古法烘焙 (已結業)

之前已經聽同事講過古法烘焙的雞蛋仔有幾好味，但因為太遠，所以一直沒有機會去試。今次同事帶了低糖馬仔和黑糖馬仔比我地做下午茶，yeah！黑糖馬仔，顏色較深，少少脆，又帶點煙韌，不會像傳統馬仔般成手油和黏手的情況，感覺較健康，但可惜是蛋香味不突出。低糖馬仔真的不錯，甜度減了一半，但用上的麥芽糖甜味較輕柔，質地與黑糖馬仔相約，兩者相比較喜歡低糖馬仔。

第一次嚟古法烘焙試嘅產品喺佢啲特色雞蛋仔，見不少食友都讚啲雞蛋仔，而荃灣區都喺小弟常到嘅地方，無理由唔走過去試吓架，而嗰次已感受到佢老細Eric對做雞蛋仔嘅熱誠同用心；除雞蛋仔，仲見佢有唔少別出心裁嘅烘焙產品，所以第二次就喺陪老婆嚟買幾款盒裝特色酥餅，作為佢升職請同事食嘅賀禮；其後間中都有過嚟買啲酥餅作為小禮物，送俾啲相熟食友試試，今次再嚟，點都要為番次自己喇！路經古法烘焙，本想試番牛油楓葉批，事緣上次老婆買嚟請同事食，唔好意思一早拆開盒批，所以麻煩佢留番一塊俾小弟，點知拎晒返公司一塊都無剩番嚟，無緣一試。可惜，今次嚟到古法，都喺試唔到，仲要死咗條心，因為停產咗，細問之下，啲楓葉批全人手做，工序又較繁複，反而銷量一般般，結果咪唔再做囉，真可惜。咁見佢鋪面推出咗啲「回憶之味道」馬仔，共有兩款味：低糖、黑糖，一盒賣$20，兩盒賣$32，一於拎返公司跟同事當下午茶啦。低糖馬仔因為影啲食物相緣故，偶然見到佢成份裡其中一樣嘢幾特別，叫「苦蕎粉」，小弟才疏真喺唔知咩嚟，所以上網搵搵，原來喺海拔千多米高寒無污染地方所生長嘅苦蕎，經浸洗、脫殼、磨粉等精製而成，有五穀之王嘅稱號，跟小麥粉混和可以用嚟做唔