唔會拒絕啦😂❤️梅甘地瓜條呢樣可選係我食台灣菜必點😌外層香脆裏面香甜，加埋話梅粉可以減輕炸物既油膩，完美😋❤️仙草芋圓二號呢樣就係朋友嘅必點，佢係一個仙草芋圓精🫣芋圓口感煙韌，海藻水晶爽滑，朋友食得好滿足😂⭐️鹽酥一口雞魯肉乾拌麵雞肉香脆，肉質唔算好嫩滑，魯肉肥瘦均勻，帶好輕微嘅辣度幾惹味拌麵唔會太乾，口感算彈牙👍

已訪小店兩次，鋪面細細但門口好多人等位同外賣，證明佢應該實力雄厚啦😆「仙草芋圓2號」($35) ，隻碗唔係好大但裝滿晒好足料，三色芋圓有成10幾粒🍡包括芋圓、番薯圓、紫薯圓，每粒都煙韌，同時有少少原材料粉溶粒粒口感，唔會只食到一團粉🌝仙草凍L得有彈性，有清淡嘅涼茶味🌿「芋泥流心芝士吐司」($40) 🍞🍠唔係純粹打卡得個樣，味道非常OK😋芋泥料多實在，配芝士鹹甜口味，芋頭控必點💗「魯肉飯套餐」($67) 價位經濟，配綜合魚丸湯、大魯肉飯、冬瓜茶，魚丸香Q彈牙，有魚漿鮮味，上次嚟食過肉羹湯亦好食👍🏻 魯肉飯飯量好多，男士都夠飽，食埋芋圓飽上心🫀店員態度良好，冷氣夠，唔使坐到流晒汗❄️話說見到做緊$49台式甜品放題，任食60分鐘(星期一至五12:00-16:30)，啱晒心大心細嘅人一次試多幾款！搵日去🤩

偶爾去一次元朗，將搵美食既重任交左朋友，又問埋半個元朗人既朋友，佢地2個不約而同都係send呢間台式餐廳我🤔，睇黎個天都要我去試下😂。下晝3點幾去到有幾個人已經等緊位，好彩店家2個舖位連住所以容納得多啲人又唔算等好耐。等緊嗰時已經諗埋食咩，坐低落order大約10min黎齊野食👍🏻。🔅仙草芋圓2號 ($35)有10粒三色芋圓、小芋圓同埋海藻水晶，$40蚊有找都抵食。芋圓幾彈牙，芋頭圓都咬到有芋粒。唔好睇小小芋圓，雖然細粒但都有咬口🥰。海藻水晶好特別，之前大鄉里未食過😂，原來咁彈牙😍，似寒天既口感。整體又唔會好甜，幾滿意。🔅乾拌麵 ($41)麵條頗彈牙，有少少肉同埋豆卜絲，加埋醬汁撈唔算好dry，不過唔太食得出辣味，如果可以辣少少就好😂。Staff主動問使唔使走芫茜走辣好貼心😆。🔅鹽酥天使大雞排 ($49)本身諗住乾拌麵比較dry所以叫埋雞扒試下。見$50塊雞扒都幾期待，不過食落真係一般般…一來太油，二來炸粉都比較厚，加上雞扒本身都扁身，所以食落其實唔多肉，一半都係炸粉，所以都幾失望😢。🔅梅甘地瓜條 ($33)地瓜條份量都唔算少，炸得好香脆，不過如果梅粉灑得平均啲就好…同埋有少少好奇係打

間台灣菜已經食過2-3次，差不多每次去元朗都想去探下佢，不過每次都要等好耐......呢日朋友們都想食，唯有又去等下......好彩30分鐘左右就入得啦。以下係我地叫嘅野食︰肉焿湯米粉 ($48)我地加左芫荽同辣醬。個湯口感同碗仔翅差唔多，不過入面材料少啲，有筍絲同幾塊肉丸，米粉份量都幾多。加左辣醬後都幾惹味，酸酸哋辣辣哋。鹽酥一口雞魯肉飯 ($56)碗魯肉飯好大碗，2-3人分享都可以。而且魯肉處理得唔錯，入口好香。飯下面有啲肉汁，可以用黎餸飯，唔會咁單調。炸粉略嫌厚左少少，不過雞肉炸得恰到好處，好嫩滑。台灣士林香腸(伴自家製蒜蓉醬) ($33)！！！友人好中意食呢個小食！特別係個蒜蓉醬，佢地話超香，同香腸一齊食好夾，中和左白腸嘅甜味！而且士林香腸都過香煎再切件，表面好香脆!酥炸甜不辣 ($33)我好中意食甜不辣，因為口感好煙韌。呢個甜不辣因為炸過，所以表面會硬少少，不過都好食。甜品方面叫左仙草芋圓2號 ($35)雖然睇落唔係好大碗，但好足料！下面唔係冰同水，係成碗仙草，而且每款材料都好多。三色芋圓同小丸子都好煙韌有咬口，仙草係無甜味嘅，剛好可以中和較甜嘅糖水。

