金興潮洲飯店

营业中

休息中

再寫一次金興，就集中講食物特別係上次無食既，多年以後，金興仍然係好有本土風味既潮式打冷先食條凍烏頭配普寧豆醬，烏頭賣點就係多肉，肉質較實，口感幾正既，真係好有魚飯feel金興依條烏頭，好味之餘個size啱兩三人食，又平到你唔信炒多個白菜仔，鑊氣十足，份量夠晒但就唔係好「仔」，比較大舊今晚豪一豪食下佢嘅凍蟹，佢會將啲蟹貼係門口任你睇啱唔啱食上台一望話知又鮮又大隻開蟹蓋一睇都有唔少膏，蟹味好濃，幾正蟹腳幫你扑晒啲要咬既位，用手都搣到成隻腳成舊蟹肉都好到黎好正，蟹肉好有口感、好鮮甜配少少醋更吊到啲鮮味出黎，好有潮味道連蟹鉗都幫你拆好，一開就成個鉗入口，蟹味勁濃又甜又正一食難忘最後未夠飽食多個蠔仔烙，上次都寫咗就唔多講lu始終未搵到一個地方既打冷可以媲美金興既性價比價錢抵而質素真係正，所以成日咁多人，唯一係會坐得唔舒服咁啦#韮菜豬紅都好正架#啲伙記仲係個啲人😯

小弟由細到大都住喺西環，西環呢頭嚟講潮州鋪頭數數手指都唔止五間。細細過就已經成日同屋企人嚟食打冷。早排同朋友仔喺附近踢完波，就即刻想開心Share!!等佢地一齊試下隱世潮州打冷老字號~~ 平時食飯時間都要等幾耐下，不過當日去到都過左食飯時間，所以等左10分鐘倒就入得(大台係要等耐少少)。一坐低都唔洗點諗，例牌嗌左打冷必點:韭菜豬紅、生腸鵝腸大腸、鵝片例牌、魚飯(凍烏頭)再加碟炒菜。聽啲長輩講，想知一間打冷鋪嘅功力根底:求其嗌碟鹵水同炒碟菜就食得出~~首先講下鹵水，生腸鵝腸大腸唔會咸得太過份，味道豐富之外生腸鵝腸非常爽脆，而大腸則好有油感，真係食唔停。魚飯亦都係另一重點，凍烏頭雪完肉質會較實有口感，亦都鎖實左淡黃嘅魚油。魚油嘅油香，加上大啖大啖嘅魚肉，真係去倒呢間餐廳必點嘅菜式。韭菜豬紅夠哂重味濃郁，而炒菜夠哂鑊氣。最後鵝片例牌都好好食，但未算得上呢間打冷嘅必食推介。基本上，金興無論冷盤鹵水炒餸都料理得好好，絕對值得推介~~當然一間咁地道嘅餐廳，環境同衛生就好難做倒一流，但勝在風味搭夠