水門雞飯 (豉油街)

营业中

休息中

位置寬敞，每個座位都有間版，一個個分開。食客都去得好快👀。⭐️ 串燒 (雞肉串、豬肉串) $14/串意外地唔錯。串燒烤得啱啱好，冇過熟、好韌嘅口感。香料調味啱啱好🙌🏻，就咁食都唔會覺得太鹹。點埋佢嘅沙嗲醬😎😎，口感就更加豐富。個人鍾意雞肉串，更嫩滑一啲😙。⭐️ 水門半隻雞 ไก่ต้มครึ่งตัว $108份量都幾多，包埋雞雜，送雞湯。推薦！鍾意水門雞無骨，啖啖肉🤤🤤。雖然睇落去雞有啲蒼白，但係佢嘅肉質嫩滑，多汁得來又唔會覺得好油膩😆。佢冇咗一般切雞嘅黃油同埋油膏，係一個清爽、冇負擔嘅選擇💙💙！ 適合健身人士😋😋味道清清地、冇過多嘅調味，明顯食到嫩雞嘅味道👍🏻，蘸埋酸酸地嘅醬就更加惹味。⭐️ 鳳尾蝦炒金邊粉 Phad Thai w/Fresh Prawns $62份量係啱啱好嘅一人份。蝦仁大大隻，冇雪藏味。金邊粉調味，酸甜嘅比例啱啱好😙。幾好味，大大啖就好快食完😂😂。⭐️ 炸黃門鱔魚皮 $36係一個唔簡單嘅炸魚皮。真係用鱔魚皮炸，眼見到有魚皮同埋魚骨，炸到香脆。食到明顯魚嘅味道，不過有少少硬，要多啲牙骨力👀😂 。慢慢咬，㗳清楚魚嘅味道，唔咸、都幾好味🤭。⭐️ 凍泰式奶茶 Iced Thai Milk

位於旺角既呢間水門雞飯印象中係新開既，之前係尖沙咀果間每次食飯時間都要排下隊，而旺角呢間都唔例外，好彩既係今次早左啲去食，所以都唔洗點排而去食果時咁岩過左下午茶時段，所以叫飲品係正價既，而今次就叫左一份水門雞飯同蛋包鳳尾蝦金邊粉，飲品就叫左凍咖啡同凍泰式奶茶～水門雞飯（$52），首先賣相方便唔錯，雞同飯既比例恰當，而雞肉方面都係去左骨既，食落雞肉唔肥，肉質亦唔會太鞋，味道亦有雞味，同平時食燒味檔既白切雞唔同，呢款雞肉唔會太油，亦都夠滑，而飯亦係油飯，食落都算粒粒分明，配合埋佢個汁酸酸甜甜十分開胃👍🏻👍🏻而杯凍咖啡奶味夠，冰同咖啡比例岩岩好，算係一杯唔錯既凍咖啡👍🏻👍🏻蛋包鳳尾蝦金邊粉（$78），首先蛋包炒金邊粉比較少見，而外貌都做得好靚，亦無令到個蛋包穿咗，而入邊既炒金邊粉亦都好惹味，啲蝦都有小小彈性，食落個味都好夾，至於杯凍奶茶味道的確係泰國果款，顏色係偏橙，呢樣都係關啲茶葉事，味道茶味奶味兼容，算係唔錯既奶茶👍🏻整體來講呢間鋪既水準唔差，絕對係可以再黎食既一間店鋪👍🏻👍🏻👍🏻

每次到泰國必食水門雞飯🥰， 以前更加每年最少去一次泰國， 因為疫情關係只可以留在香港， 幸好還可以吃到泰國口味的水門雞。 位於旺角豉油街的水門雞飯， 星期六的晚上餐廳外排長龍， ⭐入到店內就快快點我最掛住的水門雞飯$54， 然後還有鳳尾蝦金邊粉$75、 豬肉串燒兩串$28、 雞肉串燒$14和 凍泰式奶茶$22。🤤📌水門雞飯🍛～ 第一啖已經食到泰國的風味， 皮薄肉嫩的海南雞😋， 雞肉的脂肪較少，油飯香噴噴且軟硬適中， 配上有香濃胡椒味的雞骨湯， 水準不錯。📌鳳尾蝦金邊粉🍝～ 即叫即炒非常有鑊氣， 一碟有四隻啖啖肉的鳳尾蝦🦐， 爽口鮮甜的肉質👍🏻， 配上酸酸甜甜的金邊粉， 炒得乾身又好味。📌豬肉串燒🍢～香濃的醬汁帶甜味，豬肉串燒入口時再蘸一層濃濃的沙爹醬🤤，美味開胃。📌雞肉串燒🍢～雞肉嫩滑好味👍🏻😁，配上沙爹，馥郁香濃。📌凍泰式奶茶🥤～入口偏甜而滑溜，正宗的泰式味道。水門雞飯味道正宗，懷念曼谷的風味一定要來試下。😁👍🏻