呢排見好多人都食肉鬆芋泥吐司，好似好好食甘，知道元朗有得食。今日過開黎元朗，冇理由唔去食既。星期日未到七點就去到，都要等左陣先有位。我地叫左1號招牌羅東肉焿湯餐，肉鬆芋泥吐司同仙草芋圓2號。羅東肉焿湯餐有碗魯肉飯，食落唔肥膩，但成碗飯唔熱既，雖然味道可以。羅東肉焿湯我地唔係好識欣賞，係我地唔好有茨既湯，舊肉口感係結實既豬肉，而且又係唔熱既。套餐有跟野飲，要左熱冬瓜茶，好濃冬瓜味，但係偏甜。肉鬆芋泥吐司冇令我失望。芋泥幼滑帶甜味，估唔到肉鬆可以同吐司一齊食，幾夾。我略嫌芋泥份量偏少，再多d好d。仙草芋圓2號好足料，有仙草，三色芋圓，白色小丸子同海藻水晶，不過不失，但好抵食。

旅行成癮嘅香港人，多得林奠，呢排乜癮都冇，度度都以武漢之名買香港怕，去個台灣都驚俾人歧視。咁點？好在香港假假地都叫美食天堂，去台灣餐廳食當去咗旅行囉（畀啲想像力）嚟到台灣，唔係唔啦個魯肉飯嘛？溏心蛋真係半粒攞你命，入口即溶蛋味濃呢碗名叫肉焿湯嘅液體，大胃從未食過，入面有大大塊肉，湯呢就結結地似碗仔翅鹽酥雞唔易整得好食㗎，但佢煮得又爽又彈牙士林名食香腸，又甜又有肉香，加上蒜汁，一絕估唔到拌麵係有啲辣，不過增添刺激仲有湯肉丸隨餐附送，三粒都好大粒㗎跟餐有杯高山茶送，回盪之甘，好易想像自己去咗阿里山好喇，嚟到旅程尾聲，甜品一定係仙草芋圓，真係好Q彈，連白玉都又綿又彈

是日一行4人黎到食甜品，朋友之前食過，所以極力推薦呢間，果然冇令我地失望。去到都唔洗等，直接有位坐。睇左陣餐牌叫左兩份芋見紫薯吐司，一份雪糕綜合芋圓，一份仙草芋圓2號，我自己就點左仙草芋圓3號。朋友們既芋圓仙草同我差唔多味，只係有啲配料唔同姐。呢個芋見紫薯吐司，我忍唔住試左啖，超級爆餡，芋頭紫薯味超濃又唔會太甜，果吐司夠脆，好食。到我自己食既仙草芋圓3號，有仙草凍，有黑白珍珠，有芋圓同埋我最愛既爆珠，仙草凍係有甜味唔會苦，黑白珍珠好彈牙，芋圓好足料好香，有啲仲食到芋頭粒，最正就係啲爆珠，咬落去果下真係好爽，令成碗野果口感層次更豐富。整體黎講，食物質素高，服務唔錯，雖然唔係主打甜品，仲有唔少鹹既台灣野食，但都係忍唔住叫哂甜品黎食。

因為工作關係突然入咗元朗食晚飯見到依間遠近馳名嘅小店二話不說就入去試吓佢哋嘅台灣美食首先叫咗一個2號套餐有撈面 同3粒丸坦白講個面真係幾好味肉丸都爽口彈牙我仲忍唔住連湯都飲晒其實最吸引我嘅係呢度嘅吐司不過可能我叫錯左 同埋始終佢嘅麵包太厚 會有三份一部份係得麵包唔算好好味之後叫左2號芋圓 好出色 同好有名既鮮芋仙有得比特別中意白色小丸子會繼續支持小店

經過門口就是被芋泥吐司的相片吸引，入到門口第一句就問這款吐司賣完了沒有？台灣人常常會以芋頭作食材，但香港新鮮的真的比較少有，對於我這個芋頭控來說，簡直如獲至寶！掙扎了很久最後選了肉鬆芋泥。看到真身果然沒有令人失望，賣相跟相片一樣吸睛！厚厚的芋泥溶跟肉鬆就快把麵包撐爆～新鮮的芋泥口感軟柔滑綿密，味道天然而不會太甜。肉鬆鹹脆，跟芋泥口感完全不同，兩者混在一起口感多層次。略嫌吐司有點過硬，如軟一點會更正！除了吐司，這裏還有芋圓糖水，點了個仙草芋圓2號，有仙草、三色芋圓、白色小丸子及海藻水晶。香港吃芋圓比台灣貴很多，坊間一碗芋圓糖水配料通常寥寥可數，但這裏卻材料滿滿～芋圓有咬，口吃到淡淡的原材料味道。小丸子煙煙韌韌，跟微甜、滑嘟嘟的仙草同吃，立即冰涼透心。還沒有試這裏主打的肉焿湯，可惜一次真的吃不到太多東西，下次要再來試試！

