大發餐廳開心菜館

营业中

休息中

最近睇完大台的溏心風暴睇見奶茶王黃永正都好想飲返杯好好味的奶茶呢？哈哈中左電視節目的毒的我緊係要湊下熱鬧黎到洪水橋的大發茶餐廳試下真正的香港奶茶王 (括弧曾經好似係)我見鋪頭入面都掛有曾經係香港的奶茶王根據我係網絡上搜尋的資料所得知呢到的奶茶都真係好受歡迎所以我身先事卒緊係要黎一賭奶茶王的奶茶啦雖然我都唔肯定係唔係奶茶王本人沖比我但我相信源材料應該都係一樣的可能沖的手勢未必會原汁原味我估都有原先的七成功力我今日黎食的係下午茶時間至岩就係食個包嘆杯香滑的奶茶架啦我叫左個吉烈豬扒配薯條再加多杯今日的主角！凍奶茶！先講下碟豬扒薯條望落去平平無奇但原來好鬆脆 又夠熱辣辣薯條又多又大碟 不過就普普通通的粗薯而杯凍奶茶又好香滑陣黑白淡奶味好出好好飲不過如果唔中意奶味的朋友可能要叫少奶啦但本人幾愛淡奶！埋單的話一個人要44蚊中規中矩的價錢 都唔會覺得太貴的 不俗呀

洪水橋這個地方一向很少踏足, 多數都是乘輕鐵時路經。 直至前排沖奶茶比賽才認識到其大名, 一直想找機會帶甚愛喝奶茶的媽媽來試。 週日放假, 不想躲在家中, 反而想出外走走, 和陽光玩下遊戲。 去黃金海岸之前, 先到大發醫醫肚。 差不多三時才到達, 幸好不用等位。 雖然時候不早, 但仍想吃些飽肚的東西, 故點了星州炒米 ($30)。 碟頭可不少, 兩個人分享也足夠。 未吃已聞到很香的咖喱味, 果然沒令我失望, 最怕一些有色而無味, 一點辛辣感都沒有。 這碟水準不俗, 米粉炒得乾身不油, 條條分明, 上色也很均勻。 配料有叉燒、蛋絲 、蝦、火腿、芽菜等比例相若, 特別是蝦的份量很均真。 基本上吃過炒米後, 已飽了八成, 唯有利用胃部僅餘的空間裝下魚柳薯條 ($33)。 單看價格, 小吃竟然比炒粉麵貴, 真令人摸不著頭腦。 份量同樣很足, 賣相亦較其他茶記講究, 伴碟除了一般的生菜絲和番茄外, 還有兩片菠蘿, 三種顏色配搭起來, 既有新鮮感, 又豐富了視覺享受。 主角魚柳炸得香脆, 粉漿不厚, 炸過後仍保持鮮嫩可口, 魚肉帶微微的咸味, 實在值得一試。 而配角薯條的表現也值得一讚, 入口

一個平日既下午, 唔使等位, 舒舒服服咁食個 Tea 整杯熱奶茶先, 茶同奶夾得岩岩好, 非常幼滑香濃, 朋友的凍奶茶都唔錯 另叫左兩碟炒野,- 干炒日式烏冬, 你睇下碟底幾多油 - 干炒雞絲意粉, 油一樣咁多 盛惠三十三蚊, 果然係開心大發現 晚餐都係三十八蚊之嘛.....

一日之計在於晨，有一個早上來呢度食早餐。所見都唔算多人，都係叫番普通既早餐，凍奶茶。薯餅煎蛋唔知點解，有時會黎左薯餅腸仔。不過薯餅就新鮮炸，算幾有心既。而煎蛋就唔會熟哂，會有小小蛋汁"必"出黎。當然，我會加一蚊食多士，好食過普通餐包多多聲。牛奶麥皮佢就無加煉奶，反而加左花奶。味道算幾滑，有種綿綿既感覺。凍奶茶好好飲，味道好正，茶味好濃。有下次既，不過都係一個月一次到啦。

呢日返學之前，黎左呢間食個早餐。呢間既奶茶都唔錯既，不過今次想試下凍奶茶。睇下好唔好飲。凍奶茶今次叫佢小冰，驚唔夠味。結果呢個決定係正確既。茶味好濃，又唔會落得太多奶無哂茶味。都算幾好飲，唔錯既。薯餅煎蛋薯餅係新鮮炸既，好香好脆口。煎蛋可能係整定既，所以唔夠熱。而加一蚊就加多士，多士牛油好夠同好脆口。火腿米線普普通通啦，呢個勝在清清淡淡，唔會太鹹既。凍奶茶都唔錯，早餐都可以既。所以點都有下次既。