俺流塩らーめん (新都會廣場)

营业中

休息中

同朋友行緊新都會廣場既時候，比呢間夾起電梯中間既拉麵店吸引左！係咁開揚既環境底下，都有好多人排隊食。所以，我地都跟隊去食～黑蒜油熟成濃湯拉麵佢既賣相同餐牌都幾大分別。個蛋係成隻上，要自己分番一半。同埋岩岩一上菜，我仲以為佢冇比到叉燒我，點知係沉左麵底。得一塊叉燒，好在塊叉燒都好食。麵質我簡左軟，而湯底方面，好濃同時咸左Ｄ，如果佢可以淡番１、２度，咁就會最好啦！特製撈麵首先外貌係好吸引，尤其個蛋黃就非常吸晴了！同拉麵一樣，叉燒都係得一塊。而麵質比較粗身，撈起麵上黎特別易。而醬汁方面，都幾特別，好似日式同港式既醬料混合體，不愧係特製。整體黎講，都幾好食。

俺流由剛開業時嘅人氣長龍店到而家直行直入唔駛等位，可算係大起大落。人流少咗唔係冇原因嘅，重點係你會唔會聽？會唔會改！時隔半年，今日我又膽粗粗幫襯喇！男盛拉麵 - 聽個名都知道呢款拉麵係為壯男而設，份量一定有番咁上下！配料有叉燒兩片，唐揚炸雞兩件，原隻雞蛋一隻，仲有蔥、筍、海帶，真係份量十足！建議先食炸雞，因為浸响熱湯度好快就唔脆，炸雞醃得入味又唔太鹹，趁熱食仲好脆，肉質都幾嫰吓！叉燒keep 到水準，有肉味之餘又唔肥膩。雞蛋原隻上就唔怕「走黃」啦！至於湯底，今次揀咗辣鹽湯，第一次食都幾好，唔會死鹹同個麵都幾夾！特製撈麵 - 叉燒兩大塊，配特製醬汁 ＋ 蛋黃。麵質偏粗，撈麵吸醬一流。成個撈麵其實係幾好嘅，只係唔知點解個醬汁勁似XO醬，感覺非常港化小食方面就係一個伏位喇！玉子大阪燒 - 我以為係大阪燒加蛋，原來係原隻炸雞蛋配大阪燒汁加鰹魚碎，盛惠$22 明太子芝士燒餃子 - 餃子超迷你，芝士完全冇味，感覺似隔夜香口膠多啲，但都拉到少少絲嘅！明太子味道超鹹！成個餃子油膩感十足！總結，拉麵係有改善既，小食就有待改善喇！至於服務呢？仍保留香港特式，收嘢、抹枱、快啲走！

上網睇到葵芳有間賣鞋店搬遷大減價，於是新界人就約左港島之友一齊去新都會廣場大出血。正所謂贏人先要贏自己，出血都需要力氣，所以我地決定食飽左先，咁就㨂左呢間拉麵店，因為食拉麵可以速戰速決，快啲去達陣掃貨！落完電梯見到要排隊，好在唔駛等好耐啫（可能因為我訓晏左遲左出門口，去到都過左高峰嘅午飯時間😝）我地坐低左之後就睇下有咩食，本來以為呢間拉麵店同好多新界西嘅拉麵店一樣，只有拉麵食，點知原來唔只嘅，仲有啲小食可以配黎食下，最啱好鍾意試新野嘅我，因為可以叫多幾款share又唔會過份地飽。跟住我地就叫左一個期間限定拉麵同俺流特製撈麵，一個豆腐野菜沙律，明太子芝士餃子同埋玉子大板燒，一齊share黎食。落單嘅時候女侍應話期間限定拉麵已經賣晒，我朋友話想試下芝士辛辣濃湯拉麵，咁就改左辣拉麵。明太子芝士餃子係第一碟上枱，醬汁夠多好足夠，餃子喺上枱嘅時候仲有啲脆，加分！餃子嘅size係一口size,啱晒我地（特別係扮斯文口細細）女仔食。食完餃子啱啱好玉子大板燒就到啦！本來打算order一隻share黎食，咁啱玉子大板燒上枱嘅時候我朋友有電話要講，叫我食先，我先嘗試用筷子分一半，但隻筷子一吉入去，啲蛋黃就

每個月都要逛葵芳廣場的我，這天逛到累了後就找東西吃！以往都會在葵芳廣場內搞掂，但眼見旁邊的新都會大翻新，多了很多食肆，所以就決定過新都會找找有甚麼東西吃！在亂逛之下，就找到了這間俺流鹽.........佢個位置超搞笑，是在電梯之間！轉了一個圈就決定排隊，想不到星期五晚上也不算太多人，前面大概要等6-7張檯，在等的時候，可以先點餐（日本餐廳就是這樣) 等了大概15分鐘就可以入內了一人一個麵是必須的吧！我就選了清清地嘅柚子拉麵，而朋友就選了特制撈麵，軟硬度嗰d是基本嘢，最值得一提的是佢可以走筍！像我這種討厭筍嘅人，走到就當然好！清清地，幾好！量都幾多，食唔哂朋友說味偏淡～有蛋要加分我們另外也叫了小食share我個麵旁邊的是玉子大阪燒，味道是大阪燒，內容卻是蛋有創意，都幾好食另一個有豆腐的是豆腐野菜沙律，一黎到，我不禁大叫，哇咁大份嘅！！佢有小小辣，味道就一般，沒有特別。之後就到我覺得最好食嘅明太子芝士燒餃子唔洗講，明太子加芝士已經抗拒唔到！佢個餃子係一口一隻，啱嘅我地啦佢個cheese好正最後，我地仲叫咗個菜。柚子椰菜估唔到又幾好味就係咁，埋單$375 （我地有叫飲品又加叉燒）都算幾抵食啊