經過呢間鋪就多,好多時去yoho mall都會經過,之但系食又真系未食過既見社交網絡有距既新聞:原來呢排做緊甜品放題喜歡食甜點既我又點會放棄呢個機會先早早已經同男友約定去食任食甜品放題資料:星期一至五下午兩點至五點九($48@/45分鐘)大小同價加$20可追加小食一款去到既時候三點鐘 等左45分鐘後入座正值夏天,其實都等得幾辛苦真系大汗滴小汗架吳知系咪因爲有左呢個放題所以連平日都要等(理申:其實以前真系吳覺有咁多人食)(生意認真多左呢!!)第一次點每人可以系紅色橙色紫色格仔三格入面任選一款 其實咁都已經好多之後就可以再按自己喜好加單可惜當日沒有冬瓜茶而轉左豆漿而男友就覺得有啲怪味 而我都覺有少少怪既不過見其他人就無咩問題咁照飲可能同我地飲開既豆漿有吳同 我地飲吳慣掛同埋覺得夏天配冬瓜茶成件事會開心啲黑糖珍珠吐司呢個簡直系我既至愛滿滿既珍珠已經令我流哂口水多到要用匙羮筆黎食因為有黑糖汁既關係掛左系個包令到個包都好好食黑白珍珠都有夠Q彈煙煙韌韌的好評系比呢個吐司的燒麻糬有四隻味朱古力芝麻花生紫薯味道都還可以既就我地而言距比較偏淋身我同男友都好鐘意食麻糬所以對距地既要求會高啲麻糬都系煙韌先好

今日又嚟發掘下元朗一D小店美食，行經呢間係食台式野又有最愛嘅芋圓，就入去試下😋★★★★魯肉飯(小)配半隻糖心蛋 $25雖然係細份但份量都足夠魯肉有肥有瘦又多汁，又夠多撈得晒成碗飯～！🤤每粒飯都吸到魯肉汁夠濃夠入味，糖心蛋亦煮得恰到好處★★★★仙草芋圓2號 $34睇落好豐富有好多唔同材料，我揀咗＜三色芋圓﹑白色小丸子﹑海藻水晶＞芋圓唔太重麵粉，不過可以再彈牙D就更好仙草﹑水晶等都OK好食好口感，糖水底清清甜甜咁唔會好漏，整體嚟講都抵食羅東肉焿番整體評分★★★★地理環境★★★★係雞地最多餐廳果條街，都易搵應該主要做元朗人生意店舖係台式小店格局，幾乾淨企理服務★★★★★員工友善有禮，會好貼心問糖水需否後上☺️食物★★★★味道份量都不錯，下次可以試大份魯肉飯價格★★★★★抵食又足料！淨係平時食糖水都多一個選擇😆

小店位於元朗，是一間台灣地道小食店，當中的肉焿湯更是店內的招牌美食。小店面積不算大，木枱椅簡單潔淨。食品方面，除了肉焿外，還有粉、麵、飯，小吃、甜品、台式茶飲等，價錢十分實惠。肉焿湯飯 （$36）👍👍👍👍肉焿湯底是用新鮮豬骨熬煮而成，加入筍絲等配料，最後勾芡成為濃稠的肉焿湯。焿肉是以豬肉手工切成，加入魚漿再用手工揉製，肉質爽口彈牙。肉湯加入香菜，台灣甜辣椒醬、蒜蓉醬、烏醋等，吃的時候還可以加入香油，味道有點酸中帶辣，感覺有點似港式碗仔翅與上海酸辣湯的混合體。加入白飯就成為一個既飽肚又美味的肉焿湯飯。1 號套餐（$66）👍👍👍👍套餐組合包括：羅東肉焿湯，魯肉飯配半隻糖心蛋和古早冬瓜茶。肉焿湯與上述的一樣，但不同在於配了一碗魯肉飯配糖心蛋。香濃的魯肉配合白飯，味道甘香惹味，魯肉飯還配有半隻糖心蛋。套餐配有冬瓜茶，但加錢可以轉其他飲料，我們加$3轉了阿里山烏龍茶。仙草芋圓2號 （$33）👍👍👍👍👍這碗仙草芋圓㡳部先放入仙草，還有三色芋圓，白色小丸子和海藻水晶。甜度剛好，不會過甜，仙草嫩滑，芋圓爽弾，小丸子粉糯，海藻水晶爽脆晶瑩，整個組合很配而且份量都幾多。門面內在環境餐牌