洪記潮州滷味

营业中

休息中

轉咗新工開始忙咗，好多時候都貪方便外賣返屋企，最近又買咗土瓜灣嘅洪記潮州滷味，作為晚餐非常值得推介。我叫咗鵝片豬脷飯，另外加咗一件健康豆腐、蒜蓉炒白菜，隨餐仲附送老火湯。老火湯用咗瘦肉煲，仲有蘿蔔同冬瓜。蒜蓉炒菜心好好食，蒜味好濃，菜又爽口，好啱撈飯食。健康豆腐即叫即整，啲皮炸到金黃色，好吸引。豆腐好香口，有啲椒鹽，每啖都品嚐到濃郁嘅豆香。鵝片豬脷飯加咗榨菜同鹵水豆腐做配菜，榨菜惹味又開胃。鵝片夠入味，鵝肉味重，仲可以點附送嘅米醋一齊食。而豬脷就夠稔身，整體水準好高。雙拼飯份量好多，食唔曬留返第二日再食，而且整返熱都仲保持到水準，非常抵玩。

好耐冇食潮州野，今晚決定外賣加餸😆😆呢間位於土瓜灣嘅洪記潮州滷味，地點非常便利，土瓜灣站一出行幾分鐘就到啦👍🏻點好野食，師傅展現刀工，排得靚靚，再淋上滷水汁，哇果一下好正呀（請睇片😍😍）亮晶晶既感覺😚😚🔸滷水鴨半隻 $70▪️面頭既鴨片啖啖肉，滷得好入味，滷水味鹹甜適中👍🏻 鴨件肉嫩，肥瘦適中👍🏻 我地一件又一件食唔停口😂😂😋 🔸鵝肝 $30▪️$30 咁多件😍😍鵝肝唔係周圍都買到㗎😀😀今次見到有，所以即刻叫咗黎試吓😚鵝肝有口感，肥美厚實👍🏻 🔸健康豆腐 $10 ▪️好味😋豆腐嫩滑，加埋滷水汁食好正🤤🤤🔸滷水蛋 $5▪️滷得好入味👍🏻👍🏻買完成盒又大又重，攞到我都攰攰地😂😂何等既性價比👍🏻👍🏻哥哥包裝得好好，細心提我返到屋企要打開蓋透透氣，如果唔係個豆腐就會唔好食😁非常推介大家去試下💕💕

土瓜灣成日都會有一啲令人驚喜嘅餐廳，今日就去咗一間食滷味嘅小店買晚餐嘅外賣。我叫咗一個滷水鵝飯，隨餐附送例湯，有紅蘿蔔南北杏做材料滋潤一下。滷水製品通常都會偏鹹，呢間餐廳嘅味道就啱啱好，食得多滷水味之餘又唔會覺得唔健康。$50一個飯，絕對值回票價，因為份量都大，仲有少少配菜同豆腐。滷水鵝分量十足，肥瘦適中而且皮夠薄，食落去啖啖肉。配菜鹹鹹酸酸，適合撈飯一齊食。因為我屋企都好鍾意食潮州嘢嘅關係，除咗自己嘅餓肉飯之外，仲特別加料嗌咗鵝肝同埋豆腐一齊分享。因為唔知道有咁多件豆腐，最後叫咗兩份健康豆腐，好似有啲多，好彩豆腐夠健康唔怕食多啲。鵝肝非常之肥美厚實，四個人食都好足夠。鵝味濃之餘冇法式鵝肝咁油膩，而且有酸醋汁中和一下油膩感。