阿叔泰麵 (西菁街) (已結業)

有一日揸車入嚟元朗，就睇下食咩黃店好，發現離大街遠小小有間黃店。泊好車，向餐廳方向行，經過幾間車房，正當唔覺有餐廳，就見到一個低調簡約有不失美感嘅門面，仲有少少悠閒度假風情，一開門，就被餐廳嘅油畫所吸引，同初初係門口嘅感覺又有少少唔同，有種同外面世界隔絕嘅感覺，真係營造到小小泰國氣氛～嚟到重點食物介紹，我哋㨂咗冬陰公湯麵同豬肉船麵～整體嚟講麵嘅份量都幾多，比起正宗船麵多好多。冬險公湯麵對於平時食小辣嘅我嚟講都幾辣（見到個紅油就知真係辣haha），但酸辣度個比例啱啱好（我個人覺得辣多過酸少少）勸各位食唔到辣嘅朋友仔注意哦！豬肉船麵有豬肉片同豬肉丸，豬肉片係厚身大塊，味道普通啲，主要靠個湯底浸，重點係湯底出色濃郁，唔會過咸，個人覺得比冬陰公更有驚喜同好食﹗

呢間阿叔船麵，睇個名就知係食船麵。船麵其實姐係泰式湯麵🍜今次買左冬蔭公湯麵外賣。先講湯底，冬蔭公湯底十分香，飲落酸酸辣辣，好開胃🤤而且仲飲到椰汁🥥香👍🏻👍🏻而餸有蟹椰、蝦、豆卜，唔算太多餸🤭多啲海鮮會更正。

之前見到網上推介，今晚經過竟然咁岩有位，店舖雖小，大約20多個座位，經常爆滿，裝修非常特別，牆上的壁畫好靚好吸晴，天花仲吊住水槍做裝飾，入到去已經聞到陣陣船麵的香味。牛肉船麵$58湯底濃厚，非常鮮甜，有牛腩、牛丸、炸豬皮、通菜碎和芽菜，麵底選了金邊粉，非常夾。冬蔭公湯麵$58冬蔭公湯都幾辣，但辣得來亦香口，有蝦、青口、蟹柳和麵筋，麵底選了河粉，這裡的河粉是一大塊的，跟平常吃的不一樣，很特別，而且口感好滑。炸豬皮$18豬皮炸了之後非常爽脆，就像在吃蝦條一樣，而將炸豬皮放到湯裡，就變得煙韌，咬落非常有口感，一款炸豬皮也有兩款食法﹗青檸梳打$24泰國品牌的梳打水，再配一杯冰和青檸，非常地道的味道。