富臨薈 (已結業)

差不多每次吃聖誕大餐都是吃西式，吃了這麼多年也覺得有點悶吧，所以今年就想加點新意，來到位於沙田的富臨薈飽嚐一頓豐盛的中式聖誕大餐。裝修一洗中菜館的俗套老氣，注入時尚氣息，面積寬敞，坐得頗舒服，而且換上聖誕裝飾，洋溢著濃厚的節日氣氛。今次提早吃聖誕大餐，就不用等到正日才同人逼了。聖誕大餐分為二人及四人份量，價錢其實也不算十分昂貴。茶錢每位 $6。紅米賽磅蟹餃紅色的餃皮配上白皚皚的內餡，外型賞心悅目，盛載著聖誕佳節的冬日暖意。餃皮不過厚，每一顆看起來都被餡料撐得脹鼓鼓，內有賽螃蟹混合爽口蝦肉，富有鮮味。聖誕樹鍋貼以脆皮製成聖誕樹造型，相當有心思，更添脆口口感，不過餃皮就略嫌厚了點。一咬開餃子餡料扎實多汁，有新鮮豬肉，以及爽甜椰菜，肉餡豐滿。冰鎮鮑魚聖誕樹聖誕樹擺盤十分精緻，散發聖誕飄雪的浪漫氛圍，其實內有幼滑薯蓉作為樹幹黏好所有食材，砌成這個應節造型。冰鎮鮑魚口感緊緻而又保留到肉汁，滿足口腹之欲，啖啖鮮味爆燈。漢堡小子過聖誕漢堡小子外表得意又趣緻，中西合璧，更添創意玩味。內餡不是夾著傳統的漢堡扒，原來是包著蝦膠的脆卜卜炸雲吞呢！繽紛芥蘭炒帶子芥蘭爽爽脆脆的口感，再加上新鮮的帶子，賣相就如其

嗰日同朋友去沙田行街，行到晚飯時段大家都想食中菜，咁就去咗富臨薈啦！坐低左之後見到枱面有個好特別嘅餐牌，係講緊聖誕大餐嘅，咁我哋就問吓侍應現在有冇得叫嚟食啦，話叫得咁所以我哋就order個聖誕大餐啦！第一道菜就係紅米賽螃蟹餃，個賣相好靚，個紅色嘅皮真係好醒神，食落味都唔錯，而且都大隻嘅第二道菜就係聖誕馴鹿包，個樣真係好得意，食落甜甜地都唔錯。之後嚟咗兩杯聖誕沙冰，顏色好鮮艷紅卜卜咁，飲落有香蕉味但係其他味我又唔係咁分得出，但係都OK好飲嘅。再嚟就係有個冰鎮鮑魚聖誕樹，呢一個就好驚喜啦，因為個聖誕樹真係好靚，啲西蘭花加埋啲紅椒黃椒同埋少少椰絲上邊仲放左啲鮑魚，完全係一棵聖誕樹咁。咁之後就開始上主菜啦，有個海皇龍蝦扁意粉，個扁意粉真係好好食嘅，個汁係龍蝦汁，撈落啲意粉度加埋龍蝦肉，簡直係perfect ！咁聖誕大餐梗係唔少得有雞啦，聖誕餐有原隻嘅聖誕燒春雞，而且隻雞都幾大隻嘅，原隻比你自己食，可以用絞剪剪開又得，自己鍾意撕開嚟食都得，而且隻雞熱辣辣味道係唔錯嘅！最後甜品有映雪白切糕，雖然我其實唔多知佢係乜嘢，但係食落去煙煙韌韌，又唔會太甜，係幾好食嘅！

11月，開始感受到聖誕的氣氛，各大商場的聖誕燈飾及佈置紛紛展開序幕，連食肆都開始推出聖誕套餐，令人不禁期待聖誕節的來臨⋯⋯富臨薈就是其中一間推出聖誕套餐及主題的「酒樓」，中式的聖誕餐感覺有趣，而且在套餐的配搭上的確花了不少心思，所以我們也忍不住要先來一個「中式」的聖誕套餐﹗單看餐單已經非常吸引眼球，精美的印刷及花心思的造型已經令人有種興奮的感覺，單點或套餐都可以，若有選擇困難或希望感受更濃的聖誕氣氛，當然套餐是最佳的選擇⋯中餐最重要是湯品，先來一個佛跳牆，湯清澈而不油，材料豐富，雞肉、豬肉、海參、花膠都有，滋潤及暖和腸胃，可以正式進入聖誕大餐了﹗紅米賽螃蟹餃口感爽彈，以紅米搓成的餃皮軟糯而綿密，餃皮與饀料正好形成2種不同的感覺⋯冰鎮鮑魚聖誕樹，單看顏色與造型已經讓人興𡚒，用西蘭花砌成一棵立體的聖誕樹，鮑魚及紅黃椒作掛飾，再灑上椰絲，造出下雨的效果，原來中菜也可以造出別緻的聖誕樹，冰鎮鮑魚口感較結實，涼浸浸的感覺作為頭盤也太名貴了吧﹗香草三色丸都是聖誕樹造型，但這次是平面的聖誕樹，同埋以西蘭花作配撘，加上三色肉丸及香草忌廉汁，與冰鎮鮑魚聖誕樹形成2個對比，一冷一熱，完全代表到聖誕寒冷的天

呢期一田大減價成個沙田新城市廣場都逼滿人，我地掃完貨之後又攰又餓，想搵地方坐下食下野，但係因為實在太多人，所以要先離開新城市廣場，最後過左隔離偉華中心。過到黎就見到呢間富臨薈，見唔駛等位，我地決定即時入座。一坐低就有驚喜，12月都未到，就有聖誕大餐食啦。2人餐只售$498，4人餐都係$988，以現時物價計算，唔駛$300一位有聖誕大餐食，相當超值。我地一行四人，梗係叫番個4人餐試下啦。先黎4杯聖誕沙冰，用火龍果溝香蕉，味道清甜，顏色鮮艷，加上每杯都有個水泡仔墊住，造型夠晒可愛吸引。聖誕大餐當然離唔開聖誕節造型嘅菜式--冰鎮鮑魚聖誕樹。用上西蘭花去堆砌一棵聖誕樹，鮑魚就就好似掛在樹上嘅聖誕鐘一樣咁奪目。味道方面，鮑魚味濃而且有咬口，西蘭花又夠爽口。前菜除左聖誕樹之外，仲有呢個香草三色丸。有墨魚丸、龍蝦丸及蟹籽丸，款款都咁彈牙，配上香草汁更添美味。之後送上每位一盅佛跳牆，內有鮑片、冬菇、雞肉、排骨等等，份量十足。而且熱辣辣送上檯，啖啖都係精華，用黎暖胃最好。聖誕節一定要食火雞？NO，我地有聖誕燒春雞。侍應為每位都預備左手套、較剪等工具，讓大家鍾意手撕食又得，鍾意剪開食都得，而且原隻雞上，霸