碗盛 (已結業)

✨腐皮蟹子沙律💰68💫評分: 9/10📝呢個combination第一次食🤣，腐皮好似隻船包住涼浸浸嘅蟹子沙律，蟹子沙律好新鮮，青瓜絲爽口，滿滿嘅蟹子同蟹柳，切得好幼細，食落又甜又爽，幸福嘅味道😋✨免治雞肉棒 💰40💫評分: 7.4/10📝雞肉棒啲肉打碎做到好似漢堡扒嘅口感，比平時食嘅厚身啲，外表煎到微脆，搭配雞蛋一齊食 ✨大蔥五花腩 💰36💫評分: 7.9/10📝大蔥同五花腩依個搭配就會令到我想叫黎食😋五花腩肉質肥美可口🥳✨厚燒牛舌💰68💫評分: 8/10📝幾厚切嘅牛舌，有咬口同有牛味 ✨燒白鱔 💰78💫評分: 7.8/10📝皮燒得外脆內軟，食到有魚香唔會腥✨煙肉廣島蠔串 💰48💫評分: 8.7/10📝煙肉🥓香脆，蠔🦪鮮甜嫩滑，蠔被煙肉包住再去燒，可以減去煙肉嘅油膩感 ✨明太子雞肉串💰32💫評分: 8.2/10📝滿滿嘅明太子喺juicy嘅雞肉上✨炸蝦天婦羅 💰98💫評分: 7.7/10📝炸得香脆唔會好厚粉， 蝦都彈牙 ✨豚角煮💰78💫評分: 7.5/10📝醬汁有少少咸但配埋飯食就啱啱好，豚肉炆夠腍同入味，一層層好邪惡，入口即溶😋，仲有芥末點，同埋有一隻流心溏心蛋🥳✨明太子牛油撈飯💰2

麻醬棒棒雞沙律($68)，醒胃前菜，酸酸甜甜既麻醬混合於青瓜之中，好清新既口感，而且放入左雞絲食落就唔會咁"寡"。免治雞肉棒($40)，雞肉唔會完全剁得好碎，帶少少粒狀，咬落就可以更有口感，而蛋汁有錦上添花作用，令雞肉更加滑身。牛小排配蘿蔔蓉醋($45)，牛肉容易咬開，肉質好嫩，每一口都有香噴噴既黑椒味散發出。燒白鱔($78)，肉質軟綿綿，魚皮燒至脆口，兩者一齊食口感層次豐富，同樣帶有黑椒味道。鵪鶉蛋($22)，店鋪係用自家調製既醬汁再搽上鵪鶉蛋，味道好突出。紫蘇梅醬雞肉串($32)，哩款食物同樣可以令人有開胃既感覺，因為梅醬酸尾尾，雞肉有肉汁唔乾身。紫蘇芥茉豬五花腩($38)，燒完之後，肉汁難免會流失少少水分，但五花腩有油脂，可以中和返，而且原來配合芥茉醬味道都幾夾。炸雞軟骨($68)，每粒都好爽脆，佐口小食一流，如果店家調製出一款配合炸雞軟骨既醬汁就更加一流。雜錦天婦羅($108)，有炸蝦、茄子、蕃薯、南瓜、冬菇，每款各2件，我個人覺得最好食係炸蝦和茄子，蝦肉有彈牙口感，茄子就咬落先經過外層酥脆既炸漿，之後會食到茄子既軟腍，一脆一軟口感豐富。火灸牛小排拉麵($118)，選左黑蒜油豬

可能你會懷疑點解日本人每餐飯都會用到咁多碗碟，仲要唔同大細、花紋、就連筷子托亦都好講究。對比香港人黎講，一隻碗一對筷子走天下啦，呢種咁極緻、對美感既追求，認真值得我地去學習。於是今晚就係天后新開既居酒屋「碗盛」，真正感受日本料理文化，自然成為人生贏家，呢鋪仲勁過吳亦凡呀！👇📌お 酒 - ▪️ さ け · Combo Set - $180▫️ 一開波緊係飲返兩杯醒下先啦，呢個「清酒·三連貫」分別有唔同口味既3 shot 100ml Sake，味道由淺到濃開始飲。第一款staff推介由「神藏」開始，呢隻入口偏甜，味道輕身，果香非常突出；第二款「望」性質中性，味道亦屬於甜身少少，好適合送前菜、沙律呢類冷盤；最後「雁木」係最辛口，最爽身既一種，連埋串燒濃味既野食，相對係最夾，整體我覺得係幾抵飲，值得推介。📌先 付 け -▪️ 沖縄 · もずく漬 - ▪️ ごま棒棒鶏 · サラダ -▫️ 前菜方面我覺得佢地幾有心思，好似「沖繩·水雲漬」呢類平時居酒屋好少有得嗌，水雲其實係日式髮菜，配搭醋漬食落特別開胃，而且可以降低膽固醇，對腸胃好有益tim；而「麻醬棒棒雞·沙律」份量十足，每一款雞柳肉質嫩滑，配搭大量胡麻

銅鑼灣/天后清風街有唔少好嘢食，今日我就同朋友去咗新開無耐，好高人氣嘅碗盛。碗盛喺一間日式居酒屋，有卡座、單邊位，仲有塌塌米箱房。座位間距寬敞，而且燈光柔和，氣氛格調真係好啱約埋三五知己把酒談心。去得居酒屋，就當然會飲下清酒啦。碗盛就做緊期間限定嘅清酒Combo set，$188有3 shot 100ml 嘅清酒。碗盛分別揀咗神藏、望、同雁木依三款清酒。神藏：味道甜，果香濃。食嘢前同配枝豆、水雲漬都好合適。望：都係一款甜味嘅清酒。配合前菜、沙律或者冷盤都唔錯。雁木：屬於辛口嘅清酒，相對爽身。建議配搭串燒、炸物等比較濃味嘅食物。沖繩水雲漬，水雲係一種海藻，擁有獨特的黏滑口感。 而沖繩水雲較肥厚口感佳，低卡路里，配搭薑蓉食用，味道清爽。炒枝豆，絕對係佐酒小食。碗盛用咗黑蒜油同牛油炒，令枝豆味更加香濃可口。雜錦天婦羅，日本料理炸物之中最喜愛嘅食物嚟。雜錦天婦羅有海蝦、茄子、蕃薯、香菇。炸漿夠薄夠脆。配合清酒飲十分之正。去得居酒屋，當然要食串燒，燒白鱔、紫蘇芥末豬五花腩、雞頸肉、都係我個人推介。而另一款推介就係免治雞肉棒，配合月見蛋醬油，當當惹味。去日本食嘢，去完居酒屋飲飽食醉後，通常會去埋拉