Homeland (牡丹大廈) (已搬遷) 新店位置

嚟到 #大角咀 #懲罰 搵到呢間 homeland一入門口staff 好好禮貌 👍🏻#午市套餐 12:00-16:00 奉送 #田園沙律🥗 A5 #冬蔭公海蝦闊條麵 $118上枱賣相唔錯 而且好香冬蔭公味不過食落口唔會好辣 帶有冬蔭公嘅少少酸味加好微微辣 即使弱雞雞唔食得辣嘅我都完全冇問題😉 而且好開胃😋至於 #手工意粉 絕對係 #自家製 因為真係口感比較粗糙 唔係機製嘅咁滑🤣而且亦都相對厚身啲 但就好掛汁所以食手工意粉通常都唔多汁 而且個汁會杰身啲 鐘意酸啲嘅可再加啲青檸汁 會更出泰式果種酸味🤤上面灑有芝士粉 可以選擇撈混食 但會相對地heavy 咗🦐海蝦around 有4-5隻 不過唔算好大隻 但合理#coffeeholic 嘅我 選擇咗散叫 #icedamericano 只可說 佢地嘅主打係手工意粉 唔係飲品🤣更唔係咖啡Service 方面好好 坐好耐都唔會催你走～ Staff 好有禮貌 好nice🥰

💛二訪呢間良心西餐廳 上次係大埔食完 先發現大角咀都有 方便好多 同大埔一樣 門面招牌都係好色彩繽紛 好吸引🍖香煎西班牙伊比利亞豬肩肉 $148豬肩肉好厚身 有得揀9成或者全熟 我揀左9成 豬肩肉仍然鎖住內裡嘅肉汁 食落好嫩滑唔韌底下嘅牛油薯蓉好滑好濃🍝冬蔭公海蝦闊條麵 $128擺盤好靚 意粉卷得好靚 手工闊條麵好有咬口冬蔭公意粉第一次食 好香濃蝦好爽口香草牛油蒜香焗田螺 $88牛油薯蓉好香 田螺焗到好腍 好惹味🍰全素拖肥芝士餅 $48呢間餐廳設有生酮餐單 亦有素食之選 想無咁肥有可以食甜品 就揀左呢個全素芝士餅芝士餅好滑 拖肥味好香🧋榛子奶蓋美祿 $48奶蓋帶有咸香味 不過如過美褖味重d就更好💛餐廳牆身有好多搞笑嘅畫 環境靚之餘 會二訪就當然食物質素有保證 值得大家多多支持

之前食過大埔分店，已經知佢長期爆滿，估唔到係大角咀呢啲無咁旺嘅區依然咁受歡迎，就算係平日夜晚 (非星期五）都係全場爆滿🙈 建議想試嘅朋友最好 book 定位～青水欖辣沙甸魚開邊多士 ($68)我地揀咗呢個多士做前菜，雖然話係辣沙甸魚，但食落都唔太辣都 ok 丫，配料質感清爽，整體口感都幾豐富～冬蔭公海蝦闊條麵 ($118)呢個係佢地嘅手工意粉系列，闊條麵口感都幾特別，帶輕微煙韌感，好掛汁😋 冬蔭公味唔係話好濃但已經足夠，海蝦份量都唔少，唔錯～慢煮秘制燴羊膝 ($148)大愛呢個燴羊膝啊，肉質軟腍，超輕易就離到骨～ 燜得幾入味又唔會話好重羊膻味，連好怕羊膻味嘅朋友都話 ok ☺️ 佢嘅蔬菜仲有微微嘅甜味，好解膩～整體嚟講食物質素都幾好，係餐廳舖面無大埔分店咁大，所以枱與枱之間嘅距離都幾近，剛好係一個側身嘅身位，所以都有啲嘈😂😂

放工又同男朋友去覓食，見到老掌櫃搬左新鋪，呢到開左一間新野，門口d燈好eye-catching，就入黎try try佢。我地6:30黎到，無咩人，一入到去staff會好細心比個密實袋你袋口罩同埋提你用餐時間90分鐘。 入面既裝修充滿住黃氣，牆上面掛住一幅幅呢一世都唔會令香港人忘記既畫面！仲提住我地時刻要STAY TRUE💛誠意之作，連粒青檸都燒過😂，蝦夠爽，意粉係佢地自己手打，口感比較扎實，都幾辣下男朋友要食肉，叫左塊扒黎鋸，望落雖然細塊但幾厚身，肉味夠濃，配埋佢個汁酸酸MAY MAY幾醒神開胃。所有配菜都燒過，唔係白烚，個薯蓉係佢地自家製，超香牛奶/牛油味呢個甜品唔可以錯過，係金莎+ Nutella 既混合體$38抵食！仲送左佢地特製既菠蘿雪葩，好似平時打完邊爐送個杯沙冰咁😂大球D會開心D囉😆去到7點半已經坐場爆滿! 大佬，星期一平日咋喎！真係唔可以睇少香港人既威力💪🏻下次再同同事黎食lunch撐爆佢